唉依排都好多野煩好多野諗好多野搞到自己好down...唔知啦太煩啦~
尋日去海洋公園都ok好玩既~玩跳樓機真係比舊野fake哂囉...原來最驚既過程係之前...並唔係落黎果一野...真係比佢玩死我囉
去玩流浪飛船...玩左5次=.=玩第3次果時坐前面...未沖落去之前果段路比佢地整到我成條褲都濕左=.=沖落去果時佢地話個個都要伸大雙手啦=.=我照聽話做啦伸到直一直...一落到去連條底褲都濕埋。
哎哎哎原來我比人昆左...佢地個個都唔伸.\/.好失望tim...嘩之後真係涷到傻走去玩果個太空摩天輪玩到自己乾番啦玩左唔知幾多次...
之後見到班女仔同關秋又玩飛船咁我地班男仔又再玩多次=.=之後又排到次...就係最後果次...原本以為2個人會冇咁濕啦個momentum冇咁大...點知今次係最濕...哈~唔知咩事囉...睇黎我都可以拎物理學獎XD
去睇表演果時就同KL夾盒麥樂雞再一人一個包...嘩傻嫁奶昔要14蚊...哈~嘩d海豚同海獅勁可愛超勁丫>.<
排隊玩摩天輪見到miss luk同一班學人...世界唔係咁細呱...
玩足8個鐘囉...番去果時行到我傻~上到車呢一開始都冇咩野講=.=之後潦起左cindy...哈太獲啦...冇停過嫁佢把口...我笑到冇左好多個卡路里...yosh~
最慘就係...唉比人話我cheap...比人話我樣衰...比人話我垃圾...比人話我豬...
之後番到TKO煩食飯啦...最後嘈左一大輪煩左一大輪就分開兩堆食...佢地原來話去寶林打邊...咁我地就諗住係大家樂打邊啦...唉...8個人...2個人夾一個鍋...排到埋去得我同steve冇得食火鍋岩岩好買哂.\/.
果一刻真係好有衝動鬧個收銀囉條友問哂我要咩都話冇我真係勁想鬧佢...之後就食左個扒餐唉唔係幾開心囉...有人肯同我撐櫈腳就好啦XD
食完佢地先係岩岩開始食...唉咁我就算啦走佬啦好唔開心嫁真係唉...原來諗住有得試下...點知唉...
---------------------------------
發現左自己小氣左...咁我都係表達我既情緒姐...
今日又係組員面前發大惡...真係次次都要我鬧人嫁囉...我真係唔想咁...再係咁我真係唔想帶啦...
話說班男既要做栽培啦唔可以好似正常咁分組...好唔開心...
咁呢原來steven丫做過囉...仲記得哂d野=.=咁我同佢地玩問題果時咪要steven幫手囉...
唉佢地好唔聽話...我就拎左副堂果碌枱腳出黎話邊個再搞事我扑爆佢個頭點知都係冇人驚...
最後祈禱...我真係好認真咁祈緊果時...祈左廿秒到啦發現原來ivan同louis同唔知邊個係度玩...完全冇一齊祈到...
咁我就發第一次既嬲啦今日~
之後去打波...森美係街都要嘈...仲要係咁串人地打緊波既人(唔識既)...勁似青山出黎嫁囉...叫左佢勁耐咪嘈...最後發左第2次嬲...今次我真係覺得住廿樓既都聽到...
我真係唔想再咁落去啦...佢地...唉我唔知點算...
仁慈又仁過....惡又惡過.....鬧又鬧過...我真係唔知點算...咁搞法我真係遲早癲都似...我次次帶完組都勁辛苦囉喉嚨...又乾又痛...睇黎我依一生日帶e個組係我幫神上刀山啦...差在唔知幾時要比班組員掉我落油獲...
| 
