食完午飯返黎
見到佢企左向我班前果到望住出面
我只好趕快既入房
見唔到們佢吧
冇可能，個心依舊諗住佢

打鐘，落舞蹈室
途中聽到豆豆話
佢問頌嘉跑唔跑？
佢就答唔跑
當我聽到呢個消息
整個人即刻down晒
雖然呢件事，我早就估到
但要從佢口中講出黎既
我不禁都有點悲傷，難過
但我既答複就只有一句"係咩..."
就走左了...

英文堂
我訓落左向張檯到
見到佢行過
而且係望住入黎的
我理解不能，行就行啦
望入黎有野睇咩？

放學返屋企，上網睇野
去到佢xg
原來佢望望下風景，哭左出黎
我個心突然既難過，好痛...
我好想知道發生咩事
但我...
我係咪真係咁無能呢！？
以往既我...
絕對唔可能會因人與人之間既關系而煩惱
但係，依家既我
究竟發生咩事！？
食錯左d乜野！？
點解會變成咁！？
想念一個人真係好辛苦
辛苦既原因就係
你鐘意佢，但又唔可以接近佢
與佢溝通，咁樣樣真係好辛苦
比起我既舊病仲辛苦
甚至心痛...

今日唔知點解三點幾起左身
（因發左個對我黎講係可怕意想不到既夢吧？）
之後又訓返落去
又發過...可惡呀！
點解又係呢個夢架！？
不過我勁驚呢件事真係會發生...
返到去，IT堂
Miss冇追我地功課~
就叫我地禮拜五交~
太好了~
中文堂鬼故課題生崖開始了呢= ="
又係無聊野= =
食飯，食KFC，
又玩實驗囧rz

返黎，見到佢幫手拍緊片
我只好快快既叫佢地一齊走開
一來唔會阻住佢地
二來...

實驗開始吧~
畫公仔XD
陳伯羅左~
我同Marco就一五一十咁講返比佢聽
咁佢就同班人分左lu~=0="

CPOP呀~
慘啦~
好彩~
未有事~
未到我地做介紹，下堂先~
禮拜三加油呀~！

田徑
打比豆豆
冇人聽
同Marco自己去
之後再打，豆豆話唔黎
得我地兩丁友=="
比之前都算多左呢~
六個熱身圈，後再兩個中圈
當Marco要慢下黎既時候
我冇理佢，照繼續
邊跑，邊諗起
呢種感覺好辛苦呢...
而我亦係第一次咁樣的
因為我第一次對自己所鐘意既人去暗示...
所以就亦有點煩or苦既感覺吧...
（難怪我之前一直都唔想...原來真係好辛苦好痛苦，比起我想象中既，更加辛苦痛苦...）
最後腰腹完場（3200M~）

返去時，我速度大幅減慢
返到去，沖涼
鎖左門$%^&*

搵寶儀傾會考野
決定了~

行去搭巴士途中
見到果個人
冇睇/估錯既話，肯定係果個人
而我亦對自己今日所發既夢，開始有點憂慮了

我sd左短訊問佢
會考果d野
但亦叫佢唔好復我
我究竟發生咩事...？

=========================

無意中，睇到mok大大既簽名檔...
內容係↓
"是男人的話,就要為了某人而變強,咬緊牙關,下定決心堅守到底.
跌倒了也沒所謂,只要還能再站起來的話就行.只要能辦到這點的話,你就是英雄. "

"男人的話,就要為了某人而變強,咬緊牙關,下定決心堅守到底"

只要諗住為左佢
我都要咬緊牙關！
下定了決心既，就要堅守到底！

今日返學
帶埋佢支行山仗返去...
其實我都係想留住佢支仗的...
但...
算了
唔帶都帶左
返到去
勁諗究竟點比返佢好
諗左勁耐，都諗唔到...= ="
之後佢果班有個人黎到我地班，同人傾計
於是我就托佢幫我還...
麻煩你啦~

尾個兩堂CPOP唔洗上
落劇場睇show
原來係呢個...= ="

又見到佢...
唔知點解，我已決定了這樣做...
但我硬係放唔低= ="
我同佢分別坐向東南方＆西北方
當望住中心位既人講野時
就會望到佢，而我亦感覺到...
係我既錯覺吧...？
但好辛苦呢...

