於是我發住脾氣咁離開屋企，帶住唔情願既心情返學....

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

第一堂，ｃｈｅｍ，例牌啦！！

chem sir又唔知忙乜囉！！大家都好開心咁傾左成堂咁囉！！

第二堂，數學，悶死人，幾辛苦先頂到唔訓覺呀！！！

第三堂，英文，五十個生字我唔識九個，算係叻女架喇！！

dict完之後就講生字，開心！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

Lunch整傷左曉楠，千百萬個對唔住，曉楠唔好嬲我啦！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

第四堂，ｏｒａｌ，今堂玩group，leader係ＢＮ，

好好玩，好好笑！！！

第五堂，ｂｉｏ，同水王玩ｓｍｓ，不過都有聽書既，聽左ｄｄ囉！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

放學做左一個鐘past paper就走得！！

我諗其實係Miss楊唔得閒先俾我地走，因為我見到佢拎住手袋出學校(＝ｖ＝)

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

籃球比賽，我地班ｗｉｎ左，好野！！！

聽日唔駛返學，好野！！

聽日出旺角，希望可以以$80以下既價錢買到jacket啦！(問過人，佢地話一定得，希望啦！)

咁大個女第一次飲香檳，我覺得同細個飲老豆既啤酒冇咩分別囉！！

媽媽飲左兩啖就醉左，見到佢醉左，我就ｏ係度諗：如果我都醉左就好喇！！

點知飲哂半杯香檳竟然一ｄ醉意都冇，狂無奈囉！！！(早知就飲紅酒啦！！！)

今日中文堂，再次係一堂教哂一課書，仲要背埋添！！！(無奈.....極！！！)

之後phy堂，唉....堂堂都測驗測驗，ｄ單行紙都用鬼哂，真係多得Juno呀！！

跟住英文堂，冇乜特別，做左兩張工作紙就落堂喇！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

Lunch玩左好耐，不過都係唔好提！！

原先Miss楊話test堂佢代架！！點知就走左個關永輝入黎，佢一入黎成班都靜哂囉！！

跟住就玩問數，唔識就自我毀滅一日，好彩揀唔中我！！

不過水王就慘ｄ囉！！明明做岩一題，關永輝又話唔計，

跟住又要佢做多左幾題，岩岩坐得低，又揀中佢又要再答過，

我係完全feel到水王好唔高興囉！！

有條數水王計到一半就唔做返位，睇佢倘樣我知佢係極度唔高興囉！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

課後活動，摺摺下野伏左ｏ係檯訓覺，冇計，我實在太攰，

夜晚又要跳舞，唔休息一下我絕對會死架！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今日跳舞既得我同家寶，好開心，因為太多人一齊跳我會有壓力，

所以今日得我地兩個跳我係好開心！！！

不過我原先就已經膊頭痛，跳完舞仲痛ｄ添！！聽日有排我受喇！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

返到屋企，媽媽話已經幫我book左２２號去表姐男朋友既salon剪頭髮，

我聽到已經驚驚地......我最驚既係見到陌生既男仔，

ｏ個種感覺唔好受，我一見到陌生男仔，我個頭就會超低，唔敢抬起，

呢種症狀我叫佢做"陌生男孩恐懼症"，我相信係冇得醫既，

不過算啦！！有媽媽，紫珊表姐同琪琪陪我，我諗我會冇咁驚既....(希望啦.....)