我既理想伴侶係男lor

1.有ｄ幽默感，無時無刻都可以令我笑
2.唔需要有十項全能，只需要錫我
3.唔可以矮過我
4.唔可以有食煙飲酒既習慣
5.要絕對清楚了解我(如：習慣，嗜好....)
6.唔可以嚕嗦我
7.要有耐性
8.唔會逼我做ｄ我唔想做既野(或者唔想去既地方，唔想見既人等等...)

點名：

西莓，楠楠

原先今日係唔駛排隊架！！例牌啦！！又係ｏ係度話我地要注意呢樣ｏ個樣咁囉！(因為今日有嘉賓黎=.=)

講左成二十分鐘到啦！！攰死我！！跑返學校已經夠攰，仲要企成二十分鐘，真係腳都震哂！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今日chem sir唔知做咩，一入到黎就同我地講話佢唔開心，

佢個樣真係好冇心機，同佢一身既西裝完全唔match囉！

之後入左lab，都ｏｋ既，最起碼我今日無恰下恰下先啦！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

之後中文堂(原先係英文，但Miss楊借左)，無奈囉！！

俾丁威臨時拉夫做Fiona既角色(范進個亞媽=.=")，無何奈何地，做左個角色...

跟住落左音樂室，Miss楊好緊張，ｏ係咁行黎行去，我地叫佢唔好再行，因為佢搞到我地都緊張哂=.="""

不過都算順利既，係關梓聰做得誇張左ｄ囉！！(因為佢我多左一句對白＝．＝)

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

之後入左hall，又請左個唔知咩政府既人(好似係政府)，講統計講座(唔知講統計ｄ咩)，

俾左個機會我訓覺囉！！訓左半個鐘到啦！！精神返哂，ｈａｈａ！！

跟住Miss楊又教我地講普通話(因為黎睇堂既人係ｏ係上海黎既)，

不過今日Miss楊都話佢入左黎呢間學校真係愈黎愈癲，我諗Miss楊可能好快會走，

不過係好事黎既，如果真係想個老師好，就俾佢離開呢間學校係我地一貫既諗法＝ｖ＝

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

Lunch，食完野返左上課室訓覺，好好訓，發緊夢就俾椰殼整醒左(唔好問我係咩夢=.=")

個cheap精想貼隻光碟ｏ係我背脊，但就整醒左我=.=(要整人唔該俾ｄ技巧啦！！)

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

放左學之後，ｏ係月台見到小李sir，冇同佢傾計....其實係唔知講咩囉！！

但係，小李sir ｏ係我心目中佔有好高既地位，冇人可以代替到.....

每次見到佢，總係好開心，佢份人幽默又好心地，又係靚仔，仲要係我既前游泳教練，

所以，佢既地位，無論幾時，都冇人可以取代到！！！

之後同魚魚同某人返屋企，好野！！又識多左個朋友仔喇！！ｈａｈａ！！