一返到課室就ｏ係到捉棋，仲要俾Miss楊見到，Miss楊平時就已經好緊張我地既學業，

而家俾佢見到水王佢地唔溫書ｏ係度捉棋就梗係嬲啦！！(早就話過佢地，呢ｄ叫"不聽詠茸言，吃虧在眼前"呀！)

之後ｃｈｅｍ堂做實驗，好玩呀！！我ｏ個組燒既試管仲變左"大肚婆"添呀！(不過亞ｓｉｒ話係會咁架喎=.=")

唉...愈黎愈唔鍾意上數學堂喇！次次上堂都係做ｄ我唔識既會考題，唔識做仲要俾ｍｏ爺同水王串>.<

ｐｈｙ堂又俾水王佢地串，串到放學...(因為我係最低分既o個個，唔係全班，係佢地之中)

補英文ｏ個陣，吳嘉威坐左ｏ係我隔離，做埋哂ｄ白痴舉動引我笑，

之後水班同家希話：哇！亞威坐左過黎你好開心喎！

好嬲囉！！都唔關我事，又話我！！遲ｄ又傳ｄ唔知咩流言架喇！唉...人言可畏呀！！

原先今日要補中文架，不過Miss楊唔記得左今日要去港大，又甩難喇！！

不過聽日Miss楊講過，最遲要留到８：３０先有得走，如果答到問題既就可以早ｄ走(六課會考題呀！！我都預左聽日８：３０先走架喇！！)

仲有呀！！西莓你講既野，係一定冇可能架！！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

總係覺得Kitty承受左好多壓力，每次睇佢既日記，幾乎日日都係喊既，

我知我唔可以幫你分擔到ｄ咩，但我唔希望你日日都喊，日日都唔開心，

再者，喊得多對眼睛唔好架！！

我唔知你既堅強程度有幾多，我唔知你既底線ｏ係邊度，

但係，你只係個平凡既人，Kitty唔係萬能，你要學識拒絕，

拒絕任何人強加俾你既壓力，你冇義務承受哂呢ｄ壓力架！！

我好擔心，有一日，你會消失ｏ係我既眼前....

事發經過就唔好提喇！！唉....就當我唔好彩啦！！

今日冇打針呀！！佢話我冇家長簽名喎！！

第一，佢張紙個簽署位係寫住"參加者簽署"，並唔係"家長簽署"；

第二，佢話同班主任講左，但Miss楊好似冇講過囉；

第三，我俾得錢，即係話我亞媽知架啦！！唔通我會自己拎錢出黎打針咩？

第四，而家要到１２月７號先有得打，枉我仲驚左成個禮拜！！

真係攞我黎搞！！而家又要再驚過喇！！！

聽日唔知放幾點呢？又要補英文，補完英文又要補中文，仲要背哂四課書既會考題先俾走，

咁到底聽日幾點先放得學呢？？唉....好一個中五！！

首先ｏ係度多謝我既朋友仔(如：kitty，西莓，妹叮，ｍｉｃ，fiona，winky，lok，elisa，肥肥....如有遺漏，敬請原諒)

多謝你地送俾我既生日咭同埋祝福，你地既一句"生日快樂"，令到我每一刻都笑得好開心！！(真係多謝哂你地呀！)

今朝起身起得好早，跟住就去左跳舞仔Ｌｕ~

返到屋企，睇左陣電視，就同媽媽哥哥出左去食壽司(食緊壽司既時候收到kitty同西莓既祝福message)

食完之後就返屋企啦！點知經過服裝店既時候，媽媽又買衫俾哥哥喎！！(激死我！都唔知係邊個生日>.<)

返到屋企，開ｉｃｑ同ｍｓｎ都有好多人同我講"生日快樂"同ｓｄ張生日咭俾我！！

我只係想講，今個生日，有你地俾我既祝福，令我有種覺得自己好幸福既感覺(=.=")

真係多謝你地呀！！！

倒數一日....

(怕怕......)