THE BROTHER's

aBBE@_@

唔使急,但最緊要快!!
唔使贏,但最緊要唔好輸!!

暱稱： Abbe@_@ 性別： 女 國家： 香港 msn: ##msn##

MORE...

«‹ June 2026 ›»
S	M	T	W	T	F	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

:: 最新日誌 ::

•	http://www.xanga.com...
•	be yourself?
•	咋病
•	可唔可以有新野玩?
•	開心既時間過得特別快...

:: 流口水 ::

:: 友仔日記 ::

• 龍協 • Macy • mY FUXKing xAnGa • 大佬黑 • 水晶媽媽 • 白痴※aLBum※白痴 • 芳芳 • 阿嫂 • 拿鐵 • 拿鐵blog

HK100既票價
得到HK100既回報
OK悶,因為明哥唔唱自己D歌
成晚係法國改編歌曲音樂會
而且我地個位非常無敵...如下圖...
非四面台既非常之側位...
成場只係見到明哥個背脊><

同埋呢期睇左2場CONCERT
確係覺得,音響唔係好妥當
TOM LEE,努力D啦...(其實係咪真係TOM LEE呢...我都唔知...哈...)
拆爆既聲音,咪影衰香港既音樂界好喎
不過,點都好,都好開心,雖然悶D
最勁係,我又撞到Emma喇,神秘都你唔信呀...!
好鬼想睇陶喆呀,但係Emma話已經爆得8899喇...
SHIT!!!

尋晚又係"好浪漫"既城門河度死拼
不過好在,尋晚天氣好暖,好感動呀...
但係星期日就又凍到pk了...god!
尋日主要係操賽程
砌左4個500
我地win左3次呀,呵呵呵呵~
頭2次係同女子一條龍
同男子砌
win一次lost一次,都好勁喇(雖然有讓賽,哈...)
之後就係同成人mix砌
我地係青年軍加新新地既人
竟然win晒呀,呵呵呵呵~
最神秘係由於首領姊妹花無返
阿wing,敏儀都無返
><
青年mix裡面就係得返我地2條"女"
所以被逼去坐頭欄...
學人帶頻,真係嚇鬼死人~
坐頭欄好搞笑的,個位又窄又逼
前面又一覽無遺
個下真係緊張到爆
好似玩過山車,駕車碌緊上斜坡個陣既心情
but,好好的
我同大佬實在係太孖寶喇
所以頻速相當之夾
又加上無咩力可以快頻
所以後面好容易就跟齊
細wen亦都非常之讚揚架
哈哈哈哈,實在太搞笑喇
但係
希望比賽個日咪叫我地坐頭欄呀...
求求佢...


p.s.星期日比賽完之後就接住黎緊d咩水測,體能測試喇...god...如果衰左唔使旨意去檳城囉...淨返一個week到咋,要努力呀!!
p.s.有可能可以去到Thai喇,好開心呀~~

4月去泰國旅行既計劃要擱置了
大佬,芳芳,對唔住呀><
但係我會加油架喇!!
一定好快再儲到錢同你地去旅行架...

陽光與海灘,再見了...

實在係奪命...
以極眼瞓既狀態去直踩硬撐連續18小時
真係唔係講玩,唔生病真係偷笑

先上天堂再落地獄龍舟訓練700-1300
尋日晨咁早7點就起身
帶住得二條線既眼睛
衝入沙田石門training...
點解,青少年隊要咁早開始train
仲要我真係成左年好耐喇...
熱埋身由9點鬆d落水開始爬
由無雨爬到有雨再爬到好大雨再再爬到無雨
真係凍到浪漫到死...(真係凍到"可"得出煙...)
果然,星期五個個天堂不過係少少既甜頭
地獄先係我地既主菜...
捱左勁耐&已經全身乏力--〉先至十點幾
然後女子隊男子隊落水一齊操
but why我地要繼續一齊操...?
我地真係操左粒幾鐘喇喎...
我一直以為係早到早走架...><...
喊晒口係咁操...
(首領姊妹花楂流灘楂到我有衝動打爆佢地個頭,但係又好好笑...)
最後仲要拖住疲到嘔飯咁滯既身軀
去同男女成人MIX"砌"500m賽程...X2
再見喇,我既雙手同雙腳~
(遙遠的它,不可以再歸家...)
爬到12點幾,足足爬左成3粒鐘,人都癲
除左壯士斷臂之外,亦係全身癱瘓架
由龍度上返地個下真係腳軟...
之後仲要拖住個濕到淋既身行十五分鐘
去最近既厠所度沖涼
咁都凍唔死真係好勁~
我同大佬都覺得我地好快唔會再覺得香港有冬天
哈哈...

