| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2011 年 9 月 17 日 星期六  |
重點分享♥親身體驗♥找蔡太買矯型內衣點滴~內容如實報導,超詳細 (加馬太VS蔡太)  |
分類: 未分類 |
Yoyo減肥主要靠跑步及吃得清淡...
日子有功..現在可以算是有點成績了.
不過仍有某些部位置"不能見人"
有想過每日堅持做一位推拿,按摩的動作..希望可以推走脂肪~
不過Yoyo真的做不到每日就這樣坐著...
想想下不如就試下穿矯型肉衣吧,
看馬太!
說可以收拜拜肉.
修手臂.
修背脊厚厚的肉.
還可以豐胸呢 
不用每天跑到滿頭大汗!
不用像木頭人一樣呆坐!
就可以修身...整靚個身型出來~( 嘩,咁筍)
事不宜遲~即想網看看資料~
初步鎖定" 馬太 "
再聽聽朋友的意見.知道了有"蔡太"的存在.
" 馬太 " VS "蔡太
有了比較,就要花更多功夫去找多些資料...
或者你們會覺得Yoyo此舉好像很C奶..沒錯,有這想法是正確的!我就是C奶仔.
不過最重要的是!
信譽!
可信程度!
缺點!
優點!
找找找!
就等Yoyo來個小對比吧.
" 馬太 " VS "蔡太
Bodibra馬太
信譽! 我想不錯的,因為都有好多人都好評如潮
可信程度! 個個都讚好,我暫時找不到有說不好的.但是令我迷惑的是大部分都是BLOGGER的文呢...
缺點! 請真,我未試過搵馬太!所以我說不出效果是不是好.不過感覺好像商業味較重.
優點! 有好多BLOGGER都讚好,而且有圖有真相.最後就是信不信由你.
信譽! 因為有2位朋友早幾年已經開始穿蔡太的嬌型內衣了.
其中一位更是滿18歲時,佢媽媽就帶她去找蔡太.難怪她一D背肉都沒有了..拜拜肉都不見有..羨慕.
另一位密友早於一年前都找蔡太了,效果都十分滿意! (呢位朋友平時俾意見很緊的呢)
可信程度! 上網打蔡太,很多文章都出了,而且篇篇都是自費去買的.
缺點! 我想這人人都知的事,就排隊的問題啦,就是要排很長時間,甚至有SIS說要排3小時.
還有就是不顧你私隱,會拉開門布供大眾分享.
另外我有點不滿的是,她說話動作都很快.
優點! 有很多SIS跟好友都推,去到見到蔡太又真係有料到.
例如會即時係你面前度有幾吋..穿了之後又真係瘦了幾吋
----------------------------------------或者等我親身體驗,會一會蔡太------------------------------------------
Yoyo是閒日去的,, 大早就上去踢門.(都不早了,都已經是11:50AM)..
好野,我拎頭籌呀~(興奮中)
之後見到有2位SIS上來..佢地係立度見到門未開就直接落返去.因為果個位好焗,我都拿拿臨跟埋落去..
之後聽Sis講出去行5分鐘好返來啦..MISS左一個位就要等成一個鍾.
最重要係佢拎緊尋日既籌,
果位SIS仲話蔡太可以俾佢地呢張籌當1號籌.,那我的第1算什麼 ( 暈 )
聽完我梗係打死唔走啦,我要排第一,因為如果我MISS第一,我一定趕唔到下一個活動..
情況十分緊急...
我在管理員隔離一直等等...
等左15分鐘,仲未見人...算啦,上去焗算啦..上去啦...
等左10分鐘!!
終於見到蔡太----------------------------------------------既員工.
熱到身水身汗----------------------------------------------原來佢無鎖匙既...
我不知自己是熱到中暑暈定係嬲到暈.
好!正所謂好物難求麻...
一字之日
等!
