今日約左貓so&馬騮&子輝去踩單車 ，咁今日亞媽就9:00am叫我起身，起左身，貓so就岩岩好打電話黎，話9:30am去譚叔樓下等，咁我就梳洗&換衫&食碗炒飯，之後就去譚叔樓下，去到子輝就喺度，隔左陣貓so到埋，就等馬騮，等左一陣，就打電話俾佢，佢仲喺屋企 ，咁我地就踩住去東京單車城先，因為子輝要租車，踩左陣馬騮就到，咁租完車就踩去大埔，我地踩到去科學園附近嘅一條隧道，果時我就踩得好快，因為要上斜坡，咁上斜就緊係轉波嫁啦，點知太快轉唔到 ，隻左腳踢差左喺齒輪前面 ，咁隻左腳小腿就俾D齒輪(介)傷晒&流血 ，嘩……好痛…… 咁我就坐埋一邊，貓so&子輝&馬騮就喺隔離等我，抹左D血就坐左陣，之後就慢慢踩過去科學園度搵醫護人員療傷，去到果度，點知……果度冇人 ，咁就慢慢踩去大埔，要佢地慢慢踩等我真係好抱歉 ，踩到去大埔，點知……果度嘅醫護人員又出左勤 ，咁我地就踩去大埔超級城食飯，去到就拍車，之後就搵食店食野，我&子輝&馬騮就喺阿波羅買腸仔食，食完我地四個就去M記食野，食完就行下商場，子輝又買止汗(濟)啦 ，我同貓so買佢唔夠一個星期一定玩晒，之後1:00pm就踩返單車返沙田，依家我可以踩快D啦 ，去到沙田雙子橋，馬騮就約左何b去好運，咁佢就走，我&貓so&子輝就踩去馬鞍山，踩左陣，我同子輝就休息下，貓so繼續踩，休息左陣，貓so返到黎咪踩返沙田，踩左沙燕橋附近，岩岩馬騮&何b都喺果度，咁咪一齊踩返新翠，不過踩到文禮閣就已經散晒，之後我就返屋企，返到屋企2:30pm，就話俾老豆&亞媽知我受左傷，咁就叫我去新翠商場買黃藥水&醫用膠紙返黎洗傷口，買完返到黎就亞媽幫我洗傷口，洗完就玩電腦，玩到8:30pm就睇~哈利波特消失的密室~，睇到12:00am就玩電腦&沖涼，嘩……俾D水整到D傷口好痛 ，仲有D醫用膠紙痴得好實 ，惟有用水整甩佢，沖完涼玩多陣電腦就訓啦 !!!