今日7:30am起身，之後梳洗&換校服，之後返學校，返到課室就睇~Q版特工--再見真生~ ，因為早讀堂，不過冇人睇書 ，得我一個!!!

第一&二堂係地理堂，Miss派返上次嘅小測，我得34/45 ，唉……如果唔係將D~褶~字寫成~斷~字就多4分 ，咁就有38/45 ，慘…… ，咁Miss就對答案，咁我就睇~Q版特工--再見真生~ ，睇到落堂，岩岩睇完成本 ，睇左兩堂書!!!

第三&四堂係英文堂，亞sir又講Oarl D野 ，咁我就喺度玩擦膠碎!!!

第五&六堂係圖傳，亞sir講下我地之前交嘅滑鼠功課，之後就做剖切圖 !!!

之後放食飯，咪返屋企食飯，返到屋企樓下，保安亞姨又話老豆叫我去大排擋食 ，咁咪去囉，我食左碗車仔麵，之後食左D炸魷魚就返學校!!!

第七&八堂中文堂，亞sir繼續教~再別康橋~，教完仲有一堂就叫我地做習作，咁我就喺度訓 ，訓左陣就醒左，咁就周圍望囉，之後喺放學前十分鐘，譚叔同我講習作要一陣交 ，下……我仲以為返屋企做添 ，咁就拿拿聲做啦 ，做左幾題就要交，咁我咪照交囉!!!

放學就留返喺課室等班主任上黎擺枱凳，擺完就走得啦，咁我就返屋企玩電腦……

琴日肥觀俾左網址我 ，係打你個名入去，再打你仲意嘅三個人嘅名入去，就會幫你揀個最o親你嘅人嫁啦 !!!http://www.doctorathome.com/love/love.php?e=gmq8q768fg54--bj-yb_a