呢一日始終都係要黎喇
真係要last day喇
真係要結束中學生涯喇
冇得再日日行果條奪命既善德小徑
冇得再星期一四到操場集會
冇得再好似以前咁成班好開心嘻嘻哈哈咁上堂
冇得再係中文堂聽風趣幽默既曉雯講書搞gag
冇得再係英文堂自己做自己野
冇得再比ms chan deduct 5 marks
冇得再係maths堂叫慧茵札辮
冇得再係bio堂聽faan仔講人生道理
冇得再睇住faan仔比人gay
冇得再係chem堂睇住李靜美忍笑又差d忍唔到既表情
冇得再係phy堂聽可愛既家耀叔叔教書
冇得再同班同學係小息打打鬧鬧
冇得再日日抽人水
諗起咁多樣冇得再做既野真係好唔開心好唔捨得:(
今日last day出門口返學校個陣...
諗起自己今日係最後一日以學生身份踏出呢個門口行呢條路咩住個書包返學
一諗到呢度真係有d感慨
仲記得自己f.1第一日返學個陣...
著住唔自然既黃gum gum校服
懷住既緊張又期待既心情踏出門口行返學校
到第一次換冬季返學校個陣
出到街係返學途中比d師兄師姐望住曬
個陣都唔知發生咩事
到行入學校cover比prefect截住左我
先知原來條tie係要zip入校裙裡面
我竟然將條tie就咁戴係出面= =
而家諗返起真係好低能好樣衰=.=
不過...
6年原來真係好快就過
尤其當你係過得快樂同忙碌中
時間特別容易流逝
貶下眼就到左以前覺得遙不可及既last day:(
今日返到學校
堂照上...對埋d mock卷
不過每堂都剩低少少時間比我地影相影大合照
上最後一堂英文堂個陣
我睇得出ms chan好唔捨得我地
我地仲突燈係落堂say goodbye個陣
一齊用中文講多謝及再見陳老師
點知好唔齊lol
到最後一堂中文堂
曉雯作最後既千叮萬囑提醒我地dse既事項
到最後一堂既bio堂
大家係臨落堂10零分鐘個陣就著住lab袍影相留念
當范sir講起即使當你地日後返黎bstc
都係冇乜機會會入到黎bio lab
聽到個一刻真係好唔開心同好唔捨得bio lab:(
然後放lunch
lunch個陣我仲突燈要返屋企食
做返個首尾呼應
下晝返到黎
上完maths堂就到空堂
落去staff room係咁搵老師影相
then就上chem lab搗亂:p
係咁影相:p
影完相就落返去...
有個f.6 farewell party
不過呢個同我想像中既唔同
原來係一班班咁排排坐係度
首先聽完校長致辭之後
就有老師預先錄定既感人video播出黎
仲有班低form為我地表演
唱埋d崔淚既歌sosad
我本身忍住唔喊
但後尾見到meiling同shuting喊左出黎
又見到brian眼濕濕
坐我隔離eunice又喊
搞到我都忍唔住喊左出黎sosad
好唔鍾意呢種離別既感覺:(
完左之後就有好少野食既大食會lol
之後就返課室汁書包
再黎返hall係咁影相
校長仲握住我既手同我講
真係好多謝我幫左choir同中樂團唔少
其實我唔是choir...係jazz lol
完左個farewell party之後
雖然話10mins後趕人關門
但d人梗係唔肯走
都last day喇:(
大家係咁周圍搵人影相
我係staff room A 叫左ms tan幾次都搵唔到佢
我諗佢應該走左:(
唉...搵唔到我f.1既班主任影相tim
我地係曉雯架車度貼左d紙
我諗曉雯目到個陣實會會心一笑haha
影完相之後...由於有下場同埋個書包好重x(
於是我就返屋企先
then就係葵芳搭地鐵去葵興月台等佢地
我地一齊去左荃灣大排檔食dinner
有我, 思敏, jelly, 蝦子, yuk, shuting, eunice, meiling, wing, kamshing, joshua, jason, thomas, mic, brian, 蚊蚊
係荃灣行緊去大排檔個陣...
點知見到曉雯架車!!
會唔會太西利...咁都睇到
於是我地成大班人一齊追車haha
曉雯見到我地於是停低左xd
會唔會太有緣我地:p
跟住繼續行
去之前sports day食果間大排檔附近
係露天咁食大排檔真係別有一番風味
個陣我仲講左句: 如果一陣食食下落雨咁點算?
點知我地等上菜個陣真係有雨粉lol
好采天公造美冇落雨好快停左
呢度d野食都唔錯
我地食完之後c班行左過黎
於是大家又係咁不停影相
食完之後
dicky終於黎左join我地
點知c班影緊相個陣
佢一支箭咁衝左過去仲跑埋上樓梯
明明我地就係下面lol
真係笑死我地=.=
我地本來諗住去食糖水
後尾就決定去買雪糕then坐係海濱公園一邊食一邊傾計
我買左2枝大腳板
點知原來係伏黎=.=
支雪條棍係出面lol
搞到我同thomas要用雪條棍"筆"黎食lol
真係好新穎既食法lol
我地之前去既圓圈位置裝緊修
於是就去左一個可以坐低既地方
不過d凳隔得好遠lol
於是就圍住圈坐低傾計
後尾分批散水
最後得返我, shuting, joshua同 Thomas
我地4個諗住搵個地方坐低繼續傾計
點知行行下見到dicky佢地
thomas去左佢地個度
於是我地3個繼續傾計
最後仲由荃灣行左去青衣lol
本來諗住再行返去葵芳
但係我隻腳行到好痛sosad
於是我地就係青衣搭的士走
返到屋企已經3:15am
咁就完左呢日既last day
其實善德係我既第二志願
但我一d都冇後悔到入左黎善德
呢度d老師真係大部份都好nice好warm
d同學個個都好純真冇機心
能夠係善德結束我既中學生涯真係好開心
不過要完結既始終都係要完結
人生另一個階段即將開始
我唯一希望既係我地呢班人既友誼可以能夠好好咁keep住!
|