等多5分鍾..聞名已久.久仰大名的蔡太大駕光臨了.( 抱歉,位置太焗了,我太激動了)
Yoyo獨白:其實我果日等既時間不算耐.相比起傳聞中等幾粒鐘,D人多到排出街,慶幸我沒遇到.
是日花費等的時間為20分鐘!
一入門,蔡太叫我地坐底.
跟住我用眼掃到有位姐姐..佢手上揑住張人手撕的,人手寫的 " 1 "
暈.那我光明正大拎到的" 1 "又算什麼???依家有3個" 1 "耶...
所以呢一點我是覺得安排很不妥當.
幸好,那位過期" 1 "未到,而當時現場只有我跟手寫" 1 ",另加一位姐姐..3個,同時進3個試身室.
所以我就不打算追究了.總之唔好令我遲到就OK.
Let Go!
跟住就入房啦,,放心!係一人安置一間!
呢個時候,蔡太就叫我地除晒D衫~我上身除淨BRABRA~係度猶豫~到底係咪係除晒呢..
之後伸個頭出去,問蔡太我咁樣出來得唔得(戰戰兢兢地問)
哈哈~原來係我白痴左呀.都無人講過要上身全祼呀..自己嚇自己 (汗)
之後蔡太叫埋左右2位姐姐出來..(當中一位是人手"1"姐姐)
叫佢地睇住佢度我既手臂.胸圍.好似仲有賻頭..
佢度完得我地睇個數...
蔡太講野好快呀...我完全記唔到呀 (狂叫)
到依家我只係記得當時度左
未穿矯型內衣前手臂係12寸!
跟住就叫我入去,佢就問我張咩色咩款..都唔問我要咩價錢.
就自行幫我縫左個bra啦...(牛底中..如果個bra成幾百..我會好心痛)
不過蔡太蠻厲害的.即時可以縫好個位..
因為Yoyo腋下既位置D位已經跑晒出來..其實有更多問題,不過蔡太真係講野太快啦..
我聽完,咩都唔記得啦..
跟住叫我穿上佢縫好既..但都係不太貼伏..蔡太建議加個扣..
呢個蔡太有講幾錢啦,不過又係太快啦,我聽唔到囉.
跟住由於Yoyo有高低膊問題~
蔡太建議加條橋...防止D BRA帶成日滑下..當時我對咩扣,橋..咩都唔知..
跟住好笑在後頭.呢個等俾錢再講.
穿好晒..蔡太會親自幫我著上去..
係間房度,蔡太係會見到我上身全祼的喔.怕醜的SIS要有臉紅的準備.
見D位完全係OK晒,再問我會唔會唔舒服之類..
一切OK~又要我出來...再當大家面,再度 過.. 好彩有件BRA著住~
未穿矯型內衣前手臂係12寸!
已穿矯型內衣前手臂係9.2寸!
不過後來有一樣覺得有D蝕左既,,就係我俾蔡太轉到眼花既時間都無去昅人地呀 (可怒)
剛剛說到發生左件"囉"爆既事.
就係我去俾錢時,咁件背心同埋個BRA我已經係著住嫁啦.
咁袋應該有我本身個舊BRA同埋一件新BRA~
我企係度係咁摷~
仲反轉埋個袋來睇,,都無蔡太講既"橋" 及"扣"!
我太  啦.. 最後面紅紅走去問蔡太..
蔡太當時真係忙到飛起...一邊幫人度身一邊縫線..
我真係覺得勁唔好意思呢..
不過我又好趕時間,唯有硬住去問.
更撒謊了:蔡太.呢6百幾係咪包埋果條橋同埋個扣啦?
蔡太頭都無轉向我.係呀,計埋啦.係你度嫁啦..
我呆係度更疑惑了,明明個袋咩都無~
呢個時候蔡太真係忍受唔到我咁 .
用手拉起我件衫~指俾我睇..
蔡太突然的舉動,真係嚇到我呆左..
一時接受唔到呢.跟住去埋洗手間就走啦..
