THE BROTHER's

aBBE@_@

唔使急,但最緊要快!!
唔使贏,但最緊要唔好輸!!

暱稱： Abbe@_@ 性別： 女 國家： 香港 msn: ##msn##

MORE...

«‹ June 2026 ›»
S	M	T	W	T	F	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

:: 最新日誌 ::

•	http://www.xanga.com...
•	be yourself?
•	咋病
•	可唔可以有新野玩?
•	開心既時間過得特別快...

:: 流口水 ::

:: 友仔日記 ::

• 龍協 • Macy • mY FUXKing xAnGa • 大佬黑 • 水晶媽媽 • 白痴※aLBum※白痴 • 芳芳 • 阿嫂 • 拿鐵 • 拿鐵blog

呢個比賽個名好似好勁,其實,只不過係玩拉划艇機
相信有去過做沾既朋友都會知道係咩
都唔知係邊個發明一個咁既比賽...
無奈,不過好在~
係我既大力出賣之下,大佬都加入左比賽既一份子
呵呵呵呵呵~~咁都唔使咁悶,嘩哈哈哈
所以今日龍舟隊既訓練就集中係拉艇機身上
仲要係主力點樣交棒...(因為係接力賽)
個個咁既交棒方法真係笑爆人個咀...
交棒個個要"碌"走,跟住拉棒個個就"噼啪"咁坐上去...
再有2個人負責"禁"腳...
個情境係可以用怪異來形容,哈...
仲要我地個team人係咁"犯錯"...
碌唔走啦,坐唔到個位啦,最勁既都不外乎大佬個下...甩位...哈哈...
希望到左星期日唔好咁樣衰就得喇...

p.s.今日終於終於終於都搵到譚瑞叫佢轉電...but佢話佢媽媽唔比大阿哥再留係度,要比左人...真係有d唔開心...話晒佢都係我含辛茹苦咁由未開眼湊到大,好想攞返大阿哥返來自己養,但係媽媽絕對唔會比,而我又唔想bebe比佢姦...連一隻貓仔都保護唔到,覺得自己真係好無用...

好攰呀!!!攰到PK呀>>>>

尋日終於都去左參加久違了既訓練
(自從新年前一個week停操直到家陣lu,再上個星期日已經開始開操,但一路都懶無去...)
真係,人都癲呀...
話說一去到我地先來個熱身
每人拉划艇機500米 x 2, 阻力6度
做完呢個已經開始有些少頭暈
心肺功能失調
果然係氣虛血弱(睇來真係要增肥同戒煙)
仲話要星期日去比賽喎...shit!

但事實上,前戲都未開始...
落左艇之後,死亡之旅先真正開始
一落艇,立刻來個咩"無氧xx訓練"
100% output
5板起板, 30板狂衝, 30板開大拉
做4組...每組之間有3分鐘休息
弱不禁風既我真係爬到嘔泡(個刻,我諗實在要增肥同戒煙喇...)
不過但係,好事係成雙既,衰野就一不離二
接住有個750板等住我地...嘔...
60% output 大拉30板, then
80% 狂爬 35板
做十組,係十組!!
無休息無得停
加上唔知點解我個邊(左邊)d人咁high
板頻快到無輪,起碼比右邊快成個bip
真係難為我呢個弱質纖纖既俊俏小生呀(我覺得真係要增肥同戒煙囉...)
去到第3-4組個時
已經FEEL到全身雞肉抽促
雙手發軟,腰部痙攣,腿部消失....
咩60% 80%簡直係癈UP
一味跟住前面個板頻都經已吃力十份
去到最後尾個幾組,簡直唔知做乜
係咁聽到細WEN係後面叫
"Abbe,插深d(真係令人想入非非,但個刻完全無呢個意識)"
"小瀅,拉前d,落多d條腰"
"Abbe,撐住呀!"
"小瀅,頂住呀,你得架!"
真係灰爆呀...(果然,係要增肥同戒煙!!)
撐完呢750板之後,我深深感受到咩為之壯士斷臂
個刻真係想同大佬融合,一人有半邊正常既身體,融合成為一個正常身體,哈...
返到屋企爬落床,手臂同腳都酸酸痛酸酸痛咁...
今朝起身,半個PAT癱瘓...全身頂級酸痛
而連續唔知第N晚既半失眠狀情況依然持續(再咁落去都睇怕要去睇醫生)
真係身身俱疲....灰灰...

