中午跟老竇去街市食野...食完野肥幫叫我去520問士頭婆攞錢去龍琛「交數」...去到520,士頭婆都無黎,舖都未開...打到肥幫又叫我等...等?凳仔都俾阿公阿婆搶哂,企係度等?傻啦!!周街行下算...係學榮睇書,見到「偵探學院Q」,就順手買左兩期黎睇...不過,又真係幾好睇wo...無買錯無買錯...

  「交數」呢個任務完結左之後,我又變得無所事事...匿係屋企睇電視過活...巴塞場波今日終於要打嚕~嬴4:0...讓左啦睇個衰樣...換咁多後備出黎...Deco同Messi又無黎...唔係一對真正ge巴塞就真係會出現係大球場度,我地亦都會有眼福...

  巴塞場波完左,就轉返去睇女排...唉~中國終於第5局輸15:10...輸俾波蘭...有d失望...

  睇完電視就周圍遊...無聊走左去激戰打機...順便打返八月十日同今日個blog都好...係屋企根本上唔到qooza,無機會打...搞到要去激戰先打到...唉~煩~

  今日我地所居住ge香港遭受到一個颱風...令到永遠身肩神聖ge任務的天文台終於都發大一個令人震撼ge八號風球...但係,我又感受唔到d咩wo??還記得,有一次,全香港都勁大風...我都嚇到淆底係屋企「長眠」...但係,個次無八號風球,今次有?次次天文台剩睇市區狀況,我地新界呢面雖然無尖咀、中環個d咁「市區」,但係都好似無顧我地咁...當我地呢邊係咩?荒島??

  八號風球大哂~人地巴塞係大球場對觀瀾湖邀請隊都俾你延一日期,係紅館ge世界女排大獎賽都俾你搞到唔俾人入...打波又唔得,咩都唔得...八號風球主宰我地日常生活mode啦~「風球一出,誰與爭鋒」??

  無波打,自然就悶到作嘔...跟肥幫肥承係肥堅屋企玩左陣...肥堅要走人,我地又係樓下係度打排球...唉唉~天氣一唔好,生活都唔好...