不過我唔係遲返學，我早就返左學喇！

不過因為我ｄ書ｏ係課室，所以要等到亞sir黎開門先可以拎到書，一拎到書就即刻飛奔落去二樓，

點知原來改左房，又即刻飛奔上３０２室 (攰死我！！)

跟住１２：３０就同Miss講我要早走，因為要趕住ｏ係一點前俾到支雞骨草俾媽媽，

原先同彤彤慢慢行緊，媽媽既一個電話，令到我唔理彤彤自己一個跑左去買雞骨草，之後又跑過去輕鐵車廠搵媽媽(不單汗流浹背，仲要喘哂氣=.=)

之後俾完雞骨草媽媽，又自己行返去學校，又一身汗(好無奈囉！)

返到學校都仲未夠鐘，等左一陣，入得！！

不過亞sir就唔知去左邊囉！等左１５分鐘佢先返黎！！

佢話佢等左我地好耐，等到差ｄ走左，我聽到之後好直接咁踢爆佢個大話(係我地等佢，佢都冇等過我地！！)

亞sir話要我禮拜三去補chem，但我禮拜三有會計要補，都唔知補邊樣好！！

救命呀！！一人叫我補一樣，仲要揀正同一日，我點分身呀！！

放左之後同媽媽去左買野食，之後就返左屋企喇！！

好開心呀！！今年既生日足足有３個人主動話要同我慶祝(婉疑，對唔住呀！因為我出唔到黎，搞到你想同我慶祝都唔得！)

之後開ｉｃｑ，一開就見到有四個人ｓｄ左ｍａｉｌ俾我，原來係生日咭黎＝．＝"

第一次一開ｉｃｑ就收到四張咭，好開心！！(多謝你地既生日咭呀！！)

倒數一日...

倒數兩日....

(期待......)

恆仔仲好笑，特登買ｄ糖返黎派，不過都證明恆仔係個好同學黎既~

今日又冇上ｃｈｅｍ堂喇！！原先話今日ｏ個堂入ｌａｂ做實驗架！點知chem sir又忙住同學生會開會，最後２０分鐘先上到黎，咁又冇左一堂！！

諗返起，chem sir由上年開始就成日放我地飛機，真係有ｄ嬲嬲地！！

不過佢話會請我地食糖補返，話我地聽日返學補課就會俾我地，唔駛講我實返囉！！

今日先發現我原來係好蠢架！！等緊chem sir既時候，張淑君同我地玩左個"小明係返學定放學既遊戲"(ｏ係度唔知點解釋好，有機會碰面再話俾你地知啦！)

點知我，西莓同Kitty就係估極都估到，俾丁威同川彭(因為吳嘉威瘦，川明肥，兩個玩拗手瓜，俾Fiona話佢地好似丁滿同彭彭=.=)話我地低ｂ一堆>.<

之後Fiona睇唔過眼，話左俾我關鍵係咩，我終於識喇！！

放左學之後去跳舞，Miss莊話２月，４月仲有唔知咩月有比賽同表演，仲要係著住point既！！

聽到有ｄ怯囉！！因為等於話俾我地知以後既日子都係以point為主，不過我去唔去到都唔知，諗咁多做乜丫！

跳完舞去左"怪誕屍新娘"，ｏｋ既，唔算太好睇，不過我鍾意個ending，總算收貨啦！！

之後去左食pizza，咁岩又有人ｏ係度慶祝生日，我就預祝，佢就慶祝，真係岩=.=

返到屋企，爸爸睇緊鬼片，原先諗住訓既我，唔知點解就變左坐左ｏ係度同爸爸一齊睇=.=

睇到１２點，睇完，走左去冬眠(我係屬蛇既，所以要冬眠=.=)

倒數２日....

倒數３日....

(期待.....)

因為佢地今日同樣最遲要留到十點先返屋企，當然可以早ｄ走啦！！

不過佢地要背哂Miss Wong要佢地背好既野先囉！！(講下講下，唔知佢地而家仲係咪ｏ係學校呢？)

今日都算大膽，中文今日要測<我看大明湖>同<歸去來兮辭並序>，

溫都未溫過，中文堂剩係睇左本讀本問題幾分鐘就拎起支筆寫，好彩有ｍｏ爺咋！！

佢竟然識得做<我看大明湖>既題目，仲特登擺過少少俾我睇(雖然出貓係唔岩，但我唔想補測囉！)

之後<歸去來兮辭並序>就係自己做，呢次輪到ｍｏ爺唔多識，咁我就梗係要幫返佢啦！！(自己好似愈黎愈壞=.=")

放左學，同Elisa去左惠康買聽日商機學會既食物，計左好耐先走去俾錢，最後$120剩返$0.4 =.="

跟住我自己一個拎返課室(叫左Elisa走先)，但我怕ｄ野食保唔住，聽日會俾班嘩鬼搶，又怕佢地會整到ｄ野食碎哂，

唉....擔心黎都冇用啦！唯有今晚直到聽日ｏ係咁祈禱啦！！(唔係講笑！我真係會咁做架！！)

倒數３日....

再倒數４日....

(期待.....)