呢個 Blog 我都放棄左一斷時間 嘩 我次次句開頭白都好似差唔多
哈哈 ~~!!!!!
突然間想寫D野 就返返黎LU
入左 IVE 都有一個月的時間 IVE 的生活都幾得意架
真係Free到 我自己都唔信 同以前中學的生活完全另一回事
至少遲到呢樣野無以前咁麻煩 岩哂我呢個遲到大王 哈
有堂就返 無堂就唔駛返 又無校規 唔返一兩次都唔緊要
只要夠八成 交齊功課 測驗考試合格就 
不過識人方面就有啲問題啦 ~~~~~~
可能係我份人靜 或者怪啦 whatever啦
我份人的確唔適合埋堆 或者係我的感覺
有時坐埋去傾下計之後 如果例牌都坐埋去既話
咁樣感覺上唔適合我 始終我性格都係比較單獨一個
其實可能只係藉口 無話題 <- 最主要的原因
同以前係中學的生活都唔同 坐得埋隔離都好好傾 
教書個方面都有問題 ~~~~~
個個老師照住個powerpoint 讀 講仲多過寫
原本係好既 不過齋講 照讀 頂多講解多啲題多話
變相要靠自己 聽得明係一回事 識唔識做都係另一回事
聽人講合格唔難 因此都起碼有些少信心 睇下十一月的測驗點先算  !
近日我"的"起心肝上網去買個手提電腦火牛 等左咁耐先買
諗住終於都可以用番我部手提電腦 結果返到去發覺個火牛用唔到
到今日換左條電源線 結果都係一樣 個火牛盞燈都唔著
唉 究竟係唔係個火牛有問題 無理由人地會賣個壞的火牛比人掛
我早就應該去試 咁就唔需要到而家都咁難搞
定抑或對方根本就呃緊我 始終人真係唔可信 事實上又證明咁講真係無錯
我諗我的確要學下點樣去防人 防止自己比人恰 咪比人當傻仔
雖然比人當左好耐 水魚
| 
今天的日子 
