對唔住呀~ ><"
有Project要做
所以唔得閒開電腦~
真係好對唔住呀~
今日去左拜山（？）
細佬同表弟＆妹都唔記得左23篇點背囉~
囧左，又要我背= ="
========================
4月3日
今日，我居然唔想起身，唔想返學
而且呢種感覺比起琴日既，更加強烈= =
結果，幾經辛苦，終於說服左我自己，但當時已經搭七了= ="
於是我就用比平時快0.5倍既速度行啦
結果都冇遲到XD
水城話玩遊戲囉~
我心諗，"喂喂喂，唔好話我聽係琴晚你地果個呀~！"
跟住就話玩"兵捉賊"= ="
好彩XD，兵係4G班
即時反應：丁頁！唔係咁玩我呀嘛~
初初都唔諗住玩的，但見到豆豆被捉，咁我就開始救人了...
曉蕾超好笑，一被救，就即使被捉返XD
跟住見冇人，就極速救左八個左右，點知衝左入死路= =
捉我果個...係佢！？
點解，我唔明...
向我混亂中既情況之下，被小黑救左
於是我就唔理咁多
繼續展開我既拯救行動XDD
但結果都係被捉兩次...
但呢個兵，居然係佢...= =我唔明，點解你要捉我！？
唔通你唔明白我篇SMS最尾果句既最深意思嗎？
食飯，我去左買隻龜~
諗住暫時取代一D野，但都係冇可能...
返去了，開工了~
好累呢~XDD
做到十點左右就完了~哈哈哈哈~
落左小食部（係純粹有兩部小食機的= ="）睇Marco同阿聰玩2G
坐向地下到睇啦~
冇耐，就聽到一把聲音，就話"又打機呀？"
由於我既感應力係唔會有錯的
冇錯，就係佢
我地三個都冇理佢，但佢就企左向我隔離，後面到睇左一陣
好！打完啦~同Marco食飯，之後去左食糖水~
感覺唔錯，但太過美中不足啦~
陪食/行對象，如果係佢既話，就好了~
而且我地亦講過
今個project week一定要試下呢間糖水店
但結果...
========================
4月2日
六點幾就起左身
搞點晒d野後
又訓返向張床到
到左七點鐘
我居然有種強烈唔想返學既感覺= =
點解咁？我都唔知
返到去
就向RC間房仔到開工
但唔知點解，以前我向呢種環境係做到野的
但依家，我乜都做唔到，諗唔到野
或者，呢到可能真係唔多適合我...
ゼロ...對嗎...？
之後同Marco去食午飯同買材料
行行下，見到有一間想望好耐既店開左
咁就過去啦~話唔定有我要用既材料買呢XDD"
去到
一望
！！！？
係"那隻龜"！？
當時嚇左我一跳，個腦突然就諗起好多野出黎
即時感覺係好想買左佢
但...唉...算啦
之後返到學校繼續整野
後來曉蕾叫我上去，問我野，就無啦啦傾到我既問題= =
無奈，傾到八點幾，水城同阿宇向到望住youtube段片
邊向到跟住做囧
哈哈哈哈~全部比我用手機錄低晒啦~XDD
之後就落電腦室陪通粉，一入到去
竟然見到佢個袋！？（但個人唔向到）
咁我就諗住，向佢返黎前就走人啦
點知，居然快過我
當時我重溫緊GX十代同休伯特打果集= =
佢就話個男仔好熟口面
我心諗，緊係啦~之前我成日同你講，又有比過你睇= ="
但我冇理會過佢地，照繼續我既...
之後，更見到我唔想知道/唔希望係事實既事情
但或者可能唔係真的
當時我就咁同自己講"ゼロ...你算吧啦~人地既事，你理得幾多？唔好八掛啦，搞掂好自己先啦"
另一方面，又同自己講"假使我真係可以完全放低，咁樣，你同我已經唔可能再向呢個世界到生存的，係冇可能的"
過左冇耐，電腦室得返我同佢...
我同佢一聲都冇出過，又再過左一陣，佢都出左去
咁呢個時候，我就執好晒D野，準備走人啦~
但空場，就諗住等通粉返黎，交低個場就走人
但大May就黎左，就叫我唔係既就早D返去休息，因為當時都已經成十點幾啦~XDD
我地傾左幾句，大May就話我冇第一學期時咁有活力，精神等
就問我係咪"失戀"
當時聽到，我囧左
囧左一陣就答返佢就話"冇開始，何來有失？"XD
大May又話"咁你可能要試下開始，咁就冇好似依家咁"
我就苦笑回應，心諗"我何嘗又唔想開始呢...不過，算啦..." |