最後的獨白:
Yoyo已經試用了23日,如果要睇效果相.講中我俾你睇,你都唔好信啦..
所以我打算著左3個月後先再SHOW俾大家睇下係咪真係有效.
而且3個月後我會再回去找蔡太"覆診".到時看看有咩再跟大家分享.
至於今次都有幾點值得 跟大家分享下:
服務: Yoyo覺得是毫無服務可言,有門開自己坐低.
佢會隨便拉開你既門布,
試身室內無按鐘,有野問自己拉開門布大聲問.
仲要係唔會即時回應你,等你係度納悶緊時,佢會突然問你咩事.(嚇死我啦)
仲有就係果件"囉"事.我搵唔到條"橋"同埋個"扣",D員工係唔會咩我搵緊咩.
最最大問題就是籌啦...有多個相同號碼出現,仲要係有"人手 1" "過期1"
好混亂~
舒適度:岩岩著果個星期,我會有少少唔慣.有食食野要哲扣出一格.
不過慢慢我又習慣了,依家日日著都好舒服,唔緊.我相信佢條橋同埋個扣發揮好大作用.
專業 : 我敢講蔡太真係好專業.好似當日我既問題~佢都可以即時度,即時改BRA..
又用手幫我較位.例如加扣加橋..呢2樣小法寶真係令我著得好舒服.
而且蔡太話,呢D矯型內衣最緊要著得舒服,因為要日日著住既,,
效果 : 真正既效果真的要等我著滿3個月先可以俾大家睇到.
不過依家著左,真係著個T 恤都靚D..
回點算,背真係無之前咁厚,而且我不耍有跌膊既煩惱啦.
唔著時拜拜肉我覺得依然在.但穿起背心同埋BRA,拜拜肉真係收左好多.
最重要時,蔡太講野好快呀..
|
| 2011 年 9 月 14 日 星期三 |
| ｡･ﾟ∼＊中秋節當晚~有豐富的住家晚餐 + 碎碎念＊･ﾟ･ |
分類: 未分類 |
中秋節過了...
上次說到中秋節整月餅~
可回顧:
中秋節真係好多野食,
不說不知原來一個冰皮月餅都已經有500卡路里~
真的不可睇小...
我不要命的鯨吞了好幾個.
唯有不斷安慰自己~現在來M中,食多點都不怕...(自我催眠中)
不過..大時大節放縱一下自己的胃口不錯呀...民以食為主呀麻~(大笑)
以下只是Yo媽煮的家常小菜...
沒有食評喔.
不過都是Yoyo愛吃的.
檯上放得滿滿的..
弟弟還開了香檳,紅酒...
我最愛的西蘭花炒肉片...
呢個例牌...大時大節必出現的甜棗芋頭~由於呢道太甜啦...我好少食,,,
自家潮州魚蛋"冬柯" (音)湯
燒雞
醬油豬肉雞蛋
呢條不知是什麼魚...
D肉好滑好香甜..
Yoyo是不食魚人..
但對呢條魚食得津津有味~(回味中)
新鮮大蝦 (至愛呀 )
食飽飽~媽媽就擺檯拜月娘了...(場面非常壯觀)
我們幾個就吃月餅~
你們呢?
當晚,玩得開心嗎?
食完月餅聊下天..就回家睡覺了...
中秋節,到處都有小孩提著燈籠周圍跑...
燈籠發出的音樂都十分悅耳~
感覺自己都回到童年了...
這個中秋雖然沒跟朋友去BBQ,玩通宵.
但只要跟家人吃餐住家飯.
跟張生一起..
就是最幸福最甜蜜的中秋節了.
如果有任何問題歡迎連絡我呀:
E-mail : [email protected]
 如果你覺得好請回覆,或者再幫yoyo推推好嗎?
|
| 2011 年 9 月 13 日 星期二 |
| 隨心而樂｡＊中秋節快樂(高叫)＊有sis收留呢2本雜誌嗎? |
分類: 未分類 |
中秋節快樂
最近常聽朋友說,現在的中秋節..對我們來說好像都沒以前那麼期待了.
