因為我亳無預警就停左板三日，實在係好對唔住>.<"

因為之前ｏ個三日我都煲緊劇，直到琴日先睇哂套劇，所以今日先打返日記(俾人鬧死：有冇搞錯呀！身為一個中五既學生有書唔溫走去煲劇？過份！！)

不過就算俾人鬧我都堅持要睇，因為真係好好睇(仲要又睇到喊=.=")

好喇！道歉聲明搞掂喇！開始打日記！！

今日上既第一二三堂都好心散，一來眼訓，二來成個人都冇乜心機聽書(都唔知係咪中五黎架！！竟然講ｄ咁唔負責任既說話！)

點講都好啦！！都係我既錯既....一定冇下次！！！(聽住先啦！！)

跟住P.E.，冇做過ｄ咩，首先兩班俾張志芬鬧左好耐，之後又要跑十個圈(男仔要跑成三十個圈呀！！！)

做完熱身運動，走左入有蓋坐低，報ｏ係sport day參加既項目，我報左100同埋200跑

中文堂，原先話要dict，點知唔夠時間，話聽日先再dict(背左成堂先同我講聽日先再dict>.<晴天霹靂！！！)

放學，俾phy同埋maths霸左，原先剩係phy架咋！！

最衰Juno啦！！通番賣國！！搞到我地俾maths霸埋，又要玩２５人既遊戲(因為有幾個冇返，所以由３２個變成２５個！！)

好彩，五點幾就搞掂哂！！

今日ｍｏ爺又係出貓，跟住俾王上話佢一次cheap過一次＝．＝(不過又係既，佢幾乎次次默書都出貓既=.=")

之後Miss Ng話見我地次次都好努力咁溫默書，所以下個Day C唔駛我地默書(其實係因為Miss Ng下次想同我地做past paper就真！！)

之後數學堂，關永輝明玩野既！！全班有３７個，關永輝話要有３２個做好ｄ數先俾我地走，

跟住打鐘，佢話Lunch佢會再黎過，如果唔夠３２個人Lunch就補課，搞到個個埋頭苦幹ｏ係咁做數...

生物堂，公公唔舒服，所以就叫我地做會考題，但我，ｍｏ爺，水王，家希同carmen就繼續做數學=.="

不過今堂都冇乜點教書，公公剩係要我地抄番ｄ會考題既答案同聽佢既講解咁囉！！

Lunch，岩岩打鐘關永輝就出現左ｏ係班房門口，想走人都唔得>.<"

跟住關永輝就開始點ｄ交左出黎既簿，但都唔夠３２本，班同學就開始怨ｏ個ｄ未做完既同學喇！！

跟住我同水王講：好彩我有做咋！！

水王同返我講：做左又點啫！咪又係唔走得！！

我駁返佢：唔做咪會俾人怨囉！！(不過我今次係百分百自己做架！！我剩係要ｍｏ爺教左我小小理論，跟住都係自己做架！！)

之後我見恆仔佢地做得好辛苦(因為佢ｏ係咁俾人怨，慘..)，所以就俾左本簿佢抄，終於齊簿，閃得！！

ｏ係肚餓既關頭，竟然同曉楠曉彤玩左場"校園捉迷藏"，大家都搵唔到大家，最後都係出動到電話＝．＝

測驗堂，因為睇堂個Miss冇返，又俾關永輝拎左，又再次黎多次３２人既遊戲＝．＝

不過今次多左樣，就係家課簿，又係好辛苦咁死哂俾佢(好野！放學唔駛留數學LU~)

跟住中文堂，Miss楊話椰殼面青青，跟住川明爆左句：椰青

笑死我地附近既人同Miss楊=.="

不過今日俾水王，川明，ｍｏ爺同家希恰呀！！不過我都笑到趴哂ｏ係度，就原諒佢地啦！！

返到屋企，同ｍｉｃ＊傾左陣ｍｓｎ，先知原來婉兒，雪波同一個新黎老師原先都係信義既~

但我今日同埋彤彤楠楠先ｏ係七樓同呢個老師傾完黎＝．＝

我問佢：Miss，你上堂有冇俾ｄ學生恰呀？？

跟住楠楠話：係囉！

跟住個Miss問我地：你地覺得呢？？

我地三個都即時話：我地覺得會囉！！你講野好細聲！！要叫停ｄ學生都幾難＝．＝

跟住個Miss話：一ｄｄ啦！有ｄ學生好有良心既，唔會點難為我既~

不過都好難講，讀得呢間，ｄ學生係點既都唔知囉！！唯有祝個老師好運，可以ｏ係呢間搵到個生存既空間啦！！

上到課室，用左十分鐘背好中文，岩岩好趕得切ｏ係打鐘之前默好哂(吁...好彩趕得切！！)

不過Lunch都係要留低，因為Miss叫家希，Winky同吳嘉威背返出黎佢地都背唔到＝．＝

所以Lunch要流暢咁背到出黎先俾我地走，我係第三個走既^.^(雖然走得，但要等埋Kitty同西莓，所以都係唔食得飯住＝．＝)

等等下，改左等既地點，因為要幫Kitty落去搵佢亞爸拎飯，不過我都唔係等左好耐，因為Miss放佢地食Lunch，週會時間再背過~

ｃｈｅｍ堂去左ｌａｂ，俾肥賓ｏ係咁串，今次係我啞口無言>.<"

不過個實驗都未做完，亞ｓｉｒ話下堂先做埋佢喎！！

中文堂，岩岩教完第二段就打鐘＝．＝跟住Miss俾左份past paper我地做，

原先話要對埋先俾我地走架！！不過好彩Miss今日要落去canteen睇住班學生"自我毀滅"，所以可以早ｄ走(好野^^)

今日Miss讀左篇中二作既文俾我地：夏日炎炎，太陽紅得像火球........(省略)有的人在打籃球，有的人在踢足球，有的人在打排球....(省略)

籃球像西瓜，足球像南瓜，排球像哈密瓜.....聽到呢句我地成班笑到趴哂ｏ係度＝．＝

P.S. 王上今日話對我刮目相看，佢話第一次聽到我咁講野(因為我同胡椒玩緊，係咁互窒)＝．＝