今日7:30am起身，之後梳洗&換校服，因為今日要考試，咁我就食早餐 ，之後返學校，返到去就集隊!!!

第一節係考英文閱讀理解，謝機球監堂，考一個鐘，份卷都好易嘅 ，不過我估我都唔合格嫁啦 !!!

考完之後就放小息，咁我&譚叔&何b&馬騮&吳俊平&Naddy&Fat子&陳俊昌&諾哥就喺四樓前樓玩&傾計 ，之後10:00am就落去集隊!!!

第二節係考英文作文，黃志強監堂，考個半鐘，要作兩篇文 ，咁我就作第二篇先，亂咁作 ，話明作呀嘛 ，好快就作完，都唔夠200字 ，之後就作第一篇，又亂咁作 ，好快又一篇，我估成份野都唔夠十分嫁啦 ，之後作完咪訓教囉 ……訓到考完!!!

之後就放食飯，咁我就跟羅丹&囡囡去白普理果度，因為佢地話溫書，咁我咪跟埋去囉 ，之後佢地話食完飯先黎，咁我就返屋企食飯，返到屋企12:45pm，老豆又唔喺屋企 ，咁我咪打電話俾佢囉，又去大排擋食，1:30pm食完就返學校，返到去又集隊，之後上禮堂考英文Listen，唉……聽得果一次 ，以前聽兩次嫁 ，Data File果度我又唔係幾識 ，真慘…… ，聽完就放學，我就跟左羅丹&囡囡&任紙巾&陸詠琛去白普理搵人教Oral ，不過我都冇乜聽到，之後5:45pm就返屋企，返到屋企咪玩電腦囉……

今日馬騮俾左個網址我 ，個網址係~網上文字轉語音及繁簡翻譯服務~嘅 ，不過我同馬騮用佢黎講粗口 ，哈哈…… ，我諗依個網址對大家英文一定好有用 ，所以同大家分享下 ，唔只英文，仲可以教普通話&廣東話 ，仲有，大家唔想睇日記嘅話，可以成篇Copy再Paste落去，等佢讀你聽 ，不過最好就唔好用黎聽日記，因為佢有限字數，只係可以打100個字，所以大家最好就唔好用黎聽日記啦 :http://www.kanhan.com/tdc/tools1.html