到底是我們長大了,不用期待爸爸媽媽買燈籠,蠟燭給我們了.
所以中秋節不再是什麼值得期待了,我是這樣想的.
不過貪食的我怎會因為這小小的物質就忽視左呢個"大節"呢.
所以" 冰皮月餅 " 是我中秋節最期待的.
中秋節 = 冰皮月餅
而且我們潮州人視中秋節是一個大節呢~
又是食  民以食為主麻...哈哈
所以檯上放滿我喜歡食的
總是輕嘗幾口就放下筷子了.
好吧,美食文就等我下次出文介紹下 ...
今年Yoyo都有加入整." 冰皮月餅 " 喔..
由於今件只是學徒的身份,Yoyo只是從旁協助...
先來工具...
月餅模一個..仲有其他的,好似都有HOLLE KITTY~
粉一堆.
"冰皮"
綠豆容
這是什麼(驚訝)....我唔記得啦..
步驟: 就是將面團塞進月餅模內.
簡單不過了..Yoyo就是只做了這神聖的一步.
Yoyo自家"卑鄙月餅"出世了...
點解係卑鄙呢..
因為我什麼都沒做呀..只是做了一個那麼神聖的一步.
的確是有點卑鄙啦(很內疚的說)
------------------------------------別問我是誰!我是分隔線--------------------------------------------
早前人人都搶的雜誌~
哈哈~Yoyo經同事都買到了..
實物都好靚呀~
細節位都做得很好~這袋買得真對.
不過Yoyo發覺,因為這次雜誌送袋...好像令到平時有看這2本雜誌的人.有可能買不到了.
而且扔了就是怪可惜的.
想問問有沒有SIS想要呢~
Yoyo可以搬去MTR給你呢..(不過只限觀塘MTR喔).(因為太重了,說搬一點都不過份耶)
好啦...有好心的SIS肯收留就跟Yoyo說聲吧.
如果有任何問題歡迎連絡我呀:
E-mail : [email protected]
如果你覺得好請回覆,或者再幫yoyo推推好嗎?
|
| 2011 年 9 月 11 日 星期日 |
| 講真!呢排我過得好辛苦呀~幸好有些小方法令自己放鬆下來(驚叫:內含出浴照,性感厚唇) |
分類: 未分類 |
最呢排Yoyo心思重重...做什麼都提不起勁.
岩岩係FB見有個朋友仔話:
日日都唔知自己忙咩?
想做既又未做.
好快又到訓覺時間!
完全講中晒.即是俾個LIKE佢.
每日訓之前,Yoyo都問自己,其實今日我過得開心嗎?滿意嗎?
每日上班下班.
期待星期五的來臨.
因此星期五是最快樂的...
星期日又情緒低落,因為要迎接星期一.
星期一往往就是打工仔最討厭的日子,(狂點頭地說)
長嘆一聲~唉!!!(回氣極長)
或者好理所當然地請個假去旅行呀..短短地去個台灣都不錯喔.
不過請假去旅行.遞假紙並不容易呀.
我都想好似咩咩雲咁,想眼睛去旅行,就即時來個歐洲甜蜜之旅.
但我只是一個普通的打工仔.衣食住行.,樣樣都是錢呢.
而且要去旅行都要等天氣不熱才可以.(大熱天,我是絕不去旅行的,)
怨聲載道都沒用,因為工要照返,飯要照食..
再說下去,就快把這裡都散滿晒負能量了,
為了令自己開心點.都為了sis開心. (因為是敗家文呢,你們一定喜歡的)
我決定對自己好點,送給自己一部
超聲波負離子香薰加濕器LED夜光香薰機空氣淨化機
結合幾個賣點,,令我將佢敗回家了.
