旅行番嚟開始就已經唔開心，呢幾日不停諗，諗好多野，煩咗好多，約咗jd、溫佢地去睇戲....但今日好想放佢地飛機....但約咗，唔得，今日心情極差，完全唔想講野，唔想做任何野，只想自己一個，好想可以吹風，可惜太熱，今日因為拎飛，早咗好多去到，行到無可再行，又怕行唔番去，結果好早就番番去出口附近，結果我企咗係個連接位，望住條路，企咗好耐，唔知幾時，居然喊出嚟，我唔知點解，總知就係咁，無啦啦喊，有一刻想有人個係身邊，陪下，抱下，但冇，最後都係得風，仲有人來人往既聲音，抱著無奈、低落、無力感、負能量去睇一套卡通，雖然當中有笑，但並唔係由心，只係好表面既，或者我地揀錯日子了，睇完，行咗陣之後就一齊搭車番去，番到屋企回復原狀，其實我比起笑，沉默、唔開心既更多，我一向都唔係樂觀正面既人，我唔開心係經常性，唔熟既人先可能覺得我係個成日笑既人，實質唔係，有時唔想笑但為咗唔掃興都要笑，由細到大，屋企人都嫌我成日黑面，我冇表情，結果就迫我笑，一黑面就話我，結果造成我想做番自己，想隨自己真實心情而有番相對既表情都唔得，好難得今日可以自己靜靜地企係窗半個幾鐘。雖然諗咗好多野，到頭來到底諗咗咩其實我自己都唔知，我真係未試過去一個旅行只有痛苦、怨恨，叫我諗開心可以係冇，我唔知點解會搞成咁，但我知我要體諒，但有d野唔可以體諒，根本係唔應該咁樣，我真係...我都唔知自己想點，好煩，好想有一個人可以幫我分擔下，無奈既係我習慣一人承擔痛苦。但我知道我咁樣唔係全因為旅行，仲有其他野，呢樣野，其實係我自己拎嚟煩，明明人地冇錯，人地係有咁權，每個人都應該有佢自己生活，但係我偏偏為咗呢d野，為人地同其他人感情好而唔開心，點解呢?我討厭咁樣，但我控制唔到。