琴日訓教唔知做咩...係張床訓足兩粒鍾都訓唔著...俾溫明話我有「紅眼症」...
搭緊278x ge時候,大家ge情況就係...溫明:「無論大與小,打機最緊要~」個個都係玩NDS,仲要係孖寶賽車...孖寶果然受歡迎啊...
到左林士德...我地係後一場打,所以睇住前一場:青華vs仁青個場先...個個勁到想死...如果俾著我係攔網ge人,俾人一野扣落黎,我實俾人爆手...
到左我地個場...直落兩局輸哂...算啦~都係吸取經驗姐...但係,我連我地輸左俾邊隊都唔知wo...
打完,快快腳同丫幫搭車去大圍火車站轉車返去嚕~
去到御庭同丹丹會合,就搭55k返屋企換返衫先...
換完衫,就同丹丹、魚麟、葉敏同埋三個心誠ge朋友們去左元朗睇戲---哈利波特5~
去到買票,葉敏同佢個fd唔睇,就去左行街...真係唔合群...
哈哈~哈利波特5全場d CG點勁點power,我都係覺得個張秋同哈利嘴嘴個度最正...
睇完戲,就搭車返上水火車站...大家亦都係各自say掰掰嚕~
係屋企,我諗起今日場比賽,就諗起阿J,諗起阿J,就諗起英文奮進班,諗起奮進,就諗起自己,諗起自己,就諗起1E班人點對我ge情況...
一次薯片一事,我一塊都未食,成村人就狂搶,搶到我差d可能連一塊都未食到就無哂...唔好怪我小器...有無諗起自己點...試下你變成我,我睇下你火唔火...?
最後一次去雍盛打波,我、溫明、蔥頭、徐偉杰坐低傾計,蔡婉珊就話我地係度聚舊咩...我問溫明知唔知惠州班6A同學諗住幾時聚舊,個蔡婉珊就大聲夾惡罵我:「又唔係同你講!!」我家陣都唔係同你講啦~我就最憎就係咁...
母親節係雍盛打波,我同溫明猜波...係~我接唔到個波係我廢...但係個波彈到蔡婉珊妳地度,妳就罵我死仆街...有無理過我感受丫?我知你地玩緊電話,但係都唔駛咁罵我丫...?之後我傷心得濟,妳地話玩數字球...我粒聲唔出就走,除左因為我好失落之外,最主要係我要去大埔同成班親戚食晚飯丫~之後仲要問返我轉頭做咩,邊個罵我死仆街...唉~我覺得自己完全得唔到一個同學應有ge尊重...罵完我可以唔知,如果句野唔係妳講我都算,但係句野係出自妳把口個度,點可能會唔知呢?我個晚就自己一個係梳化偷偷地喊...但係妳地就意為我小器...
班排個日,係,我承認係我無黎我唔岩...但係我當初有說過我會打嗎!?我係雍盛同李素秋講得好清楚,「我唔打班排!」我講野句句講真,無講笑...我無去打班排而去左聯和墟同丹丹打籃球...個晚我係msn,溫明同我講何詠琳話我:「so子連打排球ge勇氣都無...」跟住又要成班話我淆底獸...之後我係何詠琳個xanga見到一句:「個個人好唔負任...張表寫左佢名又唔黎...」個晚我好似母親節咁,自己偷偷地匿埋咁喊左一陣...我唔打,有三個原因:一,我唔想同徐偉杰同位,而且你地都話我弱過徐偉杰,後排大鎚我無得殺波,接一傳,就連許智恒都勁過我,無位岩我打,我黎做咩?二,我無講過話自己想打...我問蔡繩珊有邊個人打都係想八卦下...三,因為溫明唔係度,無左個想打倒ge敵人,1A我本來諗得班人都嬴到,點知會搞成咁?而且,怕且妳地嬴左,都唔會話我淆底啦!!丫幫今日同我搭火車個時講:「班女實力真係唔得...同佢地打根本都唔知打咩...叫我set波又唔俾波我...」對人唔對事,我睇通透啦!! |
