嗯嗯!!我覺得今日過得好開心呀?為什麼?

等我回憶下先,琴日上miss joines...但唔知點解,嗰日好怪,好似好傻瓜咁啊,成日都喺度發夢,

聽唔明白miss joines問咩問題講乜嘢,明知我電腦好差咖嘛,但就俾老陽陽搶尽風頭,唉...

too cheap...之後幸好以我既聰明才智,又點會回答唔到miss joines d問題呀?豬頭老陽陽.

你個反骨仔,話明一齊唔溫咖嘛,但你竟然背到熟一熟...可惡....我會記住你咖!!!

但嗰日真係好怪,又攰,一返到屋企就即訓...涼都唔沖,頭都唔洗,(唔準話我污捽捽啊!)

之後到今日既凌晨三點二,去左開水沖涼,但當我行去浴室果一刻,我諗起由我睇過咁多恐怖片以

黎最恐怖既一套恐怖片,<凌晨三點三>!仲記得嗰陣嚇到我連續一個星期唔夠膽一個人去厠所,

同埋訓唔著,之後當分針會到三字既時候,我又衝返間房,續續瞓..直至凌晨六點鐘....起床沖白白

lu....勁舒服...無奈頭發等極都唔干,梗硬札起,老咗實頭痛喇!!但今日唔知點解過得特別開心,

雖然差d遲到,又凍,著得又小衫,我隔離果位竟然攞住件jacket唔著又唔借俾人,最後我以我既暴力

搶到佢件jacket黎著....雖然暖左小小,但依然好凍...好陰公呀!之後好好笑,數學堂前我走過去同肥

溫琪傾計,點知朱妹同money又走埋黎偷聽,可惡,以後我同肥溫琪無秘密可言咖喇!!!之后money仲講

咗d令我意想不到既嘢,搞到我即刻上前去打佢,好可惡呀....救命....因為呢d嘢根本就係無可能的嘛!!

之後今日就成日都同肥溫琪一齊喺度串肥豬,因為琴日pe堂佢以暴力去踢個ball...之后個ball就好無情

咁將一盘好可愛又美麗既花朵折斷咗...之後阿姨仲大鬧邊條粉腸咁殘忍....將盘花咁虐待法!!!

嘻..好好笑...

放咗學之後,就同肥溫琪同埋老陽陽一齊走,之後就一直同老陽陽行返去油麻地嗰邊,

原本我諗住自己一個人好孤單咁行去圖書館還書咖,好彩有老陽陽陪姐,嘻嘻...

省咗車錢之餘又唔會寂寞,呢種一路傾計一路行返屋企既感覺,好耐都無試過lu...

老陽陽,多謝你今日陪我行呀,又勾返我一d既回憶...

我記得中四嗰陣唔想搭車就一個人行嗰條路,同樣既一條路却有唔同既感覺,

之前係一邊聽mp3一邊自己一個行,感覺就好似劉若英入面既一首歌<一輩子孤單>咁樣!!!

覺得條路好長好長,好似永遠都行唔完咁,并且好留意周圍既事物,發覺每個人身邊都有一個談話對像,

而我就只得自己一個孤令令,但係今日,我唔再係咁,有人陪我走返屋企....

所以我唔再係自己孤令令一人喇!!!