我唔似某D人咁,文采勁,可以寫出一遍既感動人又係肺腑之言既感謝說話....

但我真係好多謝好多謝宜家呢一刻既所有人,

我從來都無試過咁既感覺,可能係因為自己曾經失去過,

所以覺得特別珍貴,

好耐之前,SOSO同菲林時時刻刻都會搵我,我唔會悶..

唔會驚一個人....因為小學時代我有距地兩個....

上咗中學,我擔心既并唔係識唔到朋友,

只係擔心嗰間學校D人好唔好,依話我會唔會咩都唔識俾人笑,

就係擔心呢樣又擔心嗰樣,最後卻比我撞返一個老朋友,

開始嗰陣确實係同距幾FD...因為大家都係由同一間小學升上黎,

但我從來都無諗過朋友既背叛原來係咁痛苦,

就係咁,我試過我一生人之中第一次俾朋友背叛既心情,

嗰陣時我痛恨佢,仲有一種想殺死佢既心情,

之後秋霞既出現改變咗我既心情,

佢唔會背叛我,而且對我好好,或者我就係咁傻傻瓜瓜對過佢好但我自己又唔知道....

佢身邊朋友都唔多,有都係一D唔太好既朋友仔,

可能係因為佢有好多嘢都唔明白,頭腦永遠都係俾人遲一步...所以好朋友唔多...

又或者我地都有同樣既經历,同樣都被朋友背叛過......

所以我地做到好朋友,好到無所不談,

佢嗰種黏人既性格都唔知係好定壞,'

我去到邊佢就黏到邊,雖然有陣時都會覺得煩,但再諗深一層,

其實我好幸福,因為我有一個黏實我唔放既好朋友...

落左黎香港之後,人生既好多第一次喺嗰陣時發生,

第一次煩惱無朋友,第一次煩惱吃飯無人陪,第一次煩惱出街唔識路....

之後朱妹既出現以為會好D...但係...性格始終有點兒不合,

佢太活潑,而我就......

最後都係同左CHERRY一齊,但每日同佢一齊,

話題只有一個..就係圍住"XO"不停不停咁講...

無論返學定放學,吃飯定行街...都係"XO"

其實我好偑服佢嗰種執著,算係我有生以黎遇到過最執著既人吧!!

中三嗰陣班房入面無一個比較要好既朋友,

即使有朋友都係性格不合,

就咁,我試咗第一次,第一次喺香港拍拖既感覺,

同以前唯一唔同既係,多左活動...可以一齊去樂園,

一齊睇戲,一齊溜冰....收集咗好多回憶!!!

中四時期,同玲最要好,但可惜我地永遠只係兩人一齊,

出街,吃飯,傾電話除咗佢我唔知仲可以搵邊個...

最後一場大病之後,我既一切好似已經變咗...

分手既分手,誤會既誤會,失去既失去!!!

就咁,曾經擁有既嘢一下子失去咗,

又係一段難捱既時期,

我記得小光子喺嗰陣時都陪咗我捱過好多時間,

但始終我地都係相隔兩地,安慰到既只係泠冰冰既字....而唔係佢把聲,都唔係佢可以俾到任何人安全感既一對手!

最後因肥溫琪既一個MESSAGE:"恩宜,放心喇,唔係得你一個咖,仲有我呢,如果無聊時,就來我班找我吧!"

呢個MESSAGE決定咗我高中生活既轉捩點!!!

決定咗掉班,之後既感覺唔再孤獨,因為我身邊時時刻刻都有兩個傻瓜陪住我,

雖然同佢地一齊成日都會做埋D小朋友先會做既嘢,

或者就係呢份幼稚使我更無憂...

再都無排斥,唔會再擔心無朋友,

朋友入面,都會有無時無刻都只會串我既肥JAMES.

雖然唔算太好,但卻係我第一個喺丙班同我傾計既男性朋友仔!

宜家我既朋友連絡人嗰度既名越黎越多了!

上年最多謝既人係溫琪,而今年...

最多謝既人係你...

一個陪我行回家既人!

今日好無聊呀,講埋D咁既嘢!!!