好耐冇黎打野~
開學後,
好多野都慢慢咁冇左接觸,
而接觸多左好多另外ge事物~
例如
開始每日都同朋友去subway食個包當午飯,
開始日日講普通話同英文,
開始狂睇電視劇同動畫,
開始唔知醒返學~~

開學後唔經唔覺都3個星期~
好多野都慢慢咁變得自然同平淡...
除左電視劇就黎睇哂同個太陽又唔浦頭之外
都冇咩唔開心~
我諗我就係因為咁而鐘意英國...
平平淡淡咁~

上個星期日去左朋友度食飯,
成班朋友開開心心咁一齊慶祝新年~
識左幾個新朋友,一齊係間屋度唱K
係lee幾個鐘入面,
我感受到第一次同朋友過新年ge感覺~

番到屋企後...
沖涼果陣,我開心過頭,
係浴室入面滑倒 = =''
係果一秒我本能反應捉住道門...
連門都拉爛左......(唔好笑...我條腰仲痛緊)

雖然係咁...但係都不減我愉快嘅心情^^

最近同d巴基朋友愈黎愈熟
其實應該叫非洲朋友,佢地係肯尼亞人~
佢地知我識朋友唔多
所以有一晚佢地主動介紹左d香港朋友比我識~
記得果陣10點幾我好眼訓...正準備訓覺果陣佢地就拍門
帶我出廳度介紹左幾個香港朋友比我識,
跟住陪佢地傾計傾到2,3點...
雖然我好眼訓,但係好多謝佢地ge心意^^

今日係JaM 例行會議...
有d意料之內ge失望~
我覺得自己係有d神經質,
但我覺得一個人做錯野係要認的...
如果做錯左野係會影響到其他人的話,
認錯之餘仲要同人講對唔住!
唔理lee個人之後改唔改過都好,
做錯野,唔講對唔住我覺得係一種唔負責任ge行為...
但係點都好...我會等到暑假先再做結論~
因為我朋友叫我點都唔好放棄住^^
希望到左暑假之後一切都會變好~~