今日7:30am起身，之後梳洗&換校服，之後就返學校，返到學校又要集隊 !!!

第一節考數學，唔記得左邊個監考啦 ，考一個半鐘，D數都好易嘅 ，不過第一條長問答就有D難啦 ，咁我就答頭果三分，因為果三分非常、極度、超級容易呀 ，之後做晒成入仲有少少時間咪睇下D答案囉，個扇形面積計錯左 ，咁咪再計過囉，計呀計……咁就冇左好多時間 ，之後計完仲有幾分鐘，咁就睇睇果條話難唔難、話易唔易嘅長問答囉(唔難……對數學老師黎講)，諗左陣，就識做，不過唔知岩唔岩 ，咁就做左先，點知已經夠鐘 ，連少少時間都唔俾我 ，上天真係對我不薄，不過我記得梁科慶講過~時間不會因為你的需要而走得慢些，亦不會為你而走快些~(大約係咁啦 ，詳情請參照~Q版特工 之 再見真生~ ，依……搞到我好似做左宣導添…… )!!!

之後小息咪去圖傳度借畫板&T尺囉，借完就去A場同亞Fat佢地傾下計!!!

第二節考圖傳，同D中五修電腦嘅去禮堂考，佢地考兩個鐘，我地就考兩個半鐘 ，有6大條，條條都好易 ，咁我做完第一&二題就做第六題先，點知係咁計錯尺寸 ，擦完又畫，畫完又擦 ，人地畫晒咁多題，我仲係做緊第六題 ，做完就用最快嘅速度畫第五題，畫完就畫第四題，畫左少少就夠鐘 ，之後見到人地傳上黎果D……就知自己……死緊 ，唉……，神呀……點解我要咁命苦呀 ???神:「依D係你做得慢，唔怪得我……」

之後就去還返D圖傳嘅野，之後返屋企食飯，好肚餓呀 ……食完就玩電腦……