每次一傾到呢個話題佢就嬲，發我脾氣，

佢從來只會覺得人地好，係我挑剔人地，

但佢就從來唔會諗我點睇人，每個人睇既野都唔同，

尢其是我同佢既年齡相差都唔近，佢睇既野同我睇既野又點會同呀？？

我憎人，媽媽又話我；我鐘意人，媽媽又叫我唔好；(憎既人同鐘意既人係兩個人黎架！！唔好諗錯隔離！)

咁我可以點做呢？我係憎佢就係憎佢架啦！就算其他人講咩，佢做咩，我既睇法都唔會變！！

媽媽發我脾氣，亦只會令我對ｏ個個人既憎恨厭惡程度急劇增加，

我頭先同媽媽講左，我唔會再勉強佢(媽媽)做ｄ咩，要我見ｏ個個人可以，但我會將我對ｏ個個人既憎恨厭惡表露出黎，

要我再ｏ係ｏ個個人面前強顏歡笑？無可能！！如果一定要我見ｏ個個人，我絕對唔會俾好臉色ｏ個個人睇！！

一日最衰都係Ｂ.Ｎ.Ｈ.啦！好改唔改，仲要搞到成班都知！！

而家個個見到我都"粟米茸"前"粟米茸"後，就連ｏ係小食部買野飲都要俾丁威串呀！！(叫我個名，之後指住一盒盒既粟米粒=.=)

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

小息既時候，唔知ｍｏ爺ｏ係邊度搵到副象棋(仲要係大既，好似ｄ亞伯ｏ係公園玩ｏ個ｄ)，仲要有成班人圍觀，

真係十足十ｄ亞伯咁囉！！(如果張檯係石檯既仲似囉！！)

中文堂，測返琴日冇測既"漢字的結構"，我真係自己背架！！(雖然有ｄ小題係ｍｏ爺提水既)

但我最起碼好乖咁冇拎到份notes出黎睇，但我身邊個個人都拎哂出黎擺ｏ係隻腳度抄，

李家希仲直接擺上檯面抄添！！之後又同ｍｏ爺影Kitty相，無聊鬼！！(自己都出貓，影人做乜？！)

跟住幫Miss楊做跑腿，去其中一班做統計，之後就閃人！！

今日好笑囉！成大半班ｏ係度博留堂(因為唔想留ｏ係度背中文)，每堂都叫ｄ老師留佢地堂，

瓜子仲要話埋Juno個仔，但都係激唔到Juno，都係要留中文，

Juno仲要串返瓜子：你邊日補中文，我就邊日唔留你！！(成班奸計唔得逞囉！！)

所以放學既時候佢地都係要乖乖地留ｏ係度背中文，得五個走得！！

走既時候，同Zoey同翁翁落樓梯，

翁翁同我講：張蘇傑話你背野好勁架喎！！

我話：其實都唔係，只係有ｄ固執起黎就會ｏ係咁背，同埋我記憶力都算ｏｋ，所以先背得快啫！！

翁翁話：係咪你謙咋？黃鶱慧話你琴日一字不漏咁背哂ｄans出黎，有ｄ問題佢都未諗到點答你就已經答左喇喎！！

但其實我只係死背架咋！！因為想快ｄ走，所以ｏ係咁死背，加上記憶力算好，所以先背得快，

如果佢地同我一樣比心機背既話，應該有好多人會背得快過我囉！！

我背得哂，只係我好彩，Miss問既我都識，其實我有ｄ問題都冇背到(因為ans太長，唔想背＝．＝)

如果Miss咁岩問到我冇背既問題，我都一樣冇得走.......

不過都好，終於都背哂ｏ個七題會考題，聽日唔駛留低，好野！！

唔講喇！好眼訓呀！！去訓覺呀！！