今日7:35am起身，之後咪梳洗&換校服&食個包，之後就返學校!!!

第一&二堂係數學堂，咪又係做數 !!!

第三堂係歷史堂，今堂我同貓so坐，因為譚叔話我餃佢 ，咁我咪同貓so坐囉 ，咪又係好尊心咁聽書同做工作紙!!!

第四堂係電腦堂，一開波又小測，我有溫書嫁 ，諗住合格啦 ，點知亞sir出果D題目同我溫果D唔同 ，唉……睇黎下堂又要補測啦 ，之後就教Pascal!!!

第五&六堂英文堂，又係Listen，我又冇聽到，到左第六堂果時，我整D馬紙一陣放食飯果時射何b ，因為何b喺英文堂之前用馬紙射我，咁我就整左17粒就唔整，譚叔話要射佢，咁我就同佢分，我要9個，譚叔要8個，哈哈…… 終於放食飯啦，我射左何b幾下就冇射啦，譚叔就好似冇射到，之後我射哨牙仔，之後我就走，哨牙仔就追住我，佢竟然扯斷左我個斜(咩)袋條(咩)帶 ， 衰人…… ，今晚叫亞媽幫我連返，之後我就返屋企食飯，食完飯就玩陣電腦，玩到1:25pm就返學校!!!

返到學校就集隊分社，我本身係綠社，不過我走去籃社度 ，因為譚叔&馬騮&何b&子輝&哨牙仔係籃社，我就用張紙仔摭住D綠色，之後個死人班主任就檢查學生証 ，話我摭住D色，之後罰左我一陣就叫我返番去綠社度 ，咁我就返綠社，綠社今次坐A場，冇冷氣 ，仲要我坐喺個牆位 ，D風扇又吹唔到D風黎我度 ，鬼咁焗 ，首先係社幹事侯選人自我介紹，之後玩~大電視~，姐係好似獎門人果個~不落閘~咁，不過係俾D社幹事侯選人玩，之後就俾D投票社幹事侯選人，我叫左豬ann幫我剔埋，之後就玩~估歌仔~，因為部電腦播唔到 ，所以就由劉麗斯歌，係野飲嫁，第一條就歌校歌俾人估，唉……係五育嘅人都識答啦 ，白痴……，之後就玩~智力擂台~，我答左一題，有包麥精維他奶 ，我就問蚊蚊要唔要，佢就攞左，之後俾坐佢隔離果D人(廸廸、周周等等)話我地有路 ，咁蚊蚊就俾返我，豬ann就話要，咁我就俾左豬ann，之後有好多都識答，不過唔夠人地舉手快 ，之後就宣佈邊個社幹事侯選人可以做社幹事，宣佈完就放學，我就返屋企玩電腦……