p.s.龍舟隊5月可能有得去檳城比賽呀!!如果真係有得去就好喇><不過少年隊應該無人去...咁,會唔會悶爆呢...

"hair"爆6粒鐘1300-1900
沖完個涼食左個飯執返條命之後
係沙田度無野好做,行來行去
最後去左睇《決戰偷心男》

講述溝仔王同溝女王~相遇上~
2個人既霹靂大鬥法
確實係笑爆我個咀,哈...
將我同大佬由眼瞓既深淵拉返出唻
我直頭笑到拍晒手拍晒大脾
好低能...
孫藝珍個D表情,真係唔打唔得,笑死人!!
心情唔好同無聊既朋友絕對不容錯過!!

真係扒地?1900-0100
大佬個"frd"阿藍要離開香港
尋日係旺角某間cafe度玩
大佬之前話係一個扒地...
我呢類諸事八掛,誓唔執輸既人
又點會錯過呢
於是睇完戲標完眼水之後
我地就碌左出MK
走左上間cafe度等開扒地
不過,香港人係愛遲到的
我地由1930等到成2030先有人出現
我地2友茂利直頭眼瞓到瞓左係個度
有好多好多好多人參與扒地
(正確來講係飲野食野玩野啫~)
但係有好多好多好多人都係唔識
所以有些少唔知點
不過有得反我就最開心啦~~
跟住曱甴來左香港啦
好耐無見過佢LU
跟住一齊飲野呀,都幾好呀
多返個FRD,雖然佢係重色輕友
有愛情無朋友
不過,都好開心,確實
"朋友,我當你一秒朋友;朋友,我當你一世朋友..."
返到屋企,撻落床已經1點喇...

p.s. 我係咁發夢爬龍,不斷聽到細wen把聲..."一板一板拉呀,一板一板拉呀..." 救命...

由於下個星期日要比賽既關係
龍舟會既水上訓練由一星期一次
增加到一星期三次
星期三個晚實在太凍,所以自我放假
又由於星期三自我放左假
所以尋日星期五既訓練就不得不去
比賽分開成人隊同青少年隊
我同大佬由於年輕貎美
所以都係歸為青少年隊
(其實實情係,呢個分法為以實力去編排既...so...心照啦~)
青少年隊即係青少年隊
無論隊內既氣氛同訓練既方法都非常青年
即是相當輕鬆又相當開心
約一個鐘既訓練,我完全覺得有一半時間都係講笑
笑笑笑笑笑笑笑!!哈哈哈...
比起係成年隊個度既激烈地獄式訓練
呢度真係天堂
而且大家都好好反,好好笑~
其中同LATTE個妹好似個兩姊妹當中
既唔知家姐定細姐真係好搞笑
佢對住後面班男仔係咁鬧"廢物!圾垃!..."
真係笑爆你個咀...首領,原來係佢,哈哈...不過係有火個隻~
但係唔知點解,去到一班小朋友當中
我同大佬既白痴依然係掩蓋唔到
以低能建稱呀...!!

好緊張呀,下個星期日就比賽喇><
要加油呀~~
但諗起聽日要830去到沙田石門...就想死...嘔...

p.s.死大佬!!你今日無啦啦叫我出去睇GREGORY既開倉,仲比我見到個袋平個舊幾水,我真係想打爆你個頭呀呀呀!!!!