尋晚發左個好開心既夢,雖然醒左就一切皆空
但有都總好過無,係夢裡面真係好開心~
希望現實都快d有好事發生啦
唔係真係人都癲耶...

p.s.如果龍舟會度有厠所沖涼就好喇...人地賽馬艇會冠冕堂皇,我地個會係隔離尤如一個難民營...so bad...

1.由某個blog發起, 出一個題目.
2.在自己的blog中完成題目，然後點名另外幾個blog完成同樣的題目
3.另外的幾個blog完成題目以後再分別點名，依次類推
4.被點名的blog在完成題目時要注明被哪個blog點名
5.不可回傳，另加一條自己的題目


．最近在聽的音樂?
- 呢排無聽歌喎~

．最近常想的人?
- 幻想中既美女
　
．你現在還單身嗎?
- 係呀...係咪唔妥呀!!

．誰是對你最重要的人?
- 自己! I am selfish~

．來世如果給你充分的自由，你會想做甚麼職業?
- 探險家到各地探險

．如果你有曾經的戀人，你現在最想跟他 / 她講甚麼?
- 好肚餓呀....講笑啫~! 我應該會講"你知道我在等你嗎?",好想嘔添...

．事業, 愛情, 友情, 其他(請註明)，哪一樣你會放在第一位?
- 友情

．你最大o既缺點 / 優點係咩?
- 缺點:爆懶
- 優點:唔諗野,唔使愁

．如果俾你揀，你會想住係邊個國家?
- 澳洲,陽光與海灘~~

．你覺得被誤會，或遭受冷淡的態度對待，哪樣會比較難受?
- 冷淡,誤會既野,無計既

．antiho問：你想點死?
- 玩緊過山車個陣死

．NickO513問：最想有咩事情係你身上發生?
- 突然識飛!!

．ahbdotcom問：有乜係心血來潮好想做/實踐但係未做到?
- 溝女

．rograce 問：上面咁多條問題,邊條對你最有意義?
- 我都好想答,但答唔到

．katrinakatrina問：你對五年後/十年後/二十年後的自己有甚麼期望?
- 五年之後突然發大達
- 十年之後有好多女朋友
- 二十年之後身體好好好好

．shsh326問：除左$之外，而家最想得到什麼?
- 幸福　

．eci 問：請講出我(傳你此blog的人)既優點同埋缺點。
優點﹕白痴
缺點﹕太白痴

．呂仔問：如果你中左六合彩頭獎你會點做?
- 派錢比朋友,捐錢同埋環遊世界!!當然要有美女相伴啦

．你會choose 忘年戀(10年以上)定姐弟戀(5年內)?
- 未到識忘年既年紀喎,過多10年咪會想忘年囉,家陣,戀童就有份~

．Joan~*問：你最想時間停留係邊一刻?
- 有太陽,懶洋洋又舒服既下午

．Milo問：你認為本人(傳你此blog的人)應從事什麼職業?
- 唔使做

．dee問：我(傳你此blog的人)個樣似幾多歲?
- 19歲

．雀文問：你依家最想見到邊一個人?
- 會鐘意我既靚女

．aqua問：你想做男人定女人?
- 女人,但可唔可以無m?同埋好唔好唔好咁大波?
　
．CHI問：WHAT DO YOU WANNA SAY BEFORE YOU DIE? TO WHO?
- 對全世界 : I will be back~~

．WUDDYGUM問：你估人離開左依個世界之後會點?
- 會有第二種類似人既東東出現

．COCONUT_GLOW問：如果你既時間可以買翻泥或者賣出去的話，你會想做買方定賣方?
- 梗係買啦!!傻架!!

．IVY_CHING問：如果有得揀，你地會揀曖昧定一齊／同居定結婚?
- 同居啦,有得睇無得食,好辛苦啫,結左婚,又太...了

．PERJAI問： 當你孤單你會想起誰?
- 唔定架喎,睇情況啦,總之係frd啦

．RACHEL問：你ge願望係咩?
- 有多十個願望

．Meimei問：你對呢份task 有咩comment呢?
- 好長,有些少想講粗口!!

．呀毒問：有咩歌你聽左會喊?
- 好多架喎...不過最勁係無印既"是你變了嗎?"同張震嶽既"在凌晨"

．阿威問：如果你知道你爸/媽出面有第三者，你會有咩反應?
- 首先呆左,之後唔理...最後可能會去打人!!

