今日好難得同家姐唱k行街，其實本身冇plan既，但係因為琴日我冇啦啦講起就話不如聽日去唱k，反正佢今日番7點又唔洗番補習社，跟住就bk咗，結果今日就去咗唱，本身係想唱到尾，跟住番工，但諗諗下，好耐冇試過行街，所以就改咗，唱夠基本就算，反正我地5,6粒鐘都冇可能可以唱得哂，跟住我地唱完大概1點半，就行咗陣，揾野，跟住發覺附近冇咩行但就係想行下，結果就揀近近地荃灣，行下南豐，影下貼紙相、食下野，行下舖，就咁過咗，到咁上下時間就搭番車走，今日行街嗰陣，我見到好多毛毛野，但係我一見到價錢就即走，或影張相算，不停叫貴，跟住家姐話最憎同我行街，咁理性，佢就唔同，佢一見到中意既就會買，但我唔捨得一個細細既拼圖都要成80蚊，一支筆128，當家姐講嗰句嗰陣我就諗起有人話我大洗，對家姐嚟講我好理性，咩都嫌貴，對第2個嚟講我就好大洗，我見到2個岩做生日禮物既野，但好貴，我同時又見到本相簿，好想買比自己整，但又嫌貴，結果我放棄咗自己既相簿去買禮物，結果家姐話我寧願買貴d既野送比人都唔捨得買野比自己，我捨得買野比人，唔捨得買比自己，但我就係想送。日後冇好多時間可以再咁樣行街唱k挽，要爭取。 |