規格
電壓：100-240V, 50/60Hz (附220V香港區火牛)
低耗電量：最大8W
霧量調節：大/中/小/關
加濕度：每小時50-150ml (可連續使用6至8小時)
水缸容量：約100 ml
適用範圍：約300 sq. ft.
燈光：6種LED自動轉換燈光效果 (可獨立當夜燈使用)
尺寸：約10(W) x 20(H) cm
淨重：約0.6 kg
機身顏色：白色
時尚藝術性高科技設計，結合光、色、水，加上現代科技術
從水霧中透露出幻彩燈光點綴著現代家居，使你的生活更加多姿多彩。
超聲波霧化加濕，霧化細膩：將水霧擴散到空氣中，從而達到均勻加濕空氣的目的。
秋天來臨了，一定要保持室內空氣濕度.Yoyo以往每朝起身一定覺得塊面乾乾地.
現在開一整晚,由於能有效增加室內的空氣濕度第2日朝早上肌膚仍處於健康潤澤的環境。
更可以殺死空氣中懸浮的有害細菌，防止疾病傳播。
最讚的是 : 不會發生過熱情況, 確保安全可靠, 缺水自動停機功能,安全可靠,
開整晚都不怕.特別適合室內,睡房使用
完全是為Yoyo而設的麻...哈哈..
平平地,買返部放係屋企真係明智之舉!
這陣子情緒十分低落的我.突然收到SASA給我的試用活動
超開心呢~是一套澳洲天然護膚品牌Natio旅行套裝~
" 旅行 "是我正渴望的.(哈哈,又心思思想去旅行了)
最愛收到這窩心的小便條...超感動
Natio這品牌,說真的我並不熟.即時上Google查了些資料.
NATIO這個名字在拉丁文解作「起源」及「創造」的意思.
正能量呀,我需要正能量呀~我要創造出屬於自己喜歡的新生活~( 高聲叫中)
多謝SASA~讓我即時來個香 薰 護 膚 減 壓旅程:
先開了香薰機..放數滴香薰精華油在水面，
接上電源後，芳香的白霧隨之產生，有助鎮靜安神，紓緩精神疲勞及神經緊張。
配合精華油使用，效果更為顯著。
準備好一切後，就拿出ＳＡＳＡ送我呢套澳洲備受推崇的護膚及美容品牌。。
聽到個名都覺得跟我今日既旅程十分貼切呢。。。
純淨天然 ，實而不華，卓越品質 ，脫俗色彩 ，
香薰泡沫潔面膏
Gentle Foaming Facial Cleanser
蘊含可可巴、金盞花、乳木果油、檀香，不含皂性。
使用方法：取適量於肌膚上打圈按摩，再以清水洗淨。
用後感：泡沫屬於微泡的。但仍有效去除彩粧及面上污垢，
由於有檀香的味道。味道好舒服.有舒緩的感覺,
沖水洗淨後肌膚保持柔軟清新。
水療提神活力沐浴露
Spa Pep-Up Body Cleanser
蘊含有機認證植物成份如銀杏、薄荷、尤加利、檸檬草、羅勒等。
使用方法：取適量於微濕的身體上，輕輕按摩，再以清水沖洗。
清新香氣用後令肌膚提神振奮，活力充沛。
大家期待既出浴照....哈哈
以下有涉及兒童不宜的話面,請在家長陪同下收睇! (大笑)
唔
好
打
我
呀
!!!