．檸茶問：要你送一樣禮物比你仲意/有好感ｋａ人，你會送咩?
- 咁要睇佢鐘意咩啦,或者送自己比佢啦,哈哈哈哈...

．M問：假如你可以用一樣你有既野換一樣你冇既野, 咁你會用自己既乜既乜野黎換乜野(e.g 歌聲換愛人)?
- 大波換金錢

．ＳＩＮＤＹ問：覺得人生的意義係咩呀?
- 搵人生既意義,所以我人生無意思

．阿慧問：你的愛戀味道?
- 大海既味同anna sui 既dream味

．ｗａｉ：你最想得到，但偏偏得不到的東西?
- 爆多姿多彩既生活(包含住有好多好多好多錢洗)

．Ｃａｌｂｙ ：以前/依家不肯開口說你喜歡他/她的原因?
- 怕羞...咦...人地尷尬架...

．吉問：甚麼事會令你/妳真心地笑呢?
- 太多時間喇...我個人好真架嘛~~

．van問：想做被愛的人，還是去愛人? 為甚麼?
- 梗係比人愛啦!!無得解,自私人既定律!!

．做( - ω - )問：諗起我(傳你此blog的人)時個腦會浮現D乜?
- 你白痴既笑

．Christine問：鍾意咩類型的人?
- 矮過我既靚女
　
．(另加)Kelly問：同人表白第一句會點開頭?
- 我鐘意你掛...無試過喎....
　
．Slowfish問：喜歡/愛一個人，你/妳會怎樣？/怎樣才是喜歡/愛一個人?
- 愛到發燒~~你覺得係愛咪愛囉,特別多野問架...!!
　
．Billy問：最「灰」的時候你會做甚麼?
- 狂做運動

．ｓuｋi*問：你去廁所時會想起甚麼?
- 軟棉棉既屎屎
　
．無所不在．颯 問﹕請說出你名稱的由來﹕
- Abbe,係禁某電腦字典出唻既~

．Ken 問：在時代廣場跳脫衣舞和在旺角女人街坑渠裸泳，必選其一你會選什麼?
- 跳脫衣舞啦,起碼可能有人比錢先呀~~

．翼問：生菜和芥蘭二選一
- 芥蘭

．紫問：被我(點你的人)強姦跟被真理之門(鋼鍊)強姦二選一(逆可)
- 我無被姦既興趣喎...

．公子問：希望酒醉後早上醒來睡在身邊的是桑原(幽遊)還是戶愚呂(兄弟)(幽遊),為甚麼~!!??
- 戶愚呂,唔知點解喎,是但啦!況且都只會係紙板公仔啫,哈...

．紗羽問：講下貓,狗同老鼠既關係~~
- 無關係

．sumsum問：直得推介的恐怖片，點解？
- 閃靈,係我同年既陰影之一

．千鶴問：點樣對付黑眼圈和眼袋？
- 瞓覺

．小型問：沖涼時你會洗邊一個部位先呢?~
- 頸!!

．ABBE問：忍屎同忍尿,你會choose邊樣?~

Quicksilver 開倉大特賣,實在係抵爆!!!
金精火眼咁衝入去個場度大搶特搶,平平平平平!!!
真係忍唔住由個心度笑出唻呀!!真心既笑就係呢度發生喇~~
係電光火石,迅雷不及掩耳既速度之下,
我發揮左窮人既本色!!搶左圖中既幾件貨物

1件褸,2件T再加多個Keyholder,都係3舊2咋,問你死未!!

呢個令我心跳加速既keyholder都只不過係27.9,問你點頂~~佢簡直就係我既愛美神呀,嘩哈哈哈哈哈...

"笑逐顏開"呢件咁令人賞心悅目既事就發生係我地大細孖去掃完貨之後
成個行去食飯既過程,由尖沙咀海港行到去廟街
都係忍唔住係咁笑,係咁唱"抵抵抵抵,抵抵抵抵..."
個份喜悅,實在係難以形容囉,哈哈哈哈...
但係最唔好就係件褸太大,從來都未試過買一件衫會咁希望佢縮水架...!!

p.s. 芳芳,我收到你份遲來的情人節禮物喇,實在太令人感動喇,簡直流出一滴眼淚呀,你見唔見到呀?? but,你明知我唔喜食甜野啦,仲寄咁大袋糖唻...你快d唻香港同我食晒佢呀!!!
不過點都好,收到你既禮物,真係好開心呀!!!＾＾
大孖,你都有份收禮物呀,快d多謝芳芳啦!!