搭Lift既時候仲要逐層逐層停，急死我！！

之後仲要上錯車(上錯左全富泰最慢既車---Ｋ５１)

結果最後都係遲到.....

校長今日都好威，連請校工既錢都想慳，

佢竟然話罰我地去洗廁所喎！！好彩陳淑英話唔實行住先咋！！

放學同王上去左canteen自我毀滅，兩個係咁吹水，

好好笑！！今日先知王上原來有個妹既，聽到覺得好出奇！！

之後又天南地北傾一大餐，我諗如果唔係自我毀滅既話，

我同王上都唔會傾到咁耐計，ｈａｈａ∼∼

沒有誰是永遠堅強的

 左：家希　右：水王　後面：mo爺  (坐低既人)左：張楊　中間：王上　右：喼仔

 蘇傑  左：胡椒　右：喼仔

好喇！！開始打日記！！

今日水王又冇返學，佢已經兩日冇返學喇！！我實在係非常怨恨佢囉！！

佢一唔返，亞劉就坐佢個位，煩到死！！

俾威威坐都還好丫！！但亞劉就死跟住川明坐，唔知想點囉！！

又問埋哂Kitty ｄ低能問題：你今日有冇帶帽呀？(交安帽)

好無聊囉！！冇啦啦問人有冇帶帽，傻傻地架！！！

成日做埋哂ｄ誇張動作，唔知佢想點.....

Lunch個頭痛到爆，伏ｏ係度訓又ｏ係咁俾人叫醒，

係咪因為我平時成日趴ｏ係度訓，所以令你地誤會我一伏ｏ係度就係眼訓呢？？

Lunch完，威威過左水王個位坐，

我同佢講：你係坐就坐定，唔好走黎走去，要拎咩就搵人拎，千祈唔好俾亞劉坐過黎！！

之後威威就笑笑口咁俾左件垃圾我幫佢扔，奸詐！！

週會俾關永輝借左，狂做數，痴哂線！！！(係我做到痴哂線)

跟住川明玩左個魔術，係變走個一亳子，但我總係覺得冇咁簡單，

當中一定有ｄ地方係我冇留意到既，但我睇左三次，

都唔知係咩地方有問題，唉......蠢人！！

關永輝留到我地五點幾就放我地走，唉....

返到屋企成六點幾，想整野食都唔得>.<