今日又累又開心!何出此言?講起黎一x(唔識打嗰只字,你咁聰明實諗到咩字既)布咁長...

一早,估唔到訓晏咗,琴晚咁早覺覺都訓晏咗,一定係某某人激親,害我訓都訓得唔安樂,

竟然同我講埋d咁既嘢,所以琴晚係無乜心情既..

今朝喺最後既一分鐘內想喺巴士站跑返學校,原來一分鐘跑唔到咖...

我足足遲咗三分鐘,希望學校大人有大量,千奇無記我呀,好累,一早就跑步,而且依然覺得唔舒服!

一返到班房,原來阿sir已經講緊書喇!但我都無乜點聽,因為好似唔係好有用咁既嘢,之後又掉轉頭同

佢地三個傻瓜間唔中就傾兩句...好唔容易捱到落堂,

蚊琪喺次所度傾電話,聽到佢同屋企人傾計嗰陣嗰種話,唔知點解覺得好得意,好可愛又好笑!!

暫時將某個人既說話抛開,攞返個平穩既心情...一等溫琪傾完電話,我就即刻喺度笑佢,

呢排溫琪好似好傻瓜呀,成日都俾我笑既,而且我地兩個又成日都做埋d鬼馬騎呢既舉動,

跟住佢多我都騎呢咗添,而且又成日都學埋陽陽d傻瓜打招呼方法,每次同肥溫琪都約定咗,

每次一見到陽陽.溫琪就要講:"yo"我就講:"baby"

雖然好似好傻,但卻好開心既打招呼方式,仲記得某次喺圖書館度做呢個動作,嚇到老陽陽彈開咗幾十步之遠...

可能佢以為我地要打佢,所以真係覺得好好笑,之後每次用呢種打招呼方式,佢都好似被嚇一嚇...好好笑呀!!

放學lu...就date咗頭先嗰兩位傻瓜仲有芷凝去吃m記,因為想換十二生肖既公仔...

之後.....買咗一個唔係咁好味既餐,因為d咖哩雞有點兒似shit..呵呵....

吃完了,就同芷凝分別,我地三個就去買揮春lu....都係想將班房佈置得更有春節feel...

中間既一段小插曲,老陽陽找次所既一件趣事,哈哈,笑到肚仔痛...

行左好耐...有點累了....呢排身體太差,行一陣就累,唔知咩事..煩...一定係少左運動喇!

終於買到我地想要既嘢,蚊琪就要走了,

剩返我同陽陽,繼續我地既行情,因為印象中佢係欠我一餐飯,所以諗住要今日解決,

但又未夠鐘吃晚飯,就走咗去行街街,

首先去咗朗豪坊,好耐都無黎過喇,行到去嗰間久別重逄既公仔店,

好多好得意好好攬好好抱好好摸既公仔...嗰陣有一種感覺,如果間店係我既就好lu..

最後好唔捨得咁走咗,之後又喺嗰度望到好多好有趣既嘢,

路名,街名:'蘭士趌路" "正茂里" "小狗里" 一開始我都唔明,但經老陽陽解釋之後,終於明白了,原來陽陽腦中都識好多呢d咁既知識既,難怪佢會咁清楚喇....哈哈....

之後又走咗去新之城,又見到好多自己想買但又買唔到既嘢,手錶,帽,銀包....唉....

行完新之城對腳已經快攰瓜了....

最後又去行埋潮特,我已經無晒力喇....最後聽到一個好好既提意,去m記坐坐...

吃埋杯sunday....坐嗰陣好似唔攰,但一起身走時竟然腳軟...too cheap...未走先衰了....

原本去吃火鍋,但孤令令兩個人太寂寞了,最後決定走吃其他.火鍋要留返下次約埋溫琪再一齊去吃,多個人會熱鬧小小嘛...

最近成日傾電話,小倫子又日日打黎,次次都幾乎傾過半鐘,擔心d電話費添....

吃完米線就返屋企lu...吃嗰陣撞到朱妹,驚....(奇怪,點解要驚呀?)

返屋企嗰陣,好辛苦呢...對腳好似就黎要失去知覺了....

但一日咁快又過完喇....有點兒唔捨得,可唔可以從頭黎過???

返到屋企忘記咗要多謝老陽陽今日送既三支筆仲有一包綿花糖,仲有我最愛既柑桔糖(但佢keep)...算了...嘻嘻....

總之,今天很開心,很快樂.....

咁樣既日子快不多了...

原來...老陽陽係d咁既人...會睇埋d pk嘢...睇錯左佢了,仲以為佢好純情...而且仲成日爆粗口呢!!!睇黎要對你另眼相看了!!!

今日cherry終於都搵我了...好耐無同佢傾電話喇...佢就過得唔錯咗...成日都同"xo"一齊...!

我呢仲俾某某人激...同人唔同命囉....唉....

溫琪最近傻傻瓜瓜咁真係好鬼可愛呀!!!

ai si de ru...日文