本身心情好番少少，不過又變番差，其實我係真係唔識去明白人地既諗法定係我唔願意明白呢?我對咗呀媽咁耐都仲係唔識唔明呀媽既諗法，又或者係唔知佢點樣諗，但家姐明，有人會話我仲細，唔明好正常，但其實我發覺我都就嚟中學畢業添，細已經唔可以再做藉口，而且家姐明嗰陣，仲細d添，我覺得係我自己唔去明，因為每次遇到問題，我都會逃避，唔去了解佢地點樣諗，咩諗法，因為我知道，如果我去了解，我一定會唔同意，一唔同意我一定會即刻講自己既意見諗法去駁，一駁，佢就會覺得我唔聽，到最後會變咗鬧交，最後都係會不歡而散。所以我唔會去了解。不過今次心情變差唔係因為媽，反而另一個，今朝我番到去，見到溫，都仲好地地，有講一兩句，冇野，臨分開前都冇鬧交冇唔開心既野發生，但係隔咗個講座之後，小息，我地3個一齊落去，一行埋嚟，我同bon講野，bon問我有冇睇電視，佢都有問溫，但係溫就無啦啦自己黑面行開，跟住我地話行上2樓個廁所啦，下面多人，佢唔知冇聽到定係唔理，照行落去地下....咁我地見佢落去，咪落囉，落完，bon問溫去唔去廁所，跟住又唔答，直接行，跟住行到，佢地去，跟住我等佢地，點知bon出嚟之後，到溫，溫出嚟之後，佢直接走，佢行到門口見到個師妹，佢突然就笑到傻咗咁，好開心咁，我同bon，你眼望我眼，o嘴，真係呆哂，對住我地就黑哂面，但係一見到其他人就即變，跟住出到去佢又自己行番開坐低，唔理我地，其實我地都有情緒有感覺，佢總係會無啦啦就咁樣，我識佢咁耐一直都適應梗，由一開始會嬲到而家己經唔再嬲，都己經習慣咗麻木咗，以前我會同佢講會問佢咩事，但而家唔會，因為我知我問完佢一定會話冇野，都冇事，跟住講講下就會變咗我錯，然後又會嬲，興其咁樣，不如我忍，唔講唔問，佢要黑面要自己行開由佢，到時侯就會自然講番野，雖然我唔知發生咩事都唔知點解咁樣，但係我都盡量唔諗，只係而家搞到bon覺得因為佢同我講野，但其實唔關事，明明我地有問佢，係佢唔理唔答，其實同bon熟咗之後都試過唔少次，我都有諗詔會唔會係佢覺得我同bon熟咗忽略佢，但其實都冇，我都有揾佢，凡係出去食飯做d咩都有問佢，我地做d咩都最照顧佢感受，次次佢地2個一齊講野，我都唔知聽邊邊，我私底下講過，叫bon將就下，溫好唔中意佢講講下人地冇聽或者掛住同其他人講，就算係人地明明一直講梗，理應要同人地講埋先，但佢都會嬲，好多時我地想講，但係講唔到2句，佢一諗到野要講就話比佢講先，我地都冇講d咩，即刻停，比佢講埋先，但係佢講完我地再想講佢又再講，之後我地都唔講了，佢或者唔知，我地講講下，佢想講，我地諗住講埋兩句比佢講，講完問佢，叫佢講啦，佢就黑面又或者唔講啦，我地講完尚且會記得佢有野講，佢有幾多次留意我地想講但講唔到然後問番我地?一時自己會行開，唔等我地，但我地永遠會等，我明我知3個人一定會有個人被忽略，但係點解就哂佢，都依然會咁樣。ws都係問題，佢sd好多野，我地好多時都係唔識應，所以會用emoji或者.......去覆佢，但當佢講好多又或者講完之後咁樣覆佢，佢一定會嬲又或者話冇趣...咁其實我地唔識覆又可以點?唔覆就話我地已讀不回，覆又話我地敷衍，我有時會盡量揾野問，但係我都冇辦法，佢都識咗我咁耐，都應該知我係好容易唔識覆人......但佢都依然會怪我。我真係唔知點維持落去，中三嗰陣有段時間日日鬧交咁濟，3日唔埋就鬧，多次叫絕交，好彩中4分開咗先慢慢變好，如果我真係咁滿意佢，咁唔想同佢做fd既話，我一早就絕咗，唔會到今日。 |
