THE BROTHER's

aBBE@_@

唔使急,但最緊要快!!
唔使贏,但最緊要唔好輸!!

暱稱： Abbe@_@ 性別： 女 國家： 香港 msn: ##msn##

MORE...

«‹ June 2026 ›»
S	M	T	W	T	F	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

:: 最新日誌 ::

•	http://www.xanga.com...
•	be yourself?
•	咋病
•	可唔可以有新野玩?
•	開心既時間過得特別快...

:: 流口水 ::

:: 友仔日記 ::

• 龍協 • Macy • mY FUXKing xAnGa • 大佬黑 • 水晶媽媽 • 白痴※aLBum※白痴 • 芳芳 • 阿嫂 • 拿鐵 • 拿鐵blog

尋日同Latte佢地一行6人,加埋我同大孖一行8人去睇Eason個唱
果然HK400係有D料到呀~從未試過睇演唱會係睇唔到上面個電視架!!
而且,Eason起碼有一隻手咁大,仲睇到眼耳口鼻天呀!!
雖然佢今場d衫係咁遮晒佢塊面...(D衫係佢老婆design架,可能驚佢比人睇蝕,哈...)
好睇!正!我深信個個觀眾都覺得好正(除左我地前後排個咋老人痴呆之外...完全無反應,痴線!)
因為完左場之後,個個都賴死唔走,駁有安可~
就連燈都開晒,個把聲係咁話今日既xxx已經完滿結束都好
觀眾們依然唔肯走,係度鼓譟一番,哈,好爆~

尋晚睇得好HAPPY呀~我地癲叫狂叫,yoyo~
不過周圍D痴呆都好靜,好驚...我同Latte同大佬曾經一度企左起身
但由於呢個附近群眾大靜,實在有些少慄,哈...都係坐返低!!bad...
好開心!!Esaon有唱到"黑夜不再來"呢首歌,我實在冧爆
聽到"傷信"個陣,真係想流出一滴眼淚呀
仲有仲有"忘記歌詞",呢首歌比我有太多回憶喇...
不過最唔好係D音響唔係太好,Eason把聲好散
尤其唱快歌或者背景音樂稍勁既歌,真係有D唔知佢唱乜...
但係真係好好睇!!!

weekend咁就過左,都無咩野做過
就連龍舟隊開操都無去,實在係作死!!
尋晚一大棚姑媽入來打邊爐,好耐無試過同佢地食飯
尤其是係三個姑媽,雖然以前係有D唔鐘意佢地
但係咁多年既相處,尋日見返都真係有D開心,哈...
久違了既佢地變左唔少,當然我都變左唔少
一大棚親戚,話題總係離唔開男婚女嫁
真係煩得可以...
究竟幾時佢地先可以唔再問我呢個咁無聊既問題
其實大家都心照啦,又何苦要畫公仔畫出腸...
但近期我竟然開始諗
與其係度尋尋覓覓,辛苦過後又回復舊時
最想要既,永遠都離我太遠...
不如是但搵個人嫁左佢好過
唔使煩,又唔使怕話要落地獄
><好恐怖
不過,諗下都覺得嘔心...
都係唔好亂諗

星期六個日睇完<真的愛你>之後,就去左大佬屋企攻戰四方城
之前去Latte度拜年都唔敢打><
因為逄賭必輸既我,連打1毫子番,8毫爆棚都可以輸左2個幾
如果同Latte打128個D,我唔死都唔得
不過個日四方城既各方城主都係也也烏,唔識數番,連方向都打錯,哈哈...
打3圈,可以由夜晚10點幾打到清晨6點...真係無得頂...!!
我就一路自對一路打,將大佬屋企可以飲既含酒精飲品都對晒,哈哈...
果然打通宵麻雀係work架...

p.s.係IKEA度買左幾塊鏡仔返屋企,不過,我痴得好樣衰呀...><
p.s.尋晚,又好清晰咁夢到她了...真係...之後,呢首歌就係咁係我個腦都盤旋喇...
      係不停,不停,不停咁旋好無...

                            一生想你 
                思想你 思想從前相思的趣味 
                夢你走進我夢 親匿一再提起 
                只得你 使我忘形瘋戀不顧忌 
                令我愛笑愛哭太迷離 沒法可以說道理 
                無從解釋怎么要別離 
                剩我孤單的一人做戲 
                仍思想你猜想你 
                再與我一起 
                原來痴心不會有限期 
                奉上一生只因懷念你 
                在每個晚上算歸期 
                只因你 在我心依然美

Sad Movie

並無想像中咁sad,可能由於睇之expect得太sad
有心理準備所以都係流左幾滴眼淚only
我覺得套戲想以淡然既手法表現出現實
以平淡既日常生活感染觀眾,通過普通既生活與觀眾接軌
從而勾起觀眾深刻既共鳴,獲得觀眾最大既感動
但事實係,一切都淡然得過左頭
令人覺得食之無味,縱使眾主角哭得幾咁入情
但都不過係得出觀眾既幾滴眼淚
但係批評總係容易的,所以其實,呢套都可算係值得一睇既戲,哈...

悶左成個星期,今日終於出街有D野做下,近期每日都係煲碟
連野都無咩點講...日煲夜煲真係煲到痴呆呀...
早2日申請左3G優先試,但係下個月先有電話攞,好緊張呀>>>
更緊張既係唻緊張電話費單,亦應融爆,SHIT...

有好多野想做,有好多野想學,但硬係就的唔起心肝
近唻突然覺得自己老左好多,好可怕...
望住手上面越唻越多既紋(但又懷疑係因為太乾燥又唔茶野...)
我應該係有怕老症
突然發現身邊無左陪伴我老既人,逐漸走向老年真係好可怕
我認為2個相愛既人一齊經歷喜怒哀樂,個種感覺好好
越唻越怕自己會一直一個人咁變老,孤獨咁化土
經常都記起個相士話我會孤獨終老...
其實真係好驚,雖然我都覺得要搵到一個可以容忍我既人真係唔容易
善變,喜怒無常,唔合群,或者係話會係人群中感到疏離
呢D都係精神病既先兆
再咁落去都唔知會唔會變成第二個張國榮...

前排終於徹底咁睇晒<小王子>
令我產生左一個疑問
究竟我既執著係在於那一株玫瑰
還是執著於我係該玫瑰身上既時間精神心機
究竟係那株玫瑰獨一無二
還是我所花既時間心機精神令佢變得獨一無二
定還是,都係一樣?
究竟我係執著緊玫瑰
還是係執著於自己呢?
我真係好迷惘...