我終於sd左比佢啦
但佢回復我既
係問田徑隊向果日練到d乜...
我只好照樣回復佢
然後佢再回我
"我一早知道了,我也害怕這樣。我明白的...好朋友"
佢話佢會明白我的
呢一刻我真係好想哭出黎...
但我對自己講過，亦應承左一個人
我係唔可以咁易就哭的
但結果我都係哭了出黎
因為，我真的很開心...
比起得到了我想買既野
更開心
真的...
嗚...
太好了...

訓到10點幾先起身
幫手煮早餐

食晒
就清場
搞掂所有野後
就返房訓...= ="

聽住歌訓，對我黎講會易訓d...^^"

跟住唔知點解
我又無啦啦睇返d短訊既記錄...
然後就不由自主咁打左篇短訊
但打左一半左右
就訓著左了

訓醒時，已經成4點尾了
打埋佢（又係不由自主的囧rz）
打好左之後（用左三篇既字數...= ="）
好似舒服左d...
但未夠
因為我仲未sd比佢...

今日
同平時一樣
遲左出門
成7點搭4先出門@@"

IH睇MV
鐘意左某個MV XD
我Feel到佢既意思呀XDDD
（平時係唔可能會明囉= ="）

小息
落RC借左本《圖解有效消除痠痛的50個方法》
對我黎講有用的呢XD
（心痛可以用咩方法去消除呀~？@@）

嗚哇~
IT個quiz死左呀~
早知就唔鬼溫書啦XDDD
中文又無啦啦quiz囉...
無言...
雖然聽豆豆提及過，亦知道我地班都一定會quiz...XD

食飯同Marco落左M記買外賣...
上RC食呀XD
見到高層呀囧

原來自閉仔位後面個位幾好風景的XDDD
但我都係鐘意坐返果個位...^^
有人可能會估因為...
我諗都可能係掛
其實係一入到黎
轉左就到既方便感吧XD（迷：做律師丫笨）

一個人好比兩個人，因為寧靜...
不過...
兩個人亦好比一個人，因為...

打鐘，過DT房睇野
D音樂好爽，比我既感覺係舒服
可是見到佢...
我既心情又能否透過聽呢D音樂
而平靜下來嗎？
話你聽，唔得...
當你見到一個人，你會避開佢
只有兩個原因
一：佢討你厭...
二：你真的愛上了佢...
我避開佢又會是否因為那個原因呢？
我諗係了...

突然有種想返學校既感覺...
硬係覺得向屋企好悶...
無所事事...

無所事事...
我係咪一定要向有人強迫既情況之下，先會開工？
悶...
又點解呢？
向屋企有PS2，開到MSN，有床比我訓
點解我又會覺悶呢...？

回憶...
16年...
發生左咁多事
我所記得既，所記住既
就真係冇其他嗎？
真係只有這些嗎？
以往...
當我悶既時候
就會聽歌，打機，上MSN同好多好多既人去傾計，解悶
但係，依家既我，做晒平時我會做既野後，都係覺悶呢？
當我望住個耳筒既時候
個心硬係唔舒服
硬係覺得有好多人在指責我
我到底做錯左D乜野？

前排...向新年假臨尾果兩日開始
又開始有幻聽&覺了...
這事我以前都試過，但我肯定冇今次強
當時我只認為我睇得太多電視劇，電影，卡通，動畫...
所引致的
可是，今次我不可能是因為這個原因呀
理由就是
因幻聽而聽到既說話
因幻覺所看到既幻像
都不可能與以往既相比...
以往既是提醒
但這次既係...

