星期三晚開始好想嘔...

連晚飯都冇食到

跟住就早左上床休息訓教

點知訓唔到

個感覺真係好難受

好似個胃係到倒立咁:(

係張床度好痛苦咁碌黎碌去

跟住再起身

個陣一睇鐘..

已經係凌晨3點半

去廁所扣喉 諗住嘔左出黎會舒服d

點知又嘔唔到= =

於是坐左係度抖左半粒鐘

又再訓返教

朝早起身個陣...

因為訓唔好個頭勁痛><

落床連行直線都行唔到:(

跟住落樓梯個時又腳震= =

其實真係好唔想返學

但有maths堂, 又有bio堂, 又有chem堂

想唔返都唔得= =

返到學校...

其實都唔係好聽到書..

大部份時間都pa左係枱度

但聽到幾多得幾多~___~

點知個日bio堂一日就教曬一課書= =!!

捱完bio堂到ers堂

於是就去左sick room訓左2堂

係bstc讀左5年 好似第一次訓係個張床度@@

btw thx eunice 陪我落去:)

wingyuk支熱朱奶:)

mic幫我拎書:)

仲有meiling既msg:)

跟住下午上完chem堂就即刻返屋企休息

第2日就好返好多gd:)

後記: 第2日返到學校...

范sir走過黎問我好返d未

真係估唔到:)

男人仲細心過d 女人-3-

好明顯我地班果個女人係..:)

星期六(琴日)去完補習之後

就去左買整朱古力既材料

應承左佢地整:)

點知係個度撞到eunice :D

真係好橋:p

好驚整得唔夠=.=

如果唔夠就先送比d我應承左同送過朱古力比我既人先~___~

其他收唔到既唔洗唔開心嫁:)

雖然真係好好食xdd   (應該係)

haha 今日真係好好笑:p

唔知係星期五既關係定點...

班友今日勁high=.=

堂堂都係  笑死我xd

LS堂連ms tsang今日都異常咁high XD

班友嘈到...haha

陳清坤問miss包袱個袱字點寫

跟住miss唔係好識寫

班人仲要不停老點佢haha

中伏個伏字呀miss~~~

跟住佢後尾係個袱字度點點點...連miss都high大左...笑死我=.=    (唔係呢班既人可能唔知我講緊咩~___~

跟住又唔知做咩

好似講緊玩唔知乜既話題

陳志穎彈左句"玩妻"出黎xdd

成班笑死:p

曾雯青話你地成班幼稚雞xd

跟住佢地話 miss 今日 last day呀!!   不停咁重複呢句~___~

真係好好笑 好癲呢兩堂:p

下午最後一堂係maths堂..

葉慧茵一入黎呀b就掟報紙過去xd

跟住成班友又話 miss 今日last day呀!!  (又係呢句haha

miss: 又唔係你地last day...靜d呀~~

點知冇人理佢xdd

呢堂都係好嘈haha

不停咁聽到d好大聲既笑聲:p

跟住上上下堂...

劉偉權突然舉起左張凳..

成塊板甩左出黎xddd

成張凳得d鐵通hahaahaa

成班笑到痴線xdd

今日班人high得濟~_____~

不過好好笑haha :p

btw 今日helen生日

我仲記得上年范sir突燈係bio堂度播左段甜蜜十六歲既片

話咁快咁就一年~___~

不過helen仲係冇高過xdd

但係佢話: 我有150嫁><!

不停咁抽佢水:p

好啦 祝你快高長大:p

希望你有一日可以高過160 xdd

呀!  同埋今日爸媽唔得閒

由我黎煮晚飯^^

我醒起之前post過一張相上fb

又係自己煮dinner既相

點知一睇個日期..

原來已經係差唔多一年前 

但係我仲係好記得果餐飯~___~

因為係我好比心機煮出黎...落多好多啖心機><   (雖然你地可能覺得好簡單~___~)

仲要係好似第一次煮? 唔記得lu-v-

睇返d相...對比都幾大:p

  2011.04.01    --------->       2012.03.02

係咪難度高左...又色香味俱全左呢haha

其實我有好比心機學嫁

因為呀媽話做女仔就學下煮野食啦

第時要靠廚藝綁住老公個心haha

雖然對於我黎講呢個話題好似好遙遠

不過識煮點都好過唔識煮既:p

我仲記得第一次接觸煮野食個陣...

呀媽教我煎蛋

點知我個陣好驚一落隻蛋 鑊裡面d油會彈到我隻手=.=

跟住係鑊邊一敲完個蛋穀就即刻縮手成個人彈開左= =

點知隻蛋唔單只殼冇打爛

仲成隻蛋飛左落地

仲要咁岩趺落呀媽隻腳趾公度= =!!

d蛋漿流曬出黎haha

跟住我地兩個就係度傻笑  不停咁笑xdd

而家諗返起都覺得好好笑:p

係一個有趣既學廚經驗黎haha :p

頭先呀媽食左我今日煮d野...

佢話 好好味!  仲好食過呀爸煮個d :D

聽到之後好開心^3^

我終於由一個連煎蛋都唔識既小女孩 變身 做 識煮dinner既mature girl hehe:$ 

btw 3月14唔知整唔整朱古力好~___~

應承左佢地整

但我好驚整到d軟心朱古力會失敗-.-

話曬係第一次整lol

而家電視播緊電視劇..

郭晉安個套...

我真係好想睇><

不過又要限制住自己唔睇得!!

因為一睇實上癮:s

唔想浪費咁多時間係睇電視度~___~

其實我而家溫緊tropism-.-

咁點解我會走左上黎打qooza呢?~___~

係因為fb見到d f.6話聽日last day..

好唔捨得bstc...

分離既感覺好難受..