用後感：泡沫啫喱配方，況沬都好濃密∼徹底清潔的同時，為肌膚帶來細滑舒適的觸感。
沖完涼走出浴室，。。提神既香味加上薄荷帶有冰涼觸感。。。身體及精神上如重新了似的。
包住浴巾走進房間，。香而不俗，迎鼻扑來。。
不自覺大口大口吸起來。整個人都即時放鬆下來~
接下做一些簡單的面部護理:
香薰滋潤日霜
Intensive Moisturising Day Cream
蘊含芝麻、杏子、花梨木。
使用方法：於潔膚及爽膚後，取適量塗於面上及頸上。
用後感：味道好清新。。整個人就是愉快的。。。
由於心情大好，我竟然擠多了份量出來。。
擦完面後一點都唔笠，有效滋潤保濕肌膚，修護疲倦及乾燥肌膚，更可作妝前底霜使用。
木瓜蜜糖潤唇霜
Paw Paw Lip Balm
蘊含木瓜精華，
用後感：Ｙｏｙｏ每次做完嘴唇磨沙都會厚厚地擦上一層唇膏∼
木瓜蜜糖潤唇霜有軟化角質及柔軟肌膚功效，難怪擦完咀咀即時柔軟不少。
而且蜜糖及荷荷芭油則能進一步滋潤我咀咀肌膚，
香甜的蜂蠟及可可油分別有抗菌及抗氧化功效，用後嬌唇時刻感到甜蜜潤澤。
Ｙｏｙｏ用完。。輕0都小嘴十分性感呢。（呢Ｄ不容流出，會俾男朋責怪的）
最後當然不可忽略手部護理。。。。。。。女人第２張瞼呢。。。
水療潤手霜
Spa Heavenly Hand Cream
蘊含有機認證植物蘆薈及人蔘，
使用方法：可隨時隨地按需要塗於雙手，輕輕按摩至完全吸收。
用後感：質地潤而不膩，用後令雙手回復柔嫩白滑，
水療潤手霜有高效柔軟雙手肌膚，手手即時柔軟了許多，用後令雙手回復柔嫩白滑，
Ｙｏｙｏ由於有ＧＥＬ因習慣。
所以指甲邊緣都照顧了，可以強化指甲並軟化指甲邊緣，指甲健康有光澤。
日晚及每次洗完手都擦一次。更可預防手部肌膚衰老。
不出門都可以令身心都放鬆下來..猶如去旅行回來~
都市人..特別是香港人.每日都好似衝刺咁生活,早上搭地鐵轉車時就是一個忙碌都市人的寫照.
每次轉車每一卡車廂都總是有一大堆人連人家未走出車廂就佔據了出口.
又或者是明明已很多人了,門都關上了一大半,
仍有人不畏人家的冷眼相待,甚至是危險都要把自己像沙丁魚給貼上去.
趕時間,為討兩餐,不甘示弱!
真的不知道~但每次見到呢個畫面.
又或者某一日我都成為其中一份子.
心裡都感到很不舒服~
壓力超大呢.
既然一定生活在這座繁忙的城市,就要懂得令自己舒壓.
平時可以用一些純淨天然 的護膚品,
如NATIO以草本萃取物及精華油爲主要元素,為回家後將辛勞的身軀給打打氣.。
我好欣賞NATIO的實而不華的包裝,感覺踏實誠懇,而且產品價錢合理。
屬百分百澳洲出品的NATIO，原來更擁有源遠流長的歷史和經驗、先進的科技以及力求完美的精神。
產品亦無任何動物成份。對自然美態的完美追求.用得更加放心.
感謝
SASA & NATIO
提供今次試用..
如果有任何問題歡迎連絡我呀:
E-mail : [email protected]
如果你覺得好請回覆,或者再幫yoyo推推好嗎?
|
| 2011 年 9 月 8 日 星期四 |
| 超方便!超慳時!超簡單! ＊Yoyo教你用5分鐘捲個好有氣質既"梨花頭"行出街＊ |
分類: 未分類 |
成日見D美女捲左個好有氣質既"梨花頭"行出街...
仲要俾我見到,真係美得令人羨慕, 總會心思思自己都想整!
由開始試粗粗的捲髮棒,卓記買了捲髮器,網絡人氣豬腸捲髮繩!
Yoyo都一一失敗了!
是笨是不適合...真的不知道了.
後來Yoyo研究了"髮尾內捲"
加上幾位美女Blogger要求Yoyo出篇教學文,(真的只是分享而已,談不上教)
Yoyo用左7日時間打左呢篇文:
嘿!超方便!超慳時!超簡單!
