今日考試終於完左喇!!!

唔洗再日日夜晚都仲對住d書=.=

其實係剩返phy chem bio未考個陣...

我已經諗緊幾時先完呀!?

而家終於捱過左! :)

呢幾日對腳好似唔多正常...

有陣時好痺...有陣時又會痛...仲有陣時好似會腳震咁......

我個陣都唔知發生咩事...

以為間唔中腳痺係正常...腳震以為凍到震-.-

今日早上起身特別痛...我仲擔心行返學校個陣會拐下拐下...

後尾起左身一陣好返d...10:00am就返學校考埋chem~

但到今日下午我先發現原來兩隻腳都腫左=.=

唔怪得知會痛...

今日先發現...有夠遲嫁喇我=.=

跟住同媽咪講左...

佢好似好擔心...無啦啦隻腳做咩會腫? =[

諗深一層......

由12月尾開始...我就日日都係房度坐底...

溫書...做數...

到考試個排更加係日日咁坐底左溫書...

經過左大半個月既時間...

我諗應該係血液循環唔好先會咁-.-

跟住媽咪好比心機咁同我搽左最少3個字跌打酒...幫我摔腳...促進返個血液循環系統

唔該晒媽咪^^

佢話溫書溫到腳腫...係咪真係咁勤力呀?

其實我邊算勤力...相比起其他同學...=.=

希望隻腳快d好返!

摔完跌打油聽日唔消腫就要睇醫生喇

一個星期後就舞蹈比賽

希望可以趕得切好返啦!