令我諗起一年後就係我要經歷既階段

諗起都覺得好唔捨得呀;((((

唔想咁快畢業><

因為返學既日子真係好開心:)

一班人係同一個學習環境認真讀書 

間唔中一齊嘻嘻哈哈:)

真係好快樂:)

唔想呢d日子咁快完結;(

同埋一諗起一年後既今日...

仲有一個月就考dse

壓力真係好大;(

一試定生死~___~

下半世食粥食飯就睇佢;(

我真係唔敢想像如果衰左會點:s

所以...現階段可以做既...

就只有溫書~___~

同埋希望考dse個陣運氣好d~___~

出d自己識既識目

同時又可以取悅到marker-v-

其實諗返范sir今日講既野都幾有道理  (雖然搞到班裡面氣氛好凝重-v-

有學識之餘

仲要有好既人際關係先會成功

所以佢叫我唔好drop ers-.-

佢話雖然ers對升學冇咩幫助..

不過呢科冇marking scheme

可以訓練到如何取悅marker既技巧wor-.-

反正呢科唔太曬時間...讀住先都冇所謂~___~

係平時上堂悶d姐;(

呀! 同埋今日chem堂...

d  cyclohexene真係好臭=.=

我仲以為邊個唔小心開左媒氣sosad

臭到成班友行左出chem lab XD

最後比李靜美發現叫返入去xdd

聞完之後個鼻好乾~___~

喉嚨仲好似有d苦:s

希望下次experiment唔洗再見到佢= =

家長日這天...

12:15pm回到了校

可是前面還有數個還沒見

於是在門外和這班人打打鬧鬧起來

氣氛非常輕鬆愉快

快要忘記了待會兒就要見家長~___~

我是最後一個

在想會不會有很多時間談很久=.=

到我了...

范sir只放了我進去

還說什麼年滿18歲...自己當家長= =

真的服了他=.=

和爸爸進去了...

看到成績表

進了8名

對於我來說 其實沒分別

於是我告訴自己

下學期一定要進一大步

在整個過程

爸爸只說了數句話  話很少-v-

基本上全程都是我跟ms chan和范sir聊天=.=

范sir說你真的要勤力點多做些練習...因為做練習真的有幫助

我已下定決心 以後每一課的練習都要做! \____/

ms chan則說 我的成績還可以有很大的進步空間

她叫我不要再搞什麼生日會了...太多了...將這些時間花在學業上吧

其實她說得對

雖然我的出發點是為了讓大家開心

但真的花了很多時間和心力

所以 以後我應該不會再搞生日會了

是時候 封刀-v-

我也不敢在ms chan和范sir面前再搞生日會~____~

之後我問他們...要考什麼名次才可以進大學?

他們說: 以我們學校計算...頭100就可以入大學了~

頭100 !?   有這麼多嗎?

我還以為自己聽錯...再問多次他們確認-.-

范sir說: 當然...如果以最後一名入大學是很開心

但做那個第一個入不到大學就很慘了

於是還是考頭70~80會較穩陣

往往數分 / 數名 已經有變數

但我在想 考7十多的也應該只能入樹仁 / 公開 / 教育學院這些吧

如果要確保入更好的大學

還是要考頭30~40

這樣應該較有保障:)

所以 下學期要加把勁

要回復昔日既光彩wahahahah

完了會面後...

我和kamshing二人和ms chan & 范sir聊了很久

談了很多秘密:X

ms chan最後還說 如果有第3個知道我的xx, 就肯定是你們二人說出去的:S

sh.........................:X

聊完天後...

沒事幹

於是我和kamshing跟了eunice & dicky 去聽什麼升學出路

其實我都沒心在聽容sir和校長在說什麼

拿了本小冊子回家

以後有空再看吧~

之後就出了荃灣

約了素素一起去報maths補習

我們等了一個多月...

終於有位給我們了  (感動*v*

可是...

一瞬間銀包就沒了一張$500

很肉尺:(

希望失去了你 能獲得更大的回報>< 

其實早在f.4完左個陣...

我就已經有打算drop ers既念頭

個陣驚combined sci唔高分

到左半年後既今日...

我又要驚drop左ers得返兩個X

會比其他人輸舌

到我真係已經下左決定要drop既時候

又會諗3個X真係易d入到大學wor

但後尾又會諗其實都係貴精不貴多姐

係咪應該drop左佢騰多d時間係phy chem bio度?

另一邊又要煩d timetable

本來係sat補phy 1:15pm

時間非常好

但可惜而家報左maths...偏偏又要個時間撞到應一應:(

而家又要煩究竟phy要調去咩時間?

wed 6:20pm @ 旺角?

定sat 11:45am @九龍灣?

星期三補...旺角雖然近d...但話曬上左成日堂...補完又要8點幾先返到屋企...攰死:(

星期六補...九龍灣又要遠到乜咁:(

補習唔係一兩日既事...係要以後keep住個個星期都係咁過

真係要認真諗清楚:(

唉...

點解人大左就會有咁多煩惱?

我真係想好似d小朋友咁

想笑就笑 想喊就喊

扭兩下計 d大人就會比糖糖你食tum返你

唔似得而家

日日都煩呢樣 煩個樣

同埋我發覺...

其實而家讀書根本唔係為左增加自己既知識

而係為左考試而讀書

如果我為興趣...想知d自己想知既事...滿足好奇心...

其實我去公共圖書館搵相關既書籍都可以搵到答案

而家只係會諗 讀咩+考到咩成績先可以入大學...第時先會有好d既人生

係為生活而生活:(

大個左先發現原來做d自己鍾意做既野係一件好難既事黎

唉...可唔可以快d比我諗到我究竟應該點做><

p.s. 多謝你 幫我吸走d負能量:)