Yoyo教你用5分鐘捲個好有氣質既"梨花頭"行出街
就等Yoyo教大家一款會讓自身魅力提升不少的髮形。
呢款髮型,既能巧妙修飾臉型、遮掩年輕，可謂一舉兩得。
先獻醜了...早上SIS起身時..頭髮會唔會好似Yoyo咁呢?
完全是獅子頭好不好.
有個秘密不知說不說好!
Yoyo有時半夜會嚇醒左.
因為Yoyo將個頭係咁鑽個枕頭.係咁鑽!鑽到嚇醒左呢...(好恐怖地說)
獅子頭可能就是這樣形成!
SIS有留到到嗎?Yoyo是有前溜海的(即前陰啦)
早上一起身都一樣起飛了...但為什麼又可以貼伏下來呢?
唉!這根本就是一個爆炸的獅子頭好不好!(沒法了)
先俾甜頭大家!以下是一張前後的對比照.
又嗌下口號先:
超方便!超慳時!超簡單!
你地唔會唔想學掛?
要有時刻展現出絕佳的時髦氣質~
擁有在VIVI雜誌中見到的甜美梨花頭。
你只需以下4件!!
由左至右
迷你負離子夾!
修護定型噴霧劑!( 個名我亂作,不過是真的有修護定型的功效的)
鹽水(頭髮扁塌的Yoyo最需要 )
定型噴霧 (一日24小時屹立不倒)
第一步驟:吹返個型返來!
有自知自明..一起身好似打完風咁既頭就要用風筒( 較熱吹一吹)
吹一吹後個型即刻返晒來...
第二步驟 : 塑造出別緻的空氣感髮型。
(咩水都得,水喉水得!滾水一定唔得!除非你傻左)先用水濕左髮頂,真係要好濕果種!
再噴三下鹽水 (髮型C話yoyo既髮量都屬多既)
所以髮量比較少既SIS可以噴少一下喔.
第三步驟 :等佢熱.
噴完就可以開左個迷你直髮夾.
第四步驟:修護加定型...
每邊噴上3下...動作快D都只需10秒.
呢個時候,你去換衫!
換完衫~
迷你直髮夾都已經熱了..,
大概一邊3捲就可以了。
用迷你直髮夾由上至下拉下至髮尾，2CM的位置就垂直內捲!
就可以輕鬆打造內捲髮尾！喜歡劉海蓬鬆點，也可以在劉海上輕輕內捲.記得動作要快!
記住要垂直內捲.
不能斜捲,不能外捲!
這已是80%完成進度~就咁收工當然是很不美.
SIS有無留意Yoyo既發髮型非常有層次!
內捲左後充滿層次動感，
所以話找一個好的髮型師剪好頭髮是很重要的
剛剛捲好了的一大半,但由於Yoyo既髮形太有層次啦.
仍有零散的起飛了,
所以頭髮下部需做些隨意的捲發處理，
使層次更豐富飽滿。女性的率性盡顯其中，個性張顯，
頂部以直發來展現秀發的柔順與光澤，映襯蓬鬆而又圓潤的微捲髮尾，
不那麼厚重的齊劉海梨花頭更適合大臉型的Yoyo，
通過層次的打造來達到修飾臉型的作用。
先來張Yoyo好少會出現的四眼妹~
是不是有點日本妹既感覺 (錯覺啦.完成是扮出來的.)
打造溫柔乖巧的造型。勉強過得去吧. (要求好低說)
這種髮尾內捲大受歡迎是因為此款髮型幾乎適合所有臉型，
並能對臉型起到很好的修飾效果。
髮尾幾個內卷就可更加嫵媚、更加女人味了。
灰褐色的染髮更是非常完美。
SIS快D拎起你地屋企果支直髮夾試下啦~
|
« | 34 | 35 | 36 | 37 | 38 | 39 | 40 | 41 | 42 | 43 | ... | 48 | »
|