其實，諗深一層
我點解又會中毒咁深的呢？
唔可能會被感情所影響到的我
點解又會變成這樣？
究竟這根毒刺插在我那個位置？
誰人又能替我除去這根刺呢...？

祝天下有情人既終成眷屬！！！

千祈唔好好似某"乜兩點口"咁...= ="
咁失敗呀！！！><

=============================================

哈哈哈哈"新的一天，新的開"...囧rz
6點就醒左（迷：咪又係訓返落床XDD）我：~!@~!@##$%^&）
結果6點50就搞掂晒所有野
出門口囉~

落左車...
哇！？搞乜！？
步速比平時快左30%！？
返到學校
不由自主地望住那邊
想起一些東西...
可是...
算吧
雖然今日係...
而我又應承左今日...
始終都是不好吧...

結果
向班房到呆坐...
打左鐘，點名
曉蕾＆寶儀問我做乜好似唔開心咁個樣...
或許我真的是把感情放上面果種人吧？XD
但亦有好多時候，任何人都看不出我吧XDDD
我只好講笑話我在想辦法，因為我沒有做功課囧rz
佢地比我既反應係無言＆信
但我覺得佢地仲估緊咩事...
係我心多嗎？
目前唯一能壓制住自己既感情or想法
就只有呆坐和聽歌...（但聽歌會留意歌詞，而那幾首又...唉）

IH堂...又難得一見天明貌似想發火的樣子呢= ="
小息落去RC
Lotus又話我冇同佢講盒帶件事
我自然反應發動，我肯定我100%講左放向你到，而你又叫我放向張檯到...
之後佢都冇同我爭論orz
佢又叫我同Marco落去幫佢入水（要未熟的，淋花吧？）

行樓梯落去
見到佢
呢個時候...
內裡另一個我既自然反應效果發動
步速加快...
等佢見唔到=o="
入晒水，諗住佢已走左...
點知，反應...（迷：閉嘴！）
入WC搵Marco，順便拖時間吧
點知又...結果都係（迷：夠啦！）
都係求其搵左個借口衝返上去XD

佢行佢既，我避我既...
感覺幾辛苦呢...= ="
個心亦有種難以易容既難受感...

上堂，又突然羅部手機出黎
但我亦諗冇可能吧
最後都係羅左出黎
orz
sim咭...（迷：難道...!?）我：睇黎係了...= =" ）

Math堂
同小子＆log2傾計...（迷ソ女x2：錯名呀！）= =""
個小紫真係蠢到，4月1係咩節都...唉

食飯
我就衝左落去搭車返屋企
諗住用後備機得唔得
But或許我太咩了
居然又想起...

返到去
又搭巴士，試野，結果失敗...
超急咁返黎...
突然又有奇怪既片段等東西飛左出黎...

返到去
並冇入到RC...
點解呢？
比自己既借口"就黎打鐘..."
咁就返返班房

有宣布話今日唔洗上cpop（心：正！XD）
落到去，話唔洗坐返自己個位wo...（唔慣囉...）
囧rz...梁文道 = ="
佢講得幾爽，正XDDD

放學，返上去羅返條褲＆換返對鞋
邊同Marco傾計邊落返去，落到底
又見到佢...佢又好似想同我地講d野
但我雖然望到佢（佢都見到）
我亦扮到見佢唔到，佢最後就只好走了...（心痛極了...）

田徑開始
果日特別少人...
自己一個望住個天，雲，樹...
感到不自然既寂寞
結果都係忍唔住"唉..."左一聲
豆豆就問乜事
我就話胃痛（真係胃痛架！）
但我諗最主要，最重要既原因唔係呢點囉...

