我今日先發現原來亞劉係個超厚面皮既人黎架囉！！
明明威威已經坐左ｏ係川明隔離架啦！！佢仲死要逼ｏ係佢地中間坐！！
搞到威威要走去坐蜥蝪仔個位，佢仲要好得意咁坐ｏ係川明隔離=.=""""
之後又ｏ係度聽mp3，聽唔係個問題，佢仲耍大大聲咁唱出黎，
仲要係唱周杰倫既"七里香"，都唔知佢想點！！
坐坐下又走過去問elisa可唔可以同佢掉位(elisa坐ｏ係威威隔離)，
之後elisa話唔得佢又走返過黎坐，煩死！！！
落左堂之後水王即刻坐返自己，又同威威講：亞威，我以後都唔信你！！
因為威威話會幫佢睇住個位，但就俾亞劉搶左囉個位！！
之後威威爆粗：ｘ，佢死要逼ｏ係度，我唔走可以點？！
跟住水王話以後都唔掉位，咁又係既！佢掉位亞劉坐過黎我都受害！！
之後Juno入黎，亞劉竟然從後揸Juno個胸，唔駛講Juno就梗係好嬲啦！！
都唔知佢用唔用腦架！！咁既野都做得出！！又厚面皮到死！！
川明，威威好似有寶咁！！死都要跟住佢兩個坐！！
偏偏川明又坐我隔離再隔離，亞劉一坐過黎我就一定受牽連，唉.....
明明個個都唔鐘意佢，但又唔講得，仲要扮同佢玩得好開心，咁做人真係.....
