今日11:15am起身，之後梳洗&食飯，之後玩下電腦&做下歷史暑期功課，咁就過左一個下午，6:45pm就同細佬去田心踢波 ，去到果度，冇燈，黑媽媽 ，有好多人喺度踢，細佬就同佢地踢，我就坐喺則邊睇 ，之後有個人話~開燈未呀???投訴嫁!!!~，咁D燈就即刻開 ，兩個字~神奇~，之後7:30pm，子輝黎左，我仲未有波踢，一個字~慘~ ，等到7:45pm，D人走晒，我&細佬&子輝就踢波，踢左陣，有3個人黎，同我地鬥波，我地就鬥啦，鬥到8:15pm何b黎左，踢左陣，果3個人就走，之後我地四個就射下波，射左幾球，我射左出去 ，咁我就執返啦，執完就射返入去，點知……射左唔知去邊 ，咁我就去搵啦，我又冇載眼鏡喎，又黑媽媽喎 ，咁就睇唔到個波喺邊，佢地3個又冇睇到個波俾我射左去邊，咁我就載返眼鏡搵，搵極都搵唔到 ，佢地3個又唔幫手 ，搵左半個鐘，又搵唔到個波 ，又整到D手手腳腳好鬼痕 ，仲整到隻腳流血添 ，咁我就放棄唔搵返屋企 ，返到屋企就沖涼&食飯&打日記，打完就回覆譚叔嘅留言，回覆完就睇由今日開始逢星期一至五10:00pm至11:00pm嘅日本電視劇--大奧 ，不過今日就10:00pm至11:30pm，記得睇啦 !!!