今日去咗打籃球，

輸咗15比10，

因為我哋累既關系，

好悶呀！

今日係家長日，

盧主任一點都唔俾面，

佢首先講成績，

佢話我同一個人同分，(我事後知係練瑋研，我同佢都係全班第一)

不過好彩，佢講咗一句比較好既，

就係話我有資質，

把口咪講咁多野，

將點精力放係讀書度，

5名之內一定有我份，

佢再補充一句最好聽既：佢話佢睇成級之中，我係比較聰明，

我心諗：我平時默書、測驗同考試全部都冇溫書，

成績都唔算差，

如果我再加埋溫書，

可能真係同佢講既一樣，

佢話我全級係十名之中，

但係就唔肯講名次！

講完我，不如講下其他人啦，

先講黎凱瑩，佢最好笑，

盧主任講咗一句：「豬」事八卦，

睇來佢呀媽都會o哂嘴！

廖君恆就只係俾盧主任講佢心散，

成績比較差，要努力，

我心諗，如果俾盧主任知道佢勁咸濕，

咁就笑爆嘴囉！

盧主任對林碧樺講既野同我既百分之八十係相同。

講起林碧樺，

我一年班同佢一班個陣勁大壓力，

個陣我都係全班第一，

佢就第二，成日佢都只係差我幾分就追到我，

諗返起，又俾我諗起貝老師，

4年冇見啦，唔知佢而家點呢？

今日體育堂玩手球，

我同低能仔一組，

而班女仔就多咗個盧主任，

結果大抄六蛋，五球係我入，

仲有一個係低能仔入既，

放學搭校車俾糯米糍屈我隻手指，

搞到我而家都仲痛緊，

真係痴線嫁！

今日上美勞堂勁玩，

老師叫我哋分組做一個時裝show，

先傾好邊個著件衫show俾大家睇，

我哋揀咗廖君恆(花名:屎忽痕)，

我哋諗咗勁耐，

突然俾我諗到俾佢著比堅尼泳衣，

低能仔仲係老師問佢做咩衫個陣講咗出來，

搞到全班笑到碌地，

而家諗起都幾好笑！

今日盧主任勁離譜，

佢扮野話唔記得咗，

搞到我哋堂體育堂變咗中文堂，

真仆街，搞到成堂聽佢講書，

勁悶！正仆街！