THE BROTHER's

aBBE@_@

唔使急,但最緊要快!!
唔使贏,但最緊要唔好輸!!

暱稱： Abbe@_@ 性別： 女 國家： 香港 msn: ##msn##

MORE...

«‹ June 2026 ›»
S	M	T	W	T	F	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

:: 最新日誌 ::

•	http://www.xanga.com...
•	be yourself?
•	咋病
•	可唔可以有新野玩?
•	開心既時間過得特別快...

:: 流口水 ::

:: 友仔日記 ::

• 龍協 • Macy • mY FUXKing xAnGa • 大佬黑 • 水晶媽媽 • 白痴※aLBum※白痴 • 芳芳 • 阿嫂 • 拿鐵 • 拿鐵blog

悶爆呀呀呀呀呀!!!!!!!!!!!!!!!!!!!!!!!!!!!!!!!!

           
屋企既擺設真係亂來到爆,哈...  呢個都可謂係我地屋企既特色...  盆花,真係靚到...

恭喜發財!!農曆新年假"ban"一聲就到左尾聲,聽日就要返工喇...嗚嗚... 
呢幾日既拜年活動真係令到我痴痴呆呆,哈...
自從年廿九個日接左一個令我好唔開心既電話之後,呢幾日假期我個心都依然係有d唔舒服
BUT ANYWAY,過去左就算喇...
年廿九個晚同Latte佢地去左花墟度行年宵,果然今年經濟真係好左
多人到嚇親,尤其是係荃灣,成個球場外面條路都係人...密密麻麻等入年宵
我從來都未見過荃灣咁多人架,好驚...花墟就更加唔使講啦~
迫下迫下,同以往一樣我係年宵市場都係無買野既,不過周圍既人就係咁買係咁買
刺激香港經濟,yeah~希望可以帶動我加薪啦,哈...
行完年宵返到屋企瞓得都6點,11點到又起身去拜年lu~人都癲
李思佩特登打電話返香港同我地拜年,今年新年見唔到佢又真係有些少掛住佢添,哈...

                                                                      
淘淘實在係太可愛喇...
不過真係奀到出汁耶...新一年,要快高長大呀!(不過唔好咁重!!)

 
希望快d行桃花運既我
見桃花就發狂
仲係尖咀同Macy響棵桃花樹度轉左3個圈添,哈...
今年一定行大運!!yeah

初二個日去完太婆度大食特食之後
出左尖沙咀同大佬&Macy去睇煙花
不過由於我地太晏先去到,所以連海旁都入唔到
只可以係進行緊工程既鐘樓附近隔住塊圍板昂高個頭睇咋...
同埋天氣唔係好好,無咩風,雲層偏低
所以睇下睇下都淨係見到d堙,哈...
不過太鐘意睇煙花既我,有得睇,都幾開心喇~
之後仲剷左落廟街度食至靚煲仔飯,一流的!!

希望狗年萬事勝意呀!!

新一年又到喇！！爆竹一聲除舊歲！！
衰既野全部抹晒佢！好既野陸續有來！
新既一年希望所有人都開開心心！
有情人終成眷屬！
單身既桃花錦簇！
上班族升官發財！
學生仔進步神速！

祝
    狗馬享通！身體健康！心想事成！萬事勝意！生意興隆！如意吉祥！步步高阩！
    祥祥久久！學業進步！快高長大！龍馬精神！年年有餘！盆滿砵滿！家肥屋潤！
希望狗年個個都好好運啦！
最緊要，笑口常開！！
哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈
                  
哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈

戇到爆炸...!!
今日2位老闆們又飛,去菲律賓度假...
本應好FREE好HAPPY
FUCKING的竟然係,我今日返工唔記得帶鎖匙,SHIT!!!!!!!!!
咩無聊野都帶齊,就係偏偏唔記得帶鎖匙
仲要差唔多返到公司先發覺,唯有返屋企攞啦
個下真係笑又唔係憫又唔係,淨係一味識得傻笑...
一味諗,好白痴,好白痴好白痴呀!...
一來一回成11點先返到公司
早知瞓多陣好過...
白痴到爆燈...!!

今日係公司悶左一日...真係悶到抽根,頹爆...嗚嗚...

更戇嬌的事係返到公司上網之後發生
我上網發現,原來龍舟隊已經停操
尋日我地實在係白痴仔呀呀呀!!!
但實在覺得自己好勁~努力的朋友

p.s. 淘淘子越來越叻,家陣已經識得"byebye"同埋拍手,仲爬得越來越叻添!!我諗,好快就會識行識走講粗口,哈...

今日收到芳芳寄唻既包果

裡面有一隻好白痴既SONY 貓同"鐵蛋"(台灣出品,必屬皆品)

好多謝你呀!芳芳!太感動喇~

我一定會記住笑口常開架!!

由於芳芳會員既努力,我屋企開始被SONY 貓攻陷...

好快,我都會變成SONY人~ SONYSONYSONYSONYSONYSONYSONYSONY...

但見到SONY 貓個衰樣,真係想打佢兩拳然後笑一大鑊

哈哈哈哈...

各位朋友仔,多謝你地既愛錫呀!懶仔一名既我一向都無點回報你地既恩慰同關心

但其實我都記晒係心架!!所以有朝一日我中左六合彩,一定會分錢比大家洗架~

YEAH!!以表示我對你地諸位既愛~(有D作嘔添)

不過點都好,我都好感謝我每一位朋友,快D祈求我中六合啦,預你一份呀>>>

p.s. 芳芳,呢排你寄親既包果都經馬靄能手喎...佢有無押玩過SONY貓架...

p.s. 今日無好無奈咁去到無人出席既斧山道體能訓練,但我同大佬都仲係好比心機咁跑左4K同做體能...簡直係自虐狂...究竟佢地係全體缺席定係移師去沙田唔單聲呢...原來我地係咁討人厭架...嗚嗚...從來都無試過好似今日咁渴望見到阿LEE架...唔通,我地愛上左佢?? 嘔...好可怕...

再p.s. Latte小姐,唔使愁喎,今劑衰左咪下劑囉,仲有一次掂既...哈...錢搵得唻洗得去,係咪先?~再唔係等埋我一齊考囉,呵呵...有我福星仔,包掂,都係收返你HK$888,抵呀!!