今次終於比琴日早返五分鍾返黎school join個英文奮進班...一返到黎,俾阿J問我食唔食菠蘿波...我知佢想好似星期日比賽個日咁玩野,所以我就唔食,發哂顛咁款...
上上下奮進個時,miss話要去廁所...我就衝左去門口幫miss開門,好似做緊waiter咁款...俾人話我入奮進班係唔係想係miss面前博好感=.=咁miss隻腳行動不便,幫下人都好應該姐...雖然我知我個樣笑騎騎,好似d傻仔/玩野d人咁...
miss一叫落堂,我就第一個落跑...嘉榮叫我等佢我都無理佢...因為我對田家炳ge所以人都無好感(除男排之外),所以都係快d離開呢個「失樂園」先....
一返到屋企,魚麟就問我去唔去游水...我為左節省用錢問題,都係唔去嚕~
丹丹問我去唔去打波,我話去,之後就係吉野家度等...今次我費時要佢等,所以都係我早d去,試下等人ge滋味係點...其實真係唔多好受ge...下次都係唔等丹丹電話,早小小落黎算...
打波打到3點,丹丹就話去我屋企...所以,佢就買埋d M記黎我home...本來諗住無人,點知zero係度睇緊harry potter...但係都無阻食野心情...同娘親講肚餓,所以娘親就炒飯俾我食...大碗程度,丹丹見到都啞左...本來我諗住自己一個ko去,點知食食下唔知咩事,食到右頸側勁痛,食唔落...丹丹又話俾佢試食,佢話好食而又想食,咁就差唔多半碗都比左佢食...食完野,zero睇完harry potter出黎,係度狂叫d咒語名,但係一見到丹丹即刻收細左聲...其實都好正常ge~無啦啦有個陌生人係屋企,俾人見到自己係度發顛,唔收返d態度至奇....
食完野又晾埋衫,就繼續同丹丹去區場打波...雖然係剩射波,但係可以射到自己右腳大脾d筋痛,我都第一次...但係都無咩野,隱隱作痛咁解姐,仲頂得住...練射罰波,發現原來自己罰球命中率都有七成左右...但係我仲未可以滿足!!七成係最低限度~我要有九成...
夜晚俾老豆叫出去買野飲...我買完支cream soda後,順便買碗油渣麵俾自己都好...估唔到個賣油渣麵個兩公婆ge婆仲記得我...問我:「你個朋友(即魚麟)呢?唔陪你ge?」
返到屋企俾支cream soda老豆,點知d野就無啦啦爆JAM,漏哂M咁...俾老豆怒睥-口-我都唔想架~鬼知支野係咁咩!! |
