好啦!尋日去完camp返左黎....就講下camp個度點先啦!
景色:幾好
居住環境:對宿營黎講都ok架啦
小昆蟲/小動物:都好多下(尤其係螞蟻，連螳螂都有!)
但係個度係真係幾好既,只係個天氣就....
第一日:
一入到營就擺低d野去廚房煮晚餐(今次唔係我煮)
個廚房真係好細..好似有我屋企個廚房x1.5咁大(打橫)
真係好細...入得7-8個就冇位,再入多個就唔得...塞死哂
食個餐,3餸一湯,算係咁啦!但係d餸既份量真係唔係好多
湯就多到好稀...當吸收下教訓啦!
食完之後就黑夜活動...同班細路一隊,成隊得4個最大(加埋我)
HELP!班細路係咁嘈...我點玩!?一個黑夜活動好多野要睇住架...
沿路又黑(有乜街燈),又要驚有咩敵人會出黎....(敵人個d都係呀sir,MISS個d黎既姐)
玩到去最尾,原來先至有敵人出黎...真係激鬼死!
跟著我呢隊玩完就比呀sir叫左我去做埋佢個邊(敵人)
第二同第三隊玩玩下變左一隊咁...
我射到支水槍冇哂水...跟著就大鑊啦!係咁比人射...
但係一開戰個陣我同LIN兄衝左出去同游權,P股等駁火...真係好好玩!
玩到成身都係濕哂...跟著就梗係返camp啦
之後沖完涼就同d熟人吹水,聽歌咁...去都2點之後就頂唔住..訓左
第二日:
一起身就去左煮早餐,今次真係到我啦
對我呢個連蛋都唔係好識煎既人都係有d難度
因為一次連煎5隻蛋,10塊火腿...第一次整..都係個蛋黃唔熟...
所以我比自己65分...跟住煮麵個度...唉!
落麵個條友...一落落哂10個麵...
成隊得6個食,淨番o個一個去左呀sir個邊食...
根本食唔哂..跟著我話佢做乜落咁多呀...同你講左唔好落咁多個架啦!
佢仲要好似唔知一個麵係幾大咁...話:我點知一個麵幾大姐?
一句野駁到我出唔聲...激死!
食完之後就比左第一日煮飯個3個洗碗(第一日佢地話好累...所以我同其餘3個洗左)
之後就有個覆誓儀式(入童軍團既儀式黎)
覆完之後何sir(其中一個呀sir)就講下佢既感受個d咁
仲爭少少講埋我既上下調轉皮帶扣既神話(可以講係笑話...有機會同大家講下我呢個事蹟)
最後就汁好d野,影埋團體相就走啦...
但係臨上船個陣,就落雨啦...何sir仲有講:前幾年有個傻佬,係黃石碼頭度開"姐"個陣仲要行雷行得好緊要個隻
之後,佢隔離d人就真係多謝佢啦!最低限度個個都傷哂
跟著我地係度玩...因為隻船未到...係度係咁講藍天白雲!如果真係有條雷打落黎就真係好笑啦!上硬報紙...
最後隻船到左就上船返去大學個邊...行去大學火車站上火車返上水食晏(呀sir比既...)
|
