我太弱了...

連這樣都顧忌,難道我真是懦弱成這樣嗎..?

太多的顧忌原來都只是負累...

要糟!我已開始覺累了...我可以怎樣做?

以上只是現在的感受...大可不用理會

=================================

今日小雲生日

都係要係度打一句

生日快樂!

架啦...

就係咁!

呢幾日冇乜事發生...風平浪靜(都算係既)

都係因為考完試之後冇野做...

諗住睇返而家既動畫...

令我心動既真係得鐵甲萬能俠(當然係今年4月新個套啦),戰國basara呢2套動畫

鐵甲萬能俠:老一輩既人有睇過個陣既動畫就一定知,而且我太早接觸呢套動畫

                     個陣係電影版,睇個陣都有成9-10年....深入我心既一套大作

戰國barasa:幾年前都已經有出game,真係估唔到佢會出埋動畫

                      呢套算係惡搞戰國人物吧(將戰國人物戰力超級化)....我都幾有興趣,而且首op幾正

原本蒼天航路都好想睇,日本終於做返次好事

會用曹操做主角出動畫,可以話係跟返史書做既,不過d虛構人物就....例如曹操第一個愛既女人個d...- -

講完動畫,講下生活....

而家可以話係頹廢,頹廢再頹廢...

有時夜晚咪陪fish,SZE,德德,+文佢地游水lo...

好似過得一日就一日咁....今日都算係有d時間比我動下腦筋

暑期工..?算啦....今年未夠15...點做姐

所以都係下年先搵..唉!冇野做真係好慘..

你咁樣做又何必呢...

今日學校歌唱比賽...

每班都做得好好!

但係睇比賽個陣諗左好多野...

好多都係關於自己既未來(姐係升左中4之後既事)...

覺得前路好模糊,係十分之模糊

十分之黑暗,乜都睇唔到咁

我自己真係好驚讀唔到自己鍾意既科目

我真係唔想同呢班同學分開,今年既時間唔知點解過得好快

一陣又差唔多淨返2-3個月,可能太過開心啦

呢班同學真係好好,個個都幾玩得!

可能放暑假之後最掛住既係wyman同鄧允佢地呢班男仔

佢地 真係比個心出黎做朋友!

諗到呢到都有少少想喊,我平時好忍得,真係唔知點解...

真係唔想分班!

呼....

好耐冇打blog啦...

咁多個月..唔係唔記得打就唔得閒打

可能係自己分配時間有問題啦..

第2次測驗,結果幾唔理想...

應岩既答錯,唔應岩既又錯

不過平均分比上次"好少少",都算係一個進步黎既!

希望下次再好d啦!