今日放學ｏ個陣，我ｏ係月台打電話，張志芬同我講：唔好咁明目張膽好喎！！

我頂你呀！！離開左學校就係我既自由，打個電話都話我，你有乜ｘ問題呀！！

之後carmen男朋友到，個ｘ街見到竟然叫我同carmen跟佢走，

又話咩學校規矩，又話咩自己要捧打鴛鴦，又話唔俾等人，

我ｘ你呀！！我鬼有等人呀！！我等緊架６１４咋！！！

講你又唔聽，又話要我地跟佢返學校，唔係就叫carmen男朋友走，

你痴ｘ線架！！月台上面有人等人你又唔叫佢跟你走？！

頂你！！搞到我miss左架６１４！！大佬呀！！我真係等車架！！！

低ｘ能架你！！！全校(除左你ｄ狗)都咁鬼憎你咪就係因為你呢ｄ咁既ｘ街態度囉！！

張志芬，你仆ｘ啦！！抵你冇男朋友呀！！報應呀！！！

但就大鑊在我仲未作文，又未做哂ｄ練習，

我諗今晚都要開夜車先得喇！！(唔係聽日就俾Miss楊踢去自我毀滅架喇！)

中午同哥哥出左街街，原先哥哥係諗住去拎錢，

點知佢竟然冇帶銀包出街，所以冇得拎=.=""

等得仲諗住有得去....(唔講你地知=v=)

返到屋企又冇做功課，走左去同媽媽哥哥玩啤牌(正一衰女！！)

唉......自作"業"不可活.......

soler同Justin都有攞獎，開心到我丫！！

不過Twins拎唔到最受歡迎組合就有ｄ愕然囉！！

今年Juno都有份拎獎，但好似被人噓，我唔知，因為冇睇開頭既四十五分鐘，

跟住睇完，哥哥問：你估我地仲要睇幾多年"叱吒"先唔會再睇丫喇？？

我答佢唔到，呢ｄ都係未知之數...