唉∼晨早流流１０點幾要過大埔大元個邊，上炷俾香俾阿爺．．．１０點幾要起身，對幾個月輕易已舉，而家就難度如果係５星爆燈，我俾３粒星。
上完香，就去左翠屏樓下間茶餐廳食野，食完就搭巴士過火車站，同阿爸分道揚鑣嚕．．．
過到粉名，等完丹丹，就去蓬瀛出面個巴士站等２７３Ａ返屋企拎波。等等下，咪啦啦靠住條石柱有隻蟻爬上黎我隻手度．．．紅紅地色，又咁鬼死大隻，真係食完野仲未飽都俾隻野嚇餐飽＝＝
拎完波，過石場搵肥幫。叫佢食野，點知佢又食完。咁剩得我同丹丹過特適食。
食完野又係匿區場打波．．．唉∼好攰好攰，唔想打波啦∼
唔打波後，同丹丹行路行到去昌盛．．．佢話要係個公園仔到等ＷＨＩＳＫＹ落黎－口－唉∼又唔單聲又唔通知，估唔到丹丹話佢同ＷＨＩＳＫＹ心靈相通，過一陣ＷＨＩＳＫＹ就會落去－０－太．．癡人說夢了吧？等中，丹丹就係咁同葉敏傾電話．．．咩我咁ｇｅ樣，係情場路上ｇｅ結果只係會得３個字：食煎堆？？
５點幾左右，因為要剪髮ｇｅ問題，所以臨走前唔話因為剪髮走，罵丹丹唔好黎昌盛，去天平好過．．．之後扮好火咁走（最鍾意咁，唔講原因就走∼哈哈∼）
行到花都ｍ記，見到阿哥係度，入去同阿哥嗲幾句計。傾傾下，６點３嚕∼臨走時阿哥叫我買定野食野飲返屋企，準備９：００睇ａｃ．．．
係彩屏個處某某ｈａｉｒ ｓａｌｏｎ剪髮．．．唉∼剪到個頭勁柒，無面見人∼０∼ |
