今日一朝７點５出門　去到俊宏軒　應該都７點７啦　見到劉邦　就係到傾計　傾下　有車聲望下後面

傾左好耐　點解部車未黎既　咁我地就係到搵啦　我地學校ｄ人都唔見晒　之後呀翔先出黎　唉　咁耐先出

之後好彩劉邦有帶手提　打左比何小姐　之後佢地唔知傾左ｄ咩　劉邦就叫我地跑去天逸啦　我前都有提過天逸部車８點幾先黎

咁我地２個我同劉邦跑左天逸啦　個死呀翔係到行過去　我地跑鬼咁辛苦　佢就係到行　如果部車黎左　唔等佢　唔關我地事

去到見到嫻一個坐左係到　之後好多人　上到車　好彩都夠位　出面有位比呀翔坐左　劉邦同我講　岩岩個位我坐ｇａ比呀翔撞喳

返到學校　呀翔先做功課　好彩我做晒姐　早會　我係到等劉邦　劉邦又要叫人出去　都冇乜人理佢　咁我地出去啦

早會好快過　返到去　係到睇書　又係個本啦　諗住小息去還加借書　上第一堂　第一堂就整２堂英文出黎　悶到咩咁

之後ｍｉｓｓ叫左我讀　有ｄ識既　有個真係好難　劉邦仲話呢個字ｏ晒咀　係到笑　之後講左一半　另一半ｍｉｓｓ叫左嫻讀　呵呵

小息　去左圖書館借書　見到乒乓波校隊個隊長　我問佢我入唔入到　佢就係到講笑　我都入唔到呀　我話唔講玩啦　你係隊長黎

佢就冇理我啦　我借完書返去　返到去　未睇就比落澤昌拎左本書黎睇　佢話午膳比返我ｗｏ

又２堂中文啦　呢２堂都幾好既　但係喺第２堂後個到　有人係到玩　整到得４分　本來係６分ｇａ

唉．．　第２個小息　我攰到扒係到　好快過啦　上輔導　又係個嗰老師　成班又嘈啦　

之後拎左３分　都差唔多ｇａ啦　成班咁嘈　上數學啦　又係有向數　雖然我仲未識　但係都係聽唔明

上完　食飯啦　我地又一齊食啦　５個人　４個食ａ餐　呀翔食ｂ餐　自己又過黎偷野　又係佢自己要ｂ姐

小息　係出面無聊下　見到呀森同呀翔講ｄ咩４０蚊　咁我同劉邦　過去１ｂ問下佢啦　拿呢ｄ唔講得

小完息　上科學　２堂　　都係個ｄ野啦　走個陣　個宋家威行黎行去　整到人地都行黎行去　得４分

上膳食　講筆記　抄野　上個陣都好靜　點知拎４分既　　　班主任堂　又要留堂（幾順）

４點５先放　咁我地又跑過去　部校車又走左　好無奈　４日冇搭過　　又行去博愛搭車

返到屋企　５點４　玩左陣　之後做功課