走人~
同Marco一齊走...
但都係想...^^"
兩個男人，夜晚，一齊走，感覺怪怪XDDDD

結果搭左小巴走（可惡有個大嬸坐左我第二專用位呀！\_/）
=======================================
今日全篇紅字orz...
點解？
嘿嘿~
because is用我熾熱既血寫吧XDDD

今日返到去
又冇人
等到12點幾先有人
叫大May開門比我~
一路都冇人入黎
寧靜，舒服（自己播歌聽XDD）
可是...
一個人太寂寞了...
單戀太辛苦了...
我唔可以再咁樣落去的
咁既樣會令自己
再度直線下降...
而且甚至會穿煲的...囧rz

NOW打完呢篇野後
就過去IT房睇睇小方段片搞成點
睇完就歸家了
歸家再打過呢篇野吧XD

不過歸家途中，我又會...
但我決定左唔可以再係咁的！
加油呀！
К ①~！
有好多人都會支持你的！

我邊行邊食M記~
行行下...
居然行返果條路線...=o="
亦想起
兩個人一齊食野果日
原來唔係飲同一支野果日...（間接吧>///<）

 又係12點幾既am吧~
我知道今日佢會返黎
繼續剪片
而我本身有網聚活動在身
時間又夾唔到
我只好推左網聚吧...
喵喵，Evan，cty，區星等人
我對你地唔住呀~！！！
過左陣，唔見佢打比我or sd短訊
之後突然醒起佢今日朝早要出去
而且又講過要兩日足既睡眠
咁我只好放棄吧~
唔等lu，訓覺~

一早起身，記得佢講過
中午完左就會返黎
於是我就訓多陣
訓到11點幾就出門了~

返到黎，小方佢地就繼續做佢地既野
而我就開始我既工作~

到左差唔多2點
我見佢仲未打黎
就諗住佢應該係太累了
回家休息陣~
咁我就繼續專心工作

到了4點幾
我幾經辛苦終於完成了~
落去交貨比大May
佢地話段片都係太長了...
而且...
佢地問我點解
我只好回應"佢地希望留返，我只好順佢地既意願..."
大May就講左句我都認同既說話"咁搞法就同粵片一樣，無聊，冇新意，唔到題，離晒題..."
（雖然唔係100%記得佢講過的，但都足95%）
佢亦問我點解最近見我，個樣，精神都係咁差，麻麻地
我亦只能無奈既講句"係咩..."
佢又句我不如休息一陣，之後再繼續剪
我就突然想起"佢"
之後就講左句謊話"我休息左一段時間先落黎交貨的...^^" "

咁我就急急腳咁衝返上去
繼續剪
剪左陣
Lotus就話要走了
88~
咁我就繼續
我突然覺得開始有點累了
就走去沖杯奶茶飲~
我沖，少少少少咁沖
都係沖唔到佢一開始沖比我飲果種味道...
果種味道好甜，又好滑，仲有一種難以易容既味道...
繼續吧~
到左5點尾，我都係諗唔到點剪好
大May就上左黎了
問我搞成點
我就放比佢睇
睇完後，佢話OK
最起碼佢話睇完佢既感覺都舒服
問我其他人呢？
我答唔出...
佢又話佢見到阿怡，又同佢講左...
我無言
佢就話我好好人
我只好話佢聽"需然原本唔關我事，亦唔係自願，但我接了手，就有責任睇住佢，直到完成..."
佢又話呢種態度好
跟住就同我討論幾時放
結論：禮拜五（午飯後）
之後就完了~

當我打緊呢篇日記時
頌嘉就sd左個短訊黎問
"喂，你剪左片未啊"
我唔知點解，果刻唔想復佢
直到依家打完今日既事情
都唔想復...
點解...？
係咪想佢見你唔復佢
就再sd，甚至打電話黎...？
唔知...

我只知道...我曾經講過
我可以自己一個人生存落去
但我發覺
今日
得返我自己一個人剪片
雖然專心
但亦有一種無型的大壓力壓住我
好辛苦...
我唔感想象日後既日子點過...

