呢排我都想早ｄ訓 １１點幾就想上床訓
不過係咁訓下醒下 今朝５點幾醒左唔想再訓了
反而我平時等到眼訓先訓 又會一覺訓足１２個鐘頭
唔知係咪因為以前習慣２，３點先訓搞到而家想早ｄ訓都唔得
岩岩又係度諗 唔知係咪人大左 就有好多野諗 我對我既家庭強烈既不滿 忍得好辛苦
不過呢Ｄ係我既秘密（我既秘密應該得我自己一個知）
諗番起以前 唔知點解 除左Ｄ深刻的野 我咩都唔記得 幾年就話者 幾個月我都諗唔起 =.=
仲有就係我無乜返學段日子 問我點解唔返 其實我自己都唔知 我果陣凈係想舒舒服服留係屋企
對我黎講 我真係唔認為有咩問題 由我小學３年級開始 年年番學都係全日制 又要晨早起身 ３點幾先放學
一開始緊係無乜問題 但係年年都係咁 我都會有一日討厭呢種生活
我只不過係想舒舒服服咁生活 咁岩果段日子要仲係番緊學者
我唔想日日起身又趕黎趕去 追車迫車呢Ｄ生活就係單單為左唔駛遲到
我寧願選擇休閒咁返學 都唔想好似其他人咁趕頭趕命
我知我自己係有錯都唔認 死不悔改
但係對於我自己 我只不過係想跟住自己的意思去做
仲有一樣我想講既就係態度既問題 我一向對老師既態度都無問題
直至上年 因為Ｆ．３班主任提出很多無理既要求 令到班上很多人都不滿 包括我
不過下學期佢既態度慚慚變好 因此我對佢既態度也由差變番好 佢後尾都有同我講過我既態度轉好左
不過當時仲有一個老師(新上任訓導主任)佢對我既態度還是很差 即使到左而家 佢對我既態度依然無變過
一開口就用那種質問人既態度 ( 反而前訓導主任既態度不知幾好 )
再加上佢個次應成我唔會講比我家長知 結果呢 家長日果日咪講左出黎
所以佢係唯一一個我對佢既態度唔會改變 !!
| 
８月３０日 
