之後丁威見到冇門入，好勇咁爬窗，諗住入課室拎條匙出黎開門，

不過就俾亞sir叫左佢返落黎.....於是大家又繼續食風...(凍到結冰...)

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

會計堂，Miss又喊.....唔通我地真係令到佢咁傷心？

但內疚既同時，我又覺得Miss好霸道，單單係會計補課就霸左兩日，

christmas又要我地返去補課，仲要係返10:00 a.m.-7:00a.m.添喎！！

我一定唔會返囉！！！情願去自修室玩自閉好過啦！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

P.E.自由活動，例牌係打羽毛球，玩四打，

我-yanmo-carman-kitty四個，我同yanmo一隊，carman同kitty一隊，

感覺我同yanmo and carman friend左，好開心囉！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

Lunch睇水王佢地踢波，佢地既力拼令我有種感覺，

就係Miss楊唔明白踢波，打籃球對呢班男同學既意義，

Miss楊只係諗到佢自己既諗法，覺得中五踢波，打籃球係浪費時間，

覺得中五學生每日用十幾個鐘溫書先係正確既做法，

並唔係話Miss楊既講法錯，但我覺得Miss楊逼得太緊，

佢好把握每一分每一秒，令我覺得好大壓力，抖唔到氣，

一到中文堂，見到Miss楊行入黎課室，我第一句永遠都係：唉......

咁到底係我懶散，定係Miss楊真係逼得我地太緊？？？

我唔知，我唔識分.....

包到自己腫一腫都凍到乜咁，真係搵人救救我啦！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

生物堂，ｏ係咁同水王傾計，反正生物都冇野做，好過訓覺啦！！！

Lunch冇同彤彤食飯，佢地因為凍既關係，所以留ｏ係班房到食，

我就同Kitty佢地食，不過真係好凍呀！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

食完Lunch，諗住搵王穎，經過義賣攤位，俾學生會會長拉住左.....

學生會會長(拍拍我膊頭)：同學同學，有冇幫手買Ｄ野呀？

我答返佢：同學個銀包擺左ｏ係課室呀！！(真係擺左ｏ係課室架！！唔係講大話架！！)

學生會會長：哎呀.....唔緊要，我地聽日都仲ｏ係度架！！你記住聽日黎喎！！

我(無奈地)答：好呀！好呀！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

測chem，個亞sir好搞野架！！風趣幽默，真係想知佢叫咩名！！

佢係教生物架！！極度可惜佢唔係教我地架囉！！

不過佢話會問下公公睇下聖誕可唔可以同我地補課，希望得啦！！！

不過收卷既時候，佢同我講左句好多老師都同我講過既說話：讀書喇！！

佢跛下跛下咁走過黎同我講：我整親隻腳，上唔到樓梯，你幫我上去拎課室日誌丫！

我懷疑，問佢：你真係冇拎到？？你都係叫Fiona幫你拎喇！！

佢又話：佢唔肯架！！我真係冇拎到呀！！你幫下我啦！！

結果，上到一樓，人地話已經拎左，落到去，見到肥賓行得好正常，跛都唔跛下，激死我！！！

我話過架！！我以後都唔會再信佢架喇！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

跟住chem堂，亞sir開會未上黎，俾班仔玩左一大餐呀！！！

唉.....過程唔講啦！！不過水王就搞到Kitty都發哂脾氣囉！！

上年見過一次佢發咁大脾氣，今年係第二次，嚇到我窒囉！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

放學原先要補chem，全人類都逃哂囉！！！

唔知亞sir會唔會嬲呢？不過個個都逃哂，逃剩幾個都算好架喇！！！

返到屋企走左去訓覺，訓到八點幾先起身，訓左覺好既，好野！！