今日7:35am起身，之後咪好似平時朝早咁!!!

第一&二堂係電腦堂，一開波就小測，測上堂俾果D文章，唔洗問我又冇溫啦 ，點知亞sir話睇住測 ，嘩……正 ，不過唔多夠時間 ，不過應該合格，下次唔洗補測 ，測完就上堂，教返中三下學期教嘅Pascal(寫程式)，寫左一個就落堂啦!!!

第三&四堂係英文堂，對返上個禮拜五果份小測，得……9分 !!!

第五&六堂係歷史堂，教~軍備競賽~&做工作紙，好快就過左啦 !!!

之後就返屋企食飯，食完飯1:00pm就返學校，仲未開班房門咪去圖書館囉，喺圖書館果度整吳俊平&Naddy，之後就走，去左4E班，睇莫少邦俾人整 ，之後莫少邦攞左猩猩部手提，因為猩猩影左莫少邦俾人整果時嘅短片，咁猩猩咪同佢鬧交囉 ，之後猩猩仲叉住莫少邦埋角度，之後就冇戲睇 ，之後4E班嘅人仲整我 ，整左陣就冇野啦，之後上堂!!!

第七堂係數學堂，Miss教做數，咁就一堂!!!

第八堂係中文堂，Miss冇返 ，有個新黎嘅亞sir代堂，咪無無聊聊咁過左囉，不過後尾果半堂，俾劉嘉莉同幾個女仔無啦啦話我 ，唉……因為之前好似得罪左佢 ，唉……算啦，中一至中三都俾人話慣嫁啦，少事黎姐 ，我冇擺喺心嘅 !!!

放學就同貓so&子輝去四樓新翼嘅活動室幫洪姑做野，話就話做野，其實係冇野做嘅，之後就落去家資，因為洪姑喺四樓新翼活動室開緊會，Eric又冇返，咁我地就喺門口企，之後子輝用水噴我 ，之後仲用樽裝水潑我 ，咁我就去消防喉射佢囉 ，我走開左，就到佢用消防喉射我 ，最後我地兩個全身濕晒，鞋都裝左好好多水，D衫褲透晒，咁咪鈕下D衫囉，之後有個肥仔行過，我地整濕埋佢 ，之後子輝攞住消防喉我就洗樽，個肥仔企喺我地前面，子輝叫我攞開個樽，等D水射去個肥仔度，咁我就攞開，個肥仔濕晒 ，咁個肥仔就攞住消防喉追住我射 ，我就走，突然馬sir跑過黎 ，馬sir睇唔到我，好彩姐 ，但係睇到個肥仔同子輝就追佢地，咁我就返屋企，返到屋企就沖個涼，曬返D衫褲，之後就玩電腦&睇張煥烶寄去我E-mail嘅信，原來佢寄左個網址俾我睇http://www.mathsking.net/luck/，玩到6:30pm就訓教 ，訓到9:30pm就起身食飯&玩電腦，之後睇大奧，睇完就玩陣電腦，之後沖涼，12:30pm訓教 !!!