今日返到課室，個個都拎本讀本問題出黎讀，唔係就拎本英文書出黎背(因為今日要背默英文)
跟住第一堂就中文，Miss楊一直用電腦，其實係俾時間我地溫書啫！！
超想訓覺囉！！但又唔訓得>.<好辛苦先撐得開隻眼，唉....(不過我都係坐ｏ係度發夢=.=")
之後第二堂，物理，過得好好，而家物理係我最鍾意既堂囉！！
第三堂，英文，ｍｏ爺又出貓，但真係好無奈囉！！出左貓都係拎唔到１００分，
仲要大大聲咁同恆仔講話佢冇出到貓，咁我咪又大大聲咁講話睇住佢出貓囉！！
出貓都拎唔到１００分，都唔知出黎做乜！！
Lunch，食完飯上左班室訓覺，訓訓下張志芬走入黎熄燈熄風扇熄冷氣＝．＝
話我地一次過開哂咁多樣野，咁佢咪一次過熄哂咁多樣野囉！！
走既時候行到成隻貓咁，囂得佢丫！擺明係入黎挑釁啦！！
之後唔理佢繼續訓，亞sir到左都唔知，跟住ｍｏ爺大力拍我張檯我先醒＝．＝
睇到份中文測驗卷，即時有道氣頂住，唔甘心囉！！為左ｏ個兩條問題，仲係得ｏ個三課問題，
竟然俾Miss楊留到８：１５先有得走！！！我地仲要係溫十課喎！！
之後數學堂，又係做會考題，不過好少人識做，之後剩返八分鐘先開始傳黎抄(又係３２人既遊戲，如果唔夠就聽日補課)
抄到剩返最後一分鐘，我地唔理抄哂未都俾哂關永輝，但求夠３２本啫！！
最後終於岩岩好夠數，聽日唔駛補課，好野！(其實關永輝只係睇左開頭幾本，之後都任我地亂黎，夠３２本唔駛我地補，其實有好多本都未做哂)
不過總算有驚無險啦！！次次都咁玩，真係死好多腦細胞架！！
之後Miss楊入課室，成班都"唉"，Miss楊都知理虧既我諗...
我真係覺得學校好搵笨，又要我地睇英文話劇(非自願)，又要我地俾＄２５，
大佬呀！！我一ｄ都唔想睇呀！係你逼我睇，仲要我俾錢，有冇問題呀！！
P.E.又話要俾＄７０打golf，你而家又話要＄２５，當ｄ學生個個屋企都好有米咁，傻傻地架！！
我真係情願邊度都唔去囉！！就連ｄ新入黎重讀既都話好後悔入左黎呀！！
話哂事既ｏ個個係咪應該反省下呀！！我真係覺得我好似變左水魚囉！！俾人ｏ係咁屈錢！！
對呢間咁既學校真係覺得好討厭囉！！(我諗讀呢間既學生同我既諗法係一樣架囉！)
