Yeah！！信社又係全場總冠軍喇！！已經係三連冠喇！！信社！！！
琴日同今日都係sport day，琴日就笑左成日，今日...笑左大半日，喊左.....
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
下午妹叮同亞明都黎左運動場，我唔知妹叮會黎，所以一見到佢就撲過去攬住佢，
之後佢話以為我係撲去攬亞明，但根本就唔係＝．＝(彤彤同妹叮都誤會我！！)
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
朝早家希叫我地幫佢睇住個袋，之後就行開左，跟住我同Kitty佢地又走左去睇比賽，
就叫左蘇珊幫我睇住ｄ袋，到返到黎，唔覺家希個袋ｏ係度，以為佢拎走左，所以冇理會到......
跟住閉幕典禮ｏ個陣，水王ｓｄ左家希既message過黎，叫我放左唔好走住，俾返個袋同Jacket佢先走，
但我就搵極都搵唔到個袋(因為唔知家希個袋係點既)，ｏ個陣時已經好驚，喊左第一次......
之後Kitty返黎，我同佢講左，佢幫我搵到，喊左第二次；
返到屋企樓下，西莓打黎安慰我，喊左第三次；
返到屋企，打返俾西莓(話返到屋企打返俾佢)，講講下，喊左第四次；
媽媽返到黎，見到我對眼好紅，問我咩事，喊左第五次；
雖然搵得返家希個袋，但始終搵唔到佢件Jacket，係我保管得唔好，先會發生件咁既事.......
家希可能冇怪我，但都係因為我，先會令佢冇左件Jacket.............(家希....對唔住呀....)
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
唔知係巧合定係天意呢？
ｏ係我行緊過景峰既時候，馮漢軒ｏ係我後面叫我"粟米茸"，仲要笑騎騎咁，不過我唔開心緊，所以冇俾反應佢(sorry！！)
之後落樓梯ｏ個陣，關永輝ｏ係我身邊經過，同我講：返到計下ｄ數呀！！(又係笑住黎講)
唔知點解，我覺得好似係主特意安排既，好似係主想借佢地既說話，黎令到我開心返咁，
雖然唔知係咪真係主既安排，不過，我當係架喇！！
感謝主！！
