今日體育堂又係打手球，

結果我同李滿能都係一隊，

而且仲贏哂添！

今日派咗默書簿，

又係100分，

希望下次(最後一次)都係100分，

咁我報分試就唔使怕啦！

今日係中文默書，

勁驚囉，上幾次都係100分，(當然，我梗係想繼續都係100分啦！)

到默書個陣，

原來點內容都唔係好難，

我諗今次都係100分啦！

今日係九北區訓練，

勁累，

跑80米個陣差李滿能少少，

上堂個陣，我真係超悶，

個個都有人同佢傾計，

唯一係我，唉！

今日全日都係屋企玩電腦，

大約下午兩點，

我家姐帶著一個同學上來屋企，

佢都幾高，又係超瘦，

唉，係屋企就快悶到抽根，

夜晚就拿拿林做功課，

因為聽日要九點三十分返到學校練九北嘛，

唉，今年我哋學校九北實輸梗啦！

今日要返教學觀摩，

吳老師勁好笑，

叫我量一個人既體積，

我o哂嘴，原來佢叫我量一個擺設既體積姐，

差點俾佢嚇親，

放咗學上靚仔屋企玩電腦，

跟住成日都去咗打籃球，

走個陣自己一個人，

突然覺得好孤單，

唉！