琴日五點幾先訓ge我,今日八點幾就醒左.

咁早起身係因為我約左d朋友去睇樓...

因為學校d宿舍唔係咁好,所以大家都諗住下年搬出黎住^^

約左一個朋友係樓下等, 一出到樓下...
哇~天朗氣清又有太陽,真知我就著少d衫啦
看到我朋友一身短褲,T-shirt打扮
我更加想上返去換衫,
咁當然最後我冇啦...
對住個太陽,著大褸的我開始覺得熱熱地~
就係我個短衫短褲ge朋友享受緊太陽ge熱情果陣
個天就突然落起大雨黎...過左陣仲落埋雪tim~
當我地係行人路邊等綠燈果陣,
我見到我朋友係雪雨交加的情況下,唔覺意表露左少少無奈ge表情...
見到佢比d雪同雨打落個臉度,又冇得避又冇得走果個樣
我都唔知笑定喊好~(哈哈...oh,我係笑左~)
當然我自己都係同一遭遇~

哈哈~
間唔中幽默一下個天的確係唔錯,
但係比個天幽默返轉頭果陣,我地又會唔會笑得出?

睇完樓之後我就返左屋企~
原本我應該去左我另外朋友個屋企幫佢裝隻game
但係等左lee位朋友成幾個鐘,佢都仲未得閒
打左陣機之後,我開始眼訓...
睇多陣劇之後,我就send左個短訊同我朋友講下次先...

訓完之後,
我突然有種憂鬱的感覺...
lee排時不時都會有lee種感覺
每次同朋友傾完計之後就會好番少少
我諗我需要ge係一個成日係我左右ge朋友吧...
有時我嚴重地覺得自己係咪一個冇咩交際能力ge人
定係我天生就比唔到咩好感人
一係就係我性格唔好,再唔係就係我個樣有問題~
如果唔係點解大家開學果陣都係三唔識七
但係過左一個學期大家就攬頭攬頸,
而我同大家ge交流仍然係好表面...
開口halo->食左飯未呀->好啦8~
某程度上我覺得lee d唔算係朋友,
只係一個我識ge人~
我唔係嚴我朋友少,
我朋友雖少
但係我覺得我交到我lee d朋友係我ge褔氣,
全都係不可多得ge朋友^^!
只係...佢地都係係我ge身邊姐~哈...

我其實唔係好想諗lee d野,我記得我以前唔係咁...
諗諗下其實我知到我ge問題所在,不過我唔想改姐~
哈~講到冇哂心情tim...留番下次講啦~