一早（12:XXam)
同頌嘉傾計
我同佢講有人懷疑
我地對大家有意思
甚至拍緊拖...=///="
睇佢有乜反應
結果同我預計既一樣...
而佢問我會點解決
而我亦扮到唔知點好
（ 其實如果佢地真係懷疑既話，我緊係知點解決啦，若果我地係真既話，就最好不過啦>﹏< ）
但...這是不可能吧...
後來佢累了...
話要見周公wo~
但我又好自私咁叫佢陪多我一陣
我撤嬌，我話你去見周公我會吃醋...
（咁大個人竟然仲撒嬌！？仲要對住女仔，你真係變左啦...）
結果都係不可能
不過佢冇即時既cut線
對我黎講實在太好了~
只好祝你發返個好夢啦~

今日同屋企人去左飲茶
完左之後
就搭車返學校

返到去
Lotus又冇返
打比佢，又唔聽電話（玩咩，電話又唔聽，第幾次呀？起碼都過廿次啦！）
搵Joao，佢話唔記得放左條匙向邊
之後搵大May，開門了~

開返段片
error...！？囧rz
小方返左黎
佢話佢返黎拍"果套片"wo...
結果開到XD
搞左一大餐（好似午餐都冇食= ="）
整呀整...
終於完成了（但未夠100%）

唔理了~
整DT份報告，終於都完成了一部份啦~（頂當XD）
上教員室搵Keroro
點知開緊會
等左陣
同佢講
佢就話返學先wo...
咁我又問枝柺杖既問題啦
個結論就係自己再諗諗...
•
•
•
完後，自己行落去搭巴士
途中...
我想起果日我地一齊行去食魚蛋河
食完之後過7仔買野飲
你原本話唔飲的，但最後都有飲
之後一齊行去搭車，途中一齊跑去追車...
可惜今日跑唔郁...
好少有野令我好似今日
自己走既樣咁
咁失魂落魄...
平時行燈位，行來回先閃燈
但今次行到一半都未夠，就閃燈了...
邊行，就邊想起我地一齊行過既路
想起很多很多我地一齊既事...
雖然我跟你唔係識左好耐
但我真係...
我真係可能真的捱唔住了...

今日返完教會
就即刻仆去九龍灣
同天痕一齊行去CW~
到了門口
見到狗大大企左向到等（感動XD）
之後同天痕去找入口
結果擺了烏壟
咁就冇左約十分鐘多左右...orz

>> 途中見到恩典＆CAT...囧 <<

今屆既COS都幾極端下

有D真係幾靚女>﹏<
有D就...囧

洗左$200買左Namine＆Riku既咕
（嗚哇~遲到，Sora賣晒...So z~ T_T）

哇黑魔女丫~！>﹏<（迷：翔仔會死掉了XD）
抽咭！黑魔導女孩召喚！附加小魔女！
召喚出黎同我影相XD

禮物買左啦>﹏<
比想象中平...= ="
行定水我唔理了XD

=============================

若果你睇到呢個日記既時候
記得打比我~
我希望你可以替我做一件事...

呢兩晚，你可以陪我陪到咁晚
我好開心...
而我同你都差唔多似，
有共同既理念吧~
可惜
我發覺我可能捱不下去
而且粒種子...
開始成型了...
一但粒種子成了型，我怕我會...
我亦講過
我會盡可能"化不可能為可能"~
不過，我既直覺話我聽
即使我用盡甚麼方法
呢件事都是不可能發生的...

所以...
不論你願意與否
我都希望你可以跟我既指示去做
這樣...
我覺得我會舒服些...
拜托！

今日，係頌嘉生日~

頌嘉

生日快樂丫~>﹏<

禮物後補...= ="

祝各位地球人

新年快樂，身體健康丫~！>﹏<

我究竟又為左D乜而煩呢？

我唔知點解
有種感覺話我知
並唔係佢 i 落我到
而係我 i 落佢到...

理由吧？
最簡單
我睇住佢打機
睇睇下覺累，就小睡一下
若果我推斷冇錯的話
我個頭係靠左則少少的
睡時會左移又正常
所以會係我 i 住佢的...
佢不可能推開我
再自己 i 住我吧？
然後...
咪住先~
正常...
係咁既話
又點解唔推開我既？
係想我休息得好？定一係話...？

但路人甲又話1000％肯定係
而我第一次醒了的時候
佢確係不是 i 住我的
我再睡時
是我 i 住佢少少的...= ="