返到學校，比預期中少人，亞ｓｉｒ話會將冇返到黎補課既人掟哂落"自我毀滅"班，ｐｏｏｒ！！

放左學，俾亞媽駛左去富健買涼茶，點知冇得買，跟住亞媽就駛左我去買麵返屋企食，

好狼狽囉！兩隻手都攞緊野，其中一隻手仲要拎埋銀包，上車又麻煩，又怕會倒瀉，個頭亂哂都冇手整，最後成個傻婆咁返屋企>.<

返到屋企，放低ｄ野又即刻落街整野，攰！！

今日睇到ｄ野，睇完之後成個人都好唔開心，起初搵唔到發洩既方法，

之後決定化悲憤為食量，ｏ係雪櫃拎左桶wall's既士多啤梨雪糕出黎一路食，一路睇網劇=.="

今次我冇喊，係諗唔到點解我要喊....因為由第一日開始，我就預左會有咁既一日....

最嬲都唔係呢樣，係佢講俾我，西莓同Kitty既版本都唔同！！

佢尋日同我講話佢唔想做介紹，想唔返，結果佢真係唔返！！

佢尋日同西莓講唔會返，結果佢就冇返到學！！

跟住唔知幾時同Kitty講，佢頭痛，所以唔返學！！咁多個版本，唔駛我講係人都知咩事啦！！

佢真係好不負責任囉！！成team有四個人，個個都驚會衰架啦！！

如果個個都好似佢咁，仲有邊個做介紹呀？？今次我真係原諒唔到佢囉！！！！

今日終於可以ｏ係返學校上P.E喇！！

做sit up既時候延續上年既習慣，亞sir望住咪做幾下俾佢睇囉！！唔望既坐ｏ係度欣賞下風景咪得囉！！

點知呢個壞習慣竟然傳左俾carman，Kitty同西莓，真係好既唔學，壞既就學十足＝．＝

今堂自由活動，灰熊問我地玩乜，我話玩跳繩，灰熊即係皺眉頭我地又玩跳繩＝．＝

上完P.E，岩岩換完衫，警鐘就響左喇！！

灰熊仲即刻走過黎問我地點解搞過警鐘，點知一轉頭就見到蔡子良高速跑過，灰熊又即刻跟住跑，

跑之前仲叫我地出操場排隊添！！出到操場，成個葉家輝已經棟左ｏ係台，我地原先都以為係火警演習，

跟住仲聽到校長開咪叫全校既人落操場，大家都心知肚明今次係真係火警喇！！

跟住消防車，救護車到，原來係二樓D.T room有部機器著左火，ｄ消防員上左二樓救火，

冇幾耐就見到有煙出，仲有好濃烈好難聞既燶味添呀！！

不過今日火警，個個都高興，情緒高漲，Fiona佢地仲話：都不枉我地ｏ係呢間學校讀左五年＝．＝

之後學校將我地分開兩批，一批入canteen坐，一批去看台坐，我地就去左看台坐，

原先冇位坐架！！Miss既一聲令下，ｄ男仔好唔情願咁拎出佢地既紳士風度，讓俾我地ｄ女仔坐，ｈａｈａ！！

跟住ｄ消防員救完火，檢查好消防措施，就落返黎地下，佢地一落到黎成校就拍哂手掌，搞到ｄ消防員有ｄ唔知點咁^^""

跟住張志芬話取消聯課活動，全校又拍多次手，不過我地班就唔多開心囉！！

取消聯課活動，即係多左堂中文堂，唉....真係情願驚驚地咁去做介紹都好過上多堂中文堂.....

原先我諗住放學唔參與買野食架！！我同Elisa講話我約左人去哂相，唔同佢地去買野食，

點知Elisa聽完就即刻同我講話佢今日好攰，佢都唔想去買野食＝．＝

聽到真係咀都"ｏ"埋！！次次都係咁，真係好想知點解囉！！

上次補會計又係咁，我唔舒服左成個下午，諗住同Ｍｉｓｓ講我走先，

點知Elisa聽到又即刻話佢都好唔舒服，仲叫我俾佢同Ｍｉｓｓ講先，聽到真係眼都突埋＝．＝

我覺得佢好似愈黎愈有問題，唔係話故意人身攻擊佢，但佢真係愈黎愈奇怪！！

今朝佢明明講緊做會計師，唔知點解講講下可以拉到去講做性工作，之後又話自己語無倫次，

排排下隊可以突然之間同我講佢正常返=.="其實佢到底出現左咩問題呢？？

都唔知係咪大陸喱既事俾佢太大刺激，搞到佢而家咁！！

今日又冇同曉楠曉彤食飯喇！！已經成幾日係咁喇>.<！！

講起食飯，校長都唔知諗乜，竟然ｏ係學校canteen裝左部plasma電視＝．＝

唉....學校真係愈黎愈多無謂野....之前係空中花園，跟住又ｏ係停車場起溫室，而家又ｏ係canteen裝plasma電視，

咁多野搞，對我黎講冇一樣野係實用既，都唔知搞咁多野做乜！！

之後放左學，去左惠康，諗左好耐，計左好耐，最後都只係買左幾包六盒裝既飲品=.="

之後就去左搵妹叮，點知佢就送左曉楠曉彤返屋企＝．＝最後約左ｏ係市中心等...

去到市中心，又見到尚澧哥哥(契哥)，不過傾左幾句佢就走左ｌｕ∼

又等左一陣，妹叮到左，可以起程喇！！

我地首先去左"快圖美"哂相，哂左兩張２Ｒ既，不過要等一個鐘先有得攞，

所以同妹叮去左食野，傾左好多野，八左好多野，ｈｅｈｅ！！

跟住去拎相，妹叮見到ｄ相話好似明星相＝．＝

將ｄ相拎左去過膠之後，就同妹叮分手喇！！大家各自返屋企，下次再約！！

我想同一個人講大話呀！！因為佢講既一句說話令我覺得心驚，即使講大話係唔岩既我都要講架喇！！

我好怕佢會好似我心諗咁，都係以防萬一好ｄ既我諗...

聽日就係星期五喇！！好驚，好驚聽日既介紹會衰俾Ｍｉｓｓ睇>.<"

希望聽日順利過渡啦！！希望聽日佢會信個大話啦！！希望啦